blogue desaizmata |
O luns 21 de decembro os alumnos participantes do Proxecto Hiperbárico "Discalzos Racing Team", fixeron a entrega da Caixa Hiperbárica á gañadora do Sorteo Hiperbárico: Eva Durán Bereijo co número 284. Parabéns e a desfrutar do premio. O equipo Discalzos Racing Team e o Profesorado do I.E.S. Punta Candieira quere agradecer a ampla e xenerosa colaboración, de todos aqueles que participaron tanto na elaboración da caixa como na compra de boletos e difusión do sorteo. |
|||
Con motivo do Sorteo da Caixa Hiperbárica, o número premiado foi o 284 Parabéns a/o afortunada/o do Sorteo. Temos todo xa preparado para que se leve o seu premio á casa (se quere). O luns 21 de decembro do 2020 pola mañá se fará a entrega.
Pd: Pregamos ó/á ganador/a que veña cunha máscara máis... imos botar moito a faltar o xamón. |
|||
Convocadas as axudas para distribución gratuíta de máscaras ó alumnado de educación primaria, educación secundaria obrigatoria e educación especial dos centros educativos gallegos. ORDE do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2020/21 (código de procedemento ED330E). ¿Quen opta a elas? 1. Se recibiches "cheque de material"... de xeito automático O alumnado que xa obtivo a axuda para material escolar (os 50€) xa as ten concedidas automaticamente, polo que non precisa solicitalas. Entregaranse a este alumnado cando se remate o proceso, aproximadamente nos primeiros días de decembro (se avisará). 2. As familias cunha renda per cápita igual ou inferior a 6.000 euros. Poden solicitalas as familias que non tiveran a axuda de material escolar, tanto se pediu a axuda de libros ou non, sempre e cando cumpran os requisitos establecidos pola orde. 3. Alumnado matriculado en Educación Especial Aquel alumnado suxeito a tutela ou garda da Xunta de Galicia ou que teña unha discapacidade do 65% ou máis. O prazo para pedilas é.. Pódese entregar a solicitude no instituto entre o luns 16 e o venres 27 de novembro de 2020. Lembra que se tiveches a axuda de material escolar (os 50€) xa non tes que pedilas porque telas concedidas de xeito automático. Documentación a Cubrir... Neste enlace tes á orde da convocatoria no DOG se queres ler todos os detalles, e ó remate desta publicación tes a orde e os anexos a cubrir. Documentación a Entregar... Unha vez cuberta a documentación, toda ela se entregará na Secretaría do centro SEMPRE con CITA PREVIA, chamando o teléfono do centro 881 930 076. Entrega e Distribución das Mascarillas Unha vez rematado o proceso e mercadas as máscaras, iniciarase o reparto no propio centro. No mes de Decembro. Anunciaremos chegado o momento. |
|||
|
|||
|
|||
|
|||
![RSS - blogue desaizmata Distribuir contido](/centros/iespuntacandieira/misc/feed.png)