Educación de persoas adultas

A oferta pública de educación de persoas adultas, gratuíta e de calidade, fai posible que as persoas adultas poidan adquirir, actualizar, completar ou ampliar os seus coñecementos e aptitudes para o desenvolvemento persoal e profesional.  A través das ensinanzas de adultos conséguese:

• Actualizar a formación básica e acceder aos diferentes niveis do sistema educativo.
• Mellorar a cualificación profesional ou adquirir unha preparación para o exercicio de outras profesións.
• Adquirir novos conceptos, técnicas e habilidades para unha mellor adaptación aos cambios do mundo actual.
• Desenvolver a capacidade de participación na vida social, cultural, política e económica e o exercicio da cidadanía democrática.
• Reducir o risco de exclusión social, especialmente dos sectores máis desfavorecidos.
• Responder adecuadamente aos desafíos que supón o avellentamento progresivo da poboación asegurando ás persoas de maior idade a oportunidade de incrementar e actualizar as súas competencias. 

 ANUNCIOS 

07/03/2025

Listaxe provisional de persoas admitidas e excluídas na proba para a obtención do título de graduado en educación secundaria obrigatoria para maiores de dezaoito anos correspondentes á convocatoria de abril de 2025

03/03/2025

Convocatoria da proba para a obtención do título de bacharel para maiores de vinte anos de 2025. 

12/02/2025

Orde do 31 de xaneiro de 2025 pola que se regula a proba para a obtención do título de bacharel para persoas maiores de vinte anos na Comunidade Autónoma de Galicia. 

29/01/2025

Convocatoria das probas para a obtención do título de graduado en educación secundaria obrigatoria para maiores de dezaoito anos nas convocatorias de abril e xuño de 2025. 

29/10/2024

Orde do 2 de outubro de 2024 pola que se regula a educación básica para persoas adultas e se establece o seu currículo na Comunidade Autónoma de Galicia.

15/07/2024

Resolución do 12 de xullo de 2024, da Dirección Xeral de Formación Profesional, pola que se ditan instrucións para o desenvolvemento das ensinanzas básicas de educación e bacharelato para persoas adultas e ensinanzas non regradas no curso 2024/25.

Máis anuncios [+]

ACTUALIDADE

		02/02/2024 O próximo luns abre o prazo de inscrición nas probas libres para a obtención dos títulos de ESO e Bacharelato para adultos. Así o adiantou a directora xeral de FP durante unha visita ao Centro Público de Educación e Promoción de Adultos Eduardo Pondal da Coruña
		18/06/2023 A Xunta habilita aulas de capacitación dixital en 55 centros de educación de persoas adultas para formar a máis de 2.800 persoas. Esta actuación permitirá á cidadanía formarse en competencias dixitais en servizos como a banca, o aceso ás administracións ou o consumo telemático. As actividades dirixiranse aos maiores de 55 anos, atendendo especialmente a fenda de xénero á poboación vulnerable e ás zonas rurais.
		03/02/2023 As ensinanzas de adultos, que cursan 10.000 galegos, reforzaranse coa nova Lei de aprendizaxe ao longo da vida que impulsa a Xunta. O departamento de Román Rodríguez está traballando nun conxunto de accións específicas para blindar unha aprendizaxe “permanente, integral, inclusiva e de calidade” para o conxunto da poboación. A nova normativa en trámite reforzará o acceso flexible ás distintas modalidades de ensino para adultos e na garantía de igualdade de oportunidades a nivel social e territorial.
		22/01/2023 Case 800 internos melloran a súa formación nos Centros de Educación e Promoción de Adultos das prisións de Galicia co apoio de 53 docentes.  Román Rodríguez gaba a entrega e profesionalidade deste profesorado e salienta a educación como “a ferramenta máis valiosa para abrir portas e superar barreiras”. Nos centros penitenciarios galegos ofértanse Ensinanzas Básicas Iniciais, Educación Secundaria e Bacharelato para persoas adultas, así como cursos de idiomas e, no caso de Bonxe, FP.

Máis novas [+]