Convocadas as probas para a obtención do título de graduado en educación secundaria obrigatoria para maiores de dezaoito anos.
Os requisitos para poder participar nestas probas son:
-Ter feitos os 18 anos o día anterior á data de realización da proba.
-Non estaren en posesión do título de graduado en educación secundaria.
-Non estaren nin teren estado matriculadas no curso 2022/23 nas ensinanzas de educación secundaria ordinaria, nin nas de formación profesional básica.
-O alumnado matriculado durante o curso 2022/23 na educación secundaria para persoas adultas poderá inscribirse nas probas se solicita a baixa nas ensinanzas do segundo cuadrimestre. Así mesmo, as persoas con ámbitos do primeiro cuadrimestre sen superar deberán renunciar á avaliación extraordinaria deses ámbitos.
As probas celebraranse en sesións de mañá e tarde os días 26 de maio e 1 de setembro de 2023 en centros públicos de Educación Permanente de Adultos das catro provincias.
Os prazos de matrícula serán:
– Convocatoria de maio: 6 de marzo ao 16 de marzo de 2023, ambos os dous incluídos.
– Convocatoria de setembro: 3 de xullo ao 10 de xullo de 2023, ambos os dous incluídos.
As solicitudes de inscrición deberán presentarse en soporte papel en calquera centro de ensino secundario.
As probas constan de tres partes:
- Ámbito científico-tecnolóxico, que inclúe exercicios das materias de Matemáticas, Bioloxía e Xeoloxía, Física e Química e Tecnoloxía, así como aspectos relacionados coa saúde e o medio natural recollidos no currículo de Educación física.
- Ámbito social, que inclúe exercicios das materias de Xeografía e Historia, Economía, Iniciación a Actividade Emprendedora e Empresarial e aspectos perceptivos correspondentes ás materias de Educación plástica e visual, e Música.
- Ámbito da comunicación que inclúe exercicios das materias de Lingua galega e literatura, Lingua castelá e literatura e Lingua estranxeira (inglés ou francés).
Máis información en:
Portal educativo
Departamento de Orientación do IES Val do Asma- 982 870 239