73 alumnos/as do IES Val do Asma de todos os niveis educativos, participarán no XXV Canguro Matemático - 2018, trátase dun concurso a nivel nacional organizado polo I.E.S. "Juan de Juni" de Valladolid, que consiste na realización de exercicios de distintos niveis de dificultade e en función dos resultados acadados poderán obter diversos premios.
Un representante da Garda Civil, dentro do Plan Director para a convivencia e a mellora da seguridade nos centros educativos, impartirá unhas charlas informativas sobre a prevención do acoso escolar, o ciberacoso e os riscos da internet.
Con motivo da finalización do período lectivo da Primeira Promoción do alumnado dos Ciclos Superiores de F.P. dual, o IES Val do Asma celebrará un acto de graduación ao que asistirán representantes das empresas colaboradoras do Grupo HOTUSA, da comunidade educativa e familiares e amigos/as do alumnado. Neste acto cada alumno/a recibirá un diploma acreditativo da súa formación. Ao final do acto servirase unha bebida e un petisco. Para ver as imaxes deste evento preme na foto.
Lugar: Auditorio de Chantada (entrada con invitación).
Grupos: CS Axencias de viaxes e xestión de eventos, CS Desenvolvemento de aplicacións web e CS Administración e finanzas (dual).
Catro alumnos do Ciclo Medio de Electromecánica de Vehículos automóbiles participan, por segundo ano, nun proxecto de movilidade europeo organizado en colaboración coa Asociación APAGA. Este proxecto consiste na realización da súa Formación en Centros de Traballo en talleres mecánico en Brescia-Italia dende o 06/04/18 ao 09/05/18. Para ver máis imaxes preme na foto.
O alumnado de 1º ESO disfrutará durante dous días dunha viaxe a Estación Invernal e de Montaña de Leitariegos (León), onde se iniciarán ao deporte do esquí e realizarán outras actividades na neve. Para ver máis imaxes preme na foto.