O 21 de marzo foi o día da poesía. Merlín estivo elixindo uns poemas para celebralo. Que vos parece se buscades tamén algún e o compartides nos foros dos vosos cursos?
Non esquezades escribir o autor ou autora e a obra onde foi publicada.
|
Dúas cunchas negro-azuladas protexen a carne da cor da laranxa.
Nunha batea poden medrar ou moi agarrados ás rochas do mar.
Aínda que semellan unhas castañolas están moi ricos fervidos en olas.
Tamén están bos á vinagreta sendo sinxela esta receita.
Non se despegan do barco pirata as cunchas ao casco están abrazadas. María Canosa (Acuario) |
Miña casiña de pedra, casa de tódolos días, onde os fumes soben altos como as miñas alegrías.
¡Tal brinquei polo tellado, corrín polo corredor, enredei por entre as hortas que enverdecen o arredor!
Miña casiña de pedra, portas e ventás pintadas, caraveleiras de cores aloumiñando as entradas. Ana Mª Fernández (Ondas de verde e azul)
|
