O día 23 de outubro o grupo de 4º de ESO, 1º Bac e 2º Bac saímos cara a Bande e alí fomos ver o xacemento arqueolóxico Aquis Querquennis. Flipamos co Campamento Militar Romano (CASTRA) e contorna e coa visita ao centro de interpretación. Demos un paseo ata as Termas e a MANSIO (unha hospedería), situados na vía XVIII ou Via Nova que une Bracara Augusta (Braga) con Austurica Augusta (Astorga).
Nesa mesma mañá visitamos a igrexa de Santa Comba de discutible e cuestionable orixe visigoda. Unha marabilla imprescindible na visita a Bande.
Pola tardiña, despois de xantar, xa en Celanova, visitamos o claustro do Monasterio de San Salvador e a Casa Museo de Manuel Curros Enríquez (mais ben é a casa do seu pai, José María de Curros Vázquez).