O pasado xoves 17 de marzo, visitamos a Sala de exposicións Amalia Domínguez Búa, onde poidemos gozar da exposición de esculturas do noso veciño de Bueu, Ramiro Agulla.

   Co título "Folerpas de papel caen devagar sobre fachos prendidos", o autor suxeriunos un contido cheo de emocións e sentimentos encontrados, no que gracias a súa explicación sobre o que quixo reflexar, poidemos adentrarnos un pouco nese mundo, creado cunha instalación na que cada anaco, animaba a formar parte dela. Non faltaba detalle, e mesturando os elementos de luz, espacio, música, materiais e escultura, pasamos a formar parte da obra, no tempo real que estivemos alí admirándoa.

   Poidemos aprender moitas cousas deste grande artista, que contestou todas as nosas preguntas, e explicounos dunha manera sinxela, o que pretendeu mostrar coa súa obra de arte.

    Esta exposición estará todavía dispoñible durante todo o mes de marzo, para todo aquel e aquela que queira visitala. Animádevos!

   Foi unha experiencia xenial! Grazas por compartila con nós!

O mércores pasado, celebrouse o día de Rosalía de Castro. Por primeira vez este ano, e despois de 185 anos do seu nacemento, cambiou a data do 24 de febreiro, despois da investigación da filóloga Sagrario Abelleira, que averiguou, que a escritora naceu o 23 de febreiro e non o 24 como ata o de agora pensábamos.

Os días previos a data sinalada estivemos facendo diferentes actividades, e aprendendo moitos datos sobre a súa biografía e os seus libros.

Tivemos a sorte de contar coa visita ao colexio de Esteban, de Tarabelos, que co seu monociclo e o seu kamisibai, amenizounos a xornada, contándonos un relato do libro "Cantares Gallegos", "Vidal o Sinventura". Ademais propúxonos facer debuxos na aula, relacionados co conto, para que o 9 de marzo, podamos pintalos no muro do patio do colexio, e que quede reflexada a arte tan grande que posúe o noso alumnado. 

Ademais cantamos o poema de "Has de cantar", da adaptación de Uxía, incluído no disco de "Rosalía Pequeniña", que fomos aprendendo os días anteriores. No seguinte video podedes ver imaxes que mostran o ben que o pasamos conmemorando a nosa escritora Rosalía de Castro!!!

O martes 2 de febreiro, Ana, unha monitora do Parque Nacional marítimo-terrestre das ILLAS ATLÁNTICAS, desprazouse ata o noso centro para achegarnos a eses arquipélagos e poder coñecelos mellor.

Comezou presentándonos os catro arquipiélagos do Parque Nacional e os fondos mariños que rodean as illas. Despois, falamos das plantas e dos animais que habitan o Parque e vimos uns vídeos que nos gustaron moito.

Pero o que máis nos chamou a atención foi a caixa coas pegadas que deixan as diferentes especies polo parque, e especialmente unha pel de serpe longuísima: era case tan longa coma Ana! E esa serpe deixouna atrás porque mudara e fíxose aínda máis grande.

Gustounos moito a actividade, e entendemos a importancia de coidar a nósa contorna e en especial ese Parque Nacional onde viven tantas especies de animais e plantas.

Moitas grazas pola visita e por achegarnos a ese paraíso.

Este mércores 2 de febreiro, recibimos a visita de Suso, que nos estivo contando moitísimas cousas das Illas Atlánticas. 

O Corvo Mariño Cristado mostrounos (nunha presentación), por que se chama así o lugar onde vive e contounos en boca de Suso, que é un Parque Nacional, e falounos do único que hai en Galiza formado por:

-Arquipélago de Cortegada

-Arquipélago de Salvora

-Arquipélago de Ons (formado por Ons e Onza) e 

-Arquipélago de Cíes.

Aínda que é marítimo-terrestre, a superficie marina

protexida e dun 86% e a terrestre é dun 14%.

Falounos das súas partes e contounos datos interesantes sobre cada unha:

-Praias e dunas

-O mato 

-Cantís e 

-Os bosques.

Tamén soubemos os peixes que habitan nos FONDOS DE AREA (peixes planos, como a raia, o rodabaio, o lenguado e o rapante); e os que habitan os FONDOS DE ROCHA E ALGAS (onde hai bosques de algas pardas onde se esconden os peixes dos depredadores camuflándose das lubinas, polvos e róbalos, para sobrevivir).

Foi moi interesante saber máis das especies que habitan estas illas!

A continuación Suso propúxolles un xogo de adiviñas ao alumnado, dándolle unha lámina cunha imaxe e unhas pistas, para que situaran a especie autóctona que lles tocou en diferentes hábitats, na praia (píllara, pulgas de area, feo de duna), nos cantís (corvo mariño crispado, herba de namorar, líquenes), na matogueira (lagarto arnal, chasca, toxo), no bosque (choupín, vacaloura), nos fondos de rochas e de alga (mexilóns, percebes, centolas, polbo) e nos fondos de area (choco, ameixa, rodabaio...). Aprendimos unha chea de curiosidades sobre eles.

Ata lles deu un pequeno agasallo aos nenxs.

No seguinte video pódese ver o atento que estivo todo o alumnado, polo interesante que resultou a actividade.

Foi xenial! Grazas.