No documento adxunto poden consultar os libros que se empregarán no curso 2023/2024.

Antes de realizar ningunha compra lean detidamente o apartado de "Observacións" xa que nalgunhas materias se indica expresamente que se espere ás indicacións que dea o profesorado e iso será en setembro.

No caso da ESO, lembren que as listaxes provisionais de beneficiarios e beneficiarias de Fondolibros se publicarán o 12 de xullo e as definitivas o 26 de xullo.

Estas listaxes estarán expostas no taboleiro do centro ou poderán consultarse na aplicación Fondolibros identificándose con certificado dixital ou Chave 365.

Esta convocatoria está recollida na Orde do 10 de maio de 2023, publicada no DOG do venres 19 de maio de 2023.

Prazo de solicitude: remata o 21 de xuño de 2023.
Requisitos previos: é imprescindible devolver os libros de texto recibidos do fondo solidario no curso 2022/23 en bo estado. A data límite de devolución é o 21 de xuño.
Solicitude:

•   Será presentada pola nai, pai ou titores/representantes legais.
•   Cubrirase usando os formularios do procedemento ED330B (Anexo I e anexo II), dispoñibles na Conserxería do instituto ou descargables nesta publicación, na aplicación Fondolibros ou na Sede Electrónica da Xunta de Galicia.
•   Pode cubrirse en papel ou na aplicación Fondolibros.

• Se se cubre en papel farase unha solicitude incluíndo a todos os fillos e fillas admitidos no mesmo centro e entregarase presencialmente na Secretaría xunto coa documentación correspondente.
• Se se cubre en Fondolibros farase unha solicitude separada para cada filla/o, gardarase xerando un número de solicitude e poderase escoller entre imprimila e presentala na Secretaría ou presentala a través da Sede Electrónica da Xunta de Galicia. En ambos casos haberá que presentar tamén a documentación correspondente.

 Documentación necesaria:

Como todos os anos, o Ministerio de Educación convoca bolsas para o alumnado que curse estudos postobrigatorios no curso 2023-2024.

• Estas bolsas van dirixidas a alumnado que se matricule en Bacharelato, Formación Profesional (Básica, Media ou Superior) ou estudos universitarios, entre outros.
• O prazo de solicitude abrirase o 27 de marzo e rematará o 17 de maio ás 24:00, hora peninsular.
• A solicitude debe facerse obrigatoriamente de xeito telemático.

IMPORTANTE: Dado que o prazo remata o 17 de maio, haberá que presentar a solicitude antes de coñecer as notas finais e de saber que ensinanzas se van cursar durante o ano académico 2023-2024 polo que a solicitude debe facerse para os estudos que se pretendan cursar como primeira opción.

Poden consultar toda a información dispoñible no Portal de Becas do Ministerio.

O procedemento ordinario de admisión en centros públicos de ESO e Bacharelato está regulado pola  ORDE do 21 de outubro de 2022 (DOG do 8 de novembro de 2022).

 Calendario xeral do proceso de admisión:

O día 14 de outubro publicouse oficialmente a ampliación da axuda para adquirir material escolar que viña sendo anunciada nos medios de comunicación. Poden consultar a resolución completa aquí.

Esta ampliación consiste nun novo vale, de 25€, que se lle concede a todo o alumnado que xa foi beneficiario do vale de material escolar. O alumnado que non tivo dereito ao vale de 50€ tampouco ten dereito a esta ampliación.

A entrega do novo vale farase ao longo desta semana e irase informando a través de Abalar.

Aquel alumnado que non estivera presente o día da entrega no seu grupo debe recollela en Secretaría cando se volva incorporar.

En caso de dúbida consulten en Secretaría.