O vindeiro luns 12 de novembro o alumnado do Ciclo Superior de Administración e Finanzas participará nunha charla impartida polo Centro Superior de Hostalería de Galicia, explicaranse as distintas titulacións que ofrecen e as posibles saídas profesionais das mesmas.
É unha actividade abertaa toda a comunidade educativa, polo que poderán achegarse todas aquelas persoas que poidan estar interesadas.
Lugar: Salón de Actos IES Val do Asma
Grupo: CS Administración e Finanzas
Organiza: Departamento de Administración e Departamento de Orientación
Como xa é tradición no IES Val do Asma, o vindeiro venres 9 de novembro celebrarase un magosto para toda a comunidade educativa.
Despois do recreo haberá xogos para o alumnado da ESO e 1º de BACH, e durante a última hora da mañá poderemos degustar castañas, e outros manxares, que nos preparará o alumnado e profesorado de Automoción.
Lugar: IES Val do Asma
Grupos: ESO, BACH, Ciclos Formativos
Organiza: Equipo de Dinamización da Lingua Galega (EDLG) e Departamento de Automoción
O próximo día 5 de novembro o alumnado de 3º da ESO participará na primeira sesión dun obradoiro de educación afectivo emocional impartido pola Cruz Vermella.
O próximo 31 de outubro o alumnado de Turismo, dentro do seu módulo Organización de eventos, coordinará a realización dunha serie de actividades lúdicas relacionadas coa festividade de Samaín.
Tratarán de amosarnos como a celebración de Halloween chegou a América da man de emigrantes irlandeses que levaron alí as súas crenzas de orixe pagá, para isto contaremos coa axuda de Eoin, o noso auxiliar de conversa.
Haberá sorpresas arrepiantes!
Lugar: IES Val do Asma
Grupos:1º e 2º de Axencias de Viaxes e Xestión de Eventos, e 1º e 2º ESO.
O alumnado e o profesorado de FP Dual de Axencias de Viaxes e Xestión de Eventos participará o día 23 de outubro nun Encontro Sectorial no Espazo Xove de Chantada: "Innovación, crecemento e expansión no sector turístico e hoteleiro".
Para máis información sobre este evento preme aquí.
Lugar: Espazo Xove de Chantada
Participa: FP Dual de Axencias de Viaxes e Xestión de Eventos.
O próximo día 19 de outubro o alumnado de FP Dual e do Ciclo Superior de Administración e Finanzas participarán nunha actividade relacionada co marketing dixital que consistirá nunha mesa de experiencias relativa á xestión das redes sociais no ámbito da empresa e que terá lugar no Espazo Xove de Chantada. Tamén se realizará unha visita á empresa Galletas Daveiga.
Lugar: Chantada
Grupos: FP Dual Administración e Finanzas, Desenvolvemento de Aplicacións Web e Axencias de Viaxes e Administración e Finanzas de réxime ordinario.
O alumnado de 1º e 2º de ESO e do Ciclo de Grao Superior de Axencias de Viaxes e Xestión de Eventos participarán o día 16 de outubro nunha andaina realizando unha etapa do Camiño de Inverno.
Lugar: Chantada
Grupos: 1º e 2º de ESO e Grao Superior de Axencias de Viaxes e Xestión de Eventos
Organiza: Departamento de Educación Física e Departamento de Hostalaría e Turismo.
