O Seminario de Estudos Comarcais da Costa da Morte (SEMESCOM), cedeu a súa exposición itinerante sobre o patrimonio megalítico da Costa da Morte, para que poidamos apreciar a riqueza arqueolóxica e patrimonial da nosa terra.
A Biblioteca do centro xestionou a chegada desta exposición que está composta de oito paneis descritivos das principais antas da bisbarra, moitas delas situadas en Vimianzo.
Permanecerá no centro ata despois das vacacións do Nadal.
O luns 08/11/2021 María José Gómez Calero, física e investigadora do IGFAE, impartiu ao alumnado de 3º ESO do noso centro o obradoiro titulado "Radiación e radioactividade: da enerxía nuclear á imaxe médica". As alumnas e alumnos puideron achegarse máis ao concepto de radiación e, en particular, á radiación ionizante coñecendo a súa presenza na natureza e as súas aplicacións para diagnosticar e tratar doenzas e para producir enerxía eléctrica. Tiveron a oportunidade ademais de observar in situ a medición da radiación emitida por unha fonte radiactiva empregando un contador Geiger
Hoxe nas dúas últimas horas de clase, celebramos Magosto e Samaín, fixemos Xogos Tradicionais, asamos castañas e degustamos sobremesas deliciosas que fixo o alumnado de 4º ESO. O alumnado de Literatura Universal, entregou os premios do Concurso de Relatos Terroríficos. E o alumnado de Teatro, contou historias de moito medo.
Aquí, atopareis as fotos que fixemos.
Magosto Samaín 2021 - Galería do IES Terra de Soneira (xunta.gal)
O martes 26 de outubro, as 20.00 horas, Pedro Pablo Campo Díaz do Observatorio Astronómico da Universidade de Santiago, instalou un telescopio no centro para observar as estrelas.
O Concello apagou as luces do arredor, e viuse claramente Xúpiter e Saturno.
Foi unha Actividade Estelar!!!!!
O vindeiro mércores 27 de outubro ás 12:25 na aula de Usos Múltiples, terá lugar o acto público de elección da Xunta electoral que rexirá o proceso electoral de renovación parcial dos membros do Consello Escolar do IES Terra de Soneira, segundo a Resolución do 29 de setembro.
No arquivo adxunto podedes consultar o Calendario do devandito proceso electoral.
O xoves 30 de setembro invitounos o Concello á Casa da Cultura a ver uns documentais sobre a caza de bruxas nos séculos XV a XVII. Despois falamos e debatimos.
Os interesados/as (non os pais), ou unha persoa que eles autoricen, poden pasar por secretaría para retiralos, identificándose co seu DNI.
A retirada de TÍTULOS poderá facerse mediante un dos seguintes procedementos:
I. O alumno/a interesado, persoalmente, ensinando un documento acreditativo que o identifique (DNI, pasaporte…).
II. Por medio de autorización a outra persoa para que o recolla (asinada polo alumno/a interesado). Neste caso, a persoa autorizada deberá presentar nesta secretaría, cuberta e asinada polo alumno/a, a autorización acompañada de fotocopia do DNI ou pasaporte… do alumno/a. A persoa autorizada deberá así mesmo identificarse ensinando o seu documento correspondente (DNI, pasaporte…).
27 de setembro. O alumnado de Arte de 2º de Bacharelato, visitou a Igresia de Santiago de Cereixo, xoia arquitectónica da Costa da Morte
Hoxe, veu Nico ao centro a despedirse.
Nunca te esqueceremos.
Moita Sorte!!!!!