BENVIDA 2024-25   

 Benvidos-as a un novo  ano académico determinado pola Lei educativa LOMLOE. Este curso subirase o pano no noso colexio, para presentarnos un novo Proxecto de Centro relacionado co teatro:

“Que suba o pano na Pedra”

 Con este proxecto pretendemos investigar, descubrir, experimentar, crear, xogar e representar distintas situacións de aprendizaxe. E como cada ano intentaremos seguir aprendendo a aprender dun xeito máis creativo e dinámico.

 E sen máis comenzamos un novo curso coas pilas cargadas e cheos-as de enerxía, desexando que sexa para todos-as un curso repleto de ovacións.

 Na parte de abaixo, no arquivo adxunto deixamos información sobre a área de E. Física e normas de funcionamento xeral relativas ás nosas clases.

Os-as mestres-as de Educación Física.

MINIOLIMPÍADAS NA PRAIA 

Estes días aproveitando o bo tempo e para rematar este curso, baixamos ata a praia da Banda do Río para celebrar as nosas particulares Miniolimpíadas de Papirus.

Os días previos confeccionamos o facho olímpico, que nos ía acompañar no noso camiño, e as bandeiras, que nos axudaron a organizarnos por equipos mesturando idades e cursos (os aros olímpicos, de cor branca; a candea olímpica, de cor amarela; o caldeiro olímpico, de cor vermella, e as mascotas, Les Phryges, de cor azul). Tamén preparamos coroas de oliveira para os participantes pola súa colaboración, esforzo e ilusión.

Finalizados todos estes preparativos, xa só nos quedaba achegarnos ata a praia para gozar das distintas probas que tiñamos que realizar: lanzamentos de vortex ou xavelina, salto de lonxitude, remudas con entrega de testemuño e dobres con raquetas. Unha vez que todxs pasamos polas catro probas, demos por clausuradas as nosas Miniolimpíadas coa entrega das coroas de oliveira.

Para rematar, fixemos unha recollida selectiva de todo aquilo que atopamos pola praia e que non forma parte da natureza como plásticos, papeis, cartóns, botes, cristais, latas... para poder seguir gozando deste espazo o maior tempo posible.

Esperamos que desfrutarades da convivencia porque ese era o noso obxectivo, aprender convivindo deixando de lado a competitividade que moitas veces nos desborda. Grazas aos titores pola súa colaboración e a Lina e a Suso pola súa paciencia. E con isto damos por rematado un ano olímpico.

BO VERÁN!

TRIATLÓN CON PHOENIX KIDS E JAVIER GÓMEZ NOYA

Hoxe tivemos o pracer de compartir unha xornada de promoción da actividade física e hábitos saudables en idade escolar, grazas á fundación  PHOENIX KIDS Triatlón da que é embaixador o triatleta olímpico Javier Gómez Noya.

A actividade comezou cunha pequena charla informativa sobre os múltiples beneficios da actividade física e o deporte sobre a nosa saúde, tanto física como mental e incluso no noso rendimento escolar.

A continuación Victor, María e Manu explicáronnos as diferentes probas de hábilidade que iamos realizar: unha de forza co dinamómetro, outra de resistencia en barra, a de salto tanto en altura como en lonxitude e a última de velocidade de reacción.

Xa só nos quedaba ir pasando por cada unha delas e anotar na acreditación que nos regalaron os nosos rexistros.  Grazas a Javier Gómez Noya e Phoenix Kids polo seu tempo e o agasallo.

CONVIVENCIA VOLEIBOL 

O 12 de abril o alumnado de 5º de primaria tiña unha cita no Ifevi de Vigo para participar nunha xornada de iniciación o Voleibol. A xornada estaba organizada polo Servizo Provincial de Deportes en colaboración coas Agrupacións deportivas da zona, para todos aqueles nenos-as que previamente participaran no programa Xogade en centro.

Por iso ás 9:30 estaba na porta do colexio un autobús para recollernos e aló fomos un tanto nerviosos pero moi ilusionados porque sabíamos que íamos atoparnos con outros nenos-as coma nós do CPR Virxen Milagrosa, do Ceip da Espiñeira, do Ceip de Reibón e do Ceip A Guía. Repartímonos en 6 grupos e fomos emparellándonos con tódolos equipos dos outros centros. Pasou todo moi rápido tiñamos que xogar, rexistrar nun marcado os puntos e anotar nunha acta o resultado final. Ao rematar merendamos e falamos un chisco cos rapeces-as dos outros colexios. Resultou unha xornada de convivencia deportiva moi divertida e saudable. Esperamos poder repetila.

MULTIXOGOS

A principios deste ano os coordinadores do programa Xogade convocáronnos para organizar xornadas MULTIXOGOS cos centros da zona. O alumnado da Pedra tocounos reunirnos cos do Ceip de Espiñeira e cos do Ceip de Montemogos. A xornada celebrouse o luns pasado en Aldán e nada máis chegar organizámonos por grupos mixtos de idade e de colexios. Había 8 equipos con nomes elexidos por tódolos centros:  Invencibles, Queixos, Golfiñxs, Trasnxs, Gatiñxs, Matapiollos, Cachalotes e Pingüíns. A xornada constaba de tres partes: presentación e primeira quenda de xogos, descanso para merendar, segunda quenda de xogos e remata con despedida. Pasámolo xenial, coñecemos a nenxs doutros centros e compartimos experiencias e mogollón de xogos divertidos .  Grazas o Ceip de Espiñeira pola súa acollida. Apuntámolo para o ano que ven podelo REPETIR.

     CLUBE ATLÉTICO BALONMÁN

Esta semana  tivemos a visita de dous compoñentes do Clube Atlético Balonmán de Bueu, Jota e Marta  (unha exalumna do noso cole). Viñeron para amosarnos o deporte que eles practican, o BALONMÁN e convidarnos a probalo no pavillón de Bueu ou no de Beluso. Fomos pasando por cursos polo ximnasio  e a verdade é que resultou unha sesión moi divertida. Grazas pola vosa visita e por ensinarnos o que se fai nun adestramento dun dos deportes que podemos practicar na nosa vila.

E coa chegada do frío tamén chega o NADAL, tempo de descanso e celebracións. Aínda que antes de irnos uns días de vacacións, como tódolos anos realizamos os OBRADOIROS de Nadal para poñer fin a este primer trimestre do curso. Foron catro obradoiros en total por ciclo e no ximnasio realizamos o de MOVEMENTO, cunha pita con toques navideños acompañado con música de panxoliñas. Felices festas e a descansar para volver coas pilas cargas. BO NADAL

 Este ano o programa XOGADE  ofreceunos a posibilidade de realizar por cursos, actividades en centro de distintos deportes. Asi  foi como nas  tres últimas semanas de novembro os de 5º de Primaria, tiveron a visita de Mickel do CLUBE VOLEIBOL MANIOTAS, para ensinarnos algo máis sobre este deporte, que se pode xogar en pista, area ou incluso en herba. Grazas Mickel por compartir con nós a túa experiencia.

Un ano máis co “San Martiño trompos ao camiño”, ao noso colexio chega o Magosto con castañas asadas e xogos tradicionais que nos trae a asociación Corredoiras. O martes 14 foi a quenda dos máis pequenxs do cole, os de Infantil e o venres 17 foron os de Primaria os que estiveron de celebración. Así despois do recreo baixamos por cursos e fomos probando os distintos xogos que estaban espallados por todo o patio. Lanzamos, saltamos, rodamos, corremos, subimos, baixamos, compartimos unha mañá diferente chea de diversión e recordos doutra época. O tempo tamén acompañou e despois de varios días chovendo sen parar, tivemos unha mañá soleada que deixou a Ramón que poidese asar as castañas que comemos quentiñas antes de recoller e marchar para casa.

Grazas CORREDOIRAS polos xogos e o voso tempo.

Como estes días tocaba pasar medo rematamos o mes de outubro cunha mañá terrorífica chea de sorpresas e diversión. Comenzamos nada máis chegar ao colexio e por cursos fomos pasando polos distintos obradoiros: Contos para non durmir, Trick or treat, Move o esquelete e Manualidades de Samaín.

Na aula de psicomotricidade estiveron os máis pequenxs acompañadxs polo profe Sergio con xogos tan divertidos e terroríficos como desprazamentos imitanto a seres fantásticos do Samaín, " O vampiriño", " A pantasmiña cega" " As carretillas transportadoras" e rematamos bailando a canción de " Chúmbala Cachúmbala".

E arriba no cole de Primaria, tamén fomos pasando por quendas polo ximnasio onde había un pasadizo un tanto húmido e seres monstruosos que nos fixeron xogar  a " Pita zombie", a un clásico do Samaín " O vampiriño" e para volta a calma despois de tanta tensión " O home lobo". E rematamos a mañá  bailando todxs xuntxs no patio. Resultou un día terroooooooorificamente divertido.