Programa no que se lle ofrece a oportunidade ao alumnado de 4º da ESO, residente na cidade da Coruña, de cursar o Grao 11 en Canadá (equivalente a 1º de Bacharelato). Ten como obxectivo que as persoas participantes adquiran un dominio avanzado da lingua inglesa e un coñecemento real doutra cultura.

Os requisitos que teñen que cumplir as persoas interesadas son os seguintes:

 - Residir e estar empadroado co seu pai, nai ou representante legal, no seu caso, no momento da solicitude.

 - Estar matriculado e cursando 4º de ESO no curso escolar 2022-23 nun centro da cidade da Coruña.

 - Contar no curso de 3º da ESO cunha cualificación media de 6,5 puntos ou máis e non ter ningunha materia suspensa no curso 2021-22.

 - Contar no curso de 3º da ESO cunha cualificación de 7 puntos ou máis na materia de lingua estranxeira (inglés) no curso 2021-22.

O prazo de inscrición vai do 9 ao 20 de xaneiro de 2023. O programa oferta 35 prazas.

Máis información (enlace)

Os centros cívicos do municipio da Coruña realizan campamentos urbanos durante as vacacións escolares de Nadal. Están dirixidos a nenas e nenos que naceron entre o 1/1/2010 al 31/12/2018. Para participar, deberá facerse a preinscrición entre o 1 e o 3 de decembro, ambos incluídos. A inscrición farase na web www.coruna.gal/serviciossociais ou no teléfono 613 37 19 73 (de 9.00 a 20.00 h). 

O 25 de novembro conmemoramos no centro o Día Internacional pola eliminación da violencia contra a muller. Dez minutos antes do recreo, o alumnado do centro reuniuse no patio para ler o nome e idade das 79 persoas que faleceron este ano a causa da violencia de xénero. Ao finalizar a lectura, gardouse un minuto de silencio.

Con esta sinxela homenaxe desexábamos homenaxear as vítimas e manifestar o noso desexo de que dunha vez por todas desapareza a violencia contra as mulleres.

Segundo a resolución do 5 de outubro de 2022, os beneficiarios do vale para adquirir material escolar por importe de 50€ recibirán un vale adicional de 25€. Neste caso, poden vir a recollelo ao centro.

O vale debe empregarse preferentemente na libraría/establecemento antes do 1 de decembro de 2022. 

Así mesmo, o alumnado que se incorpore a un centro docente sostido con fondos públicos ao longo do curso escolar e ata o 31 de marzo de 2023, que perciba a axuda para adquirir material escolar da Orde de abril de 2022, tamén percibirá esta ampliación. 

A alumna Andrea Suleimán Casalderrey, de 4º ESO, obtivo o segundo lugar na IV edición dos premios Isabel Zendal de Promoción do pensamento crítico en Educación Secundaria e Bacharelato. Andrea concursaba na categoría B, para o alumnado de 4ºESO, 1º e 2º de Bacharelato e dos ciclos formativos de grao medio.

O seu traballo, presentado baixo o lema "Sofía" titúlase "As fraudes da saúde e a desinformación na actualidade". O traballo, que se pode ler picando na ligazón, analiza as fraudes para a saúde que xurdiron nos últimos tempos, como a homeopatía e demais pseudociencias. A través da análise de tres casos particulares (os parches para adelgazar "Slimemerstar", o spray "Hondrox" e as cápsulas "Reduslim"), aproveita para reflexionar sobre o tipo de publicidade e de obxectivos que perseguen este tipo de produtos.

Para a realización do traballo, Andrea contou co asesoramento do seu profesor de Cultura Científica, Sergio Núñez.

Moitos parabéns, Andrea!

Axudas dirixidas a alumnado que presenta unha necesidade específica de recibir apoio educativo derivado dalgunha das siguientes situacións:

- Discapacidade.

- Trastorno grave da conducta o da comunicación ou a linguaxe.

- Trastorno do espectro autista.

- Altas capacidades

Poderase pedir desde o 19 de maio ata o 30 de setembro de 2022. 

Todo o proceso de solicitude da bolsa realízase a través da sede electrónica do Ministerio de Educación e Formación Profesional. Unha vez cuberto, terás que imprimir o formulario de solicitude (un PDF) e presentalo no centro educativo no que vas estudar, se non tes certificado electrónico.

Máis información:  (enlace web Axudas Apoio Educativo) / (enlace como solicitala).

A asociación histórico-cultural Recreadores de Galicia participa desde hai moitos anos en certames de recreación histórica por toda España e o estranxeiro. Nos últimos anos colabora cos centros educativos de Galicia na tarefa de aproximar a realidade do mundo romano ao alumnado de Primaria e Secundaria. 

O 26 de abril compartiron connosco a primeira metade da mañá, mostrando ao alumnado de Cultura Clásica de 3º e 4º da ESO a vestimenta típica do mundo romano ou as armas e as técnicas de combate das lexións.

Adáptanse as programacións dos departamentos no relativo á avaliación, os criterios de promoción, de titulación e de concesión de matrículas de honra segundo a ORDE do 25 de xaneiro de 2022 que actualiza a normativa de avaliación. 

Máis información: (enlace).

A exposición Boix, fotógrafo de Mauthausen, permanecerá no centro até o venres 11 de marzo.

A exposición, foi concibida pola Asociación para a Recuperación da Memoria Histórica, que nola cede de maneira gratuíta. Utiliza imaxes tiradas polo fotógrafo catalán Francesc Boix durante a súa reclusión no campo de exterminio nazi de Mauthausen. A partir desas imaxes relátase a experiencia das persoas recluídas no campo, en particular das galegas e galegos que nel foron internadas.

A exposición será obxecto de diversas actividades organizadas polo Departamento de Xeografía e Historia, destinadas particularmente ao alumnado de 4º ESO. A exposición complétase co documental Boix, fotógrafo do inferno. Ademais, o venres 11 de marzo a presidenta da ARMH, o investigador José Manuel López Tuñas ofrecerá unha conferencia ao alumnado. Nesa conferencia estará acompañado de José Luis Alamán.

José Luis é neto de Martín Ferreiro Álvarez, concelleiro do Concello da Coruña na II República. Fuxido do fascismo, Martín foi apreixado en Francia e encarcerado en Mauthausen a finais de 1940. Ao ano seguinte sería asasinado no campo de exterminio de Gusen.

A exposición pode ser visitada por persoas alleas ao centro en horario de mañá. Para acceder é necesario rexistrarse na conserxaría.

O 11 de febreiro publicouse no DOG a nova orde de avaliación do alumnado de Primaria, Secundaria e Bacharelato.

Pode accederse á devandita orde picando na imaxe. Entre outras novidades a orde recolle os novos requisitos para a promoción de curso na Secundaria e a titulación en 4º ESO. Case todas as novidades con respecto á Secundaria contéñense nos artigos 7-12 da orde.

Outra das novidades da orde é que os departamentos deben elaborar unha adaptación das súas programacións didácticas para o período que vai do 6 ao 22 de xuño. Ese período é de obrigada asistencia para todo o alumnado.

Os departamentos irán publicando esas adaptacións nas vindeiras semanas. O prazo para realizalas expira o 12 de abril.