Os alumnos e alumnas de 4º de ESO viaxamos a Berlín para celebrarmos a fin de curso e de ciclo xuntos.
Alí, durante cinco días, percorremos e gozamos da cidade, explorando a súa historia, arte, cultura, espazos sociais e de lecer, natureza, lingua e gastronomía.
Entre os lugares visitados están Postdamer Platz, Alexanderplatz, o Reichstag, Nicolaiviertel, a porta de Brandenburgo e a avenida Unter den Linden, Tiergarten, Gendarmenmarkt, a illa dos museos, Checkpoint Charlie, East Side Gallery e outros moitos máis. Mais o mellor da visita foi estarmos todos xuntos nesa descuberta.
