O prazo de matrícula para o curso 2024/2025 abranguerá, segundo a normativa vixente, do 23 de xuño ao 7 de xullo. Se unha vez finalizado o prazo de matrícula esta non se formalizase, terase por decaído no seu dereito á praza obtida.

Atención preferente nas datas seguintes en horario de 8:30 a 14:00h para a matrícula nos seguintes niveis:

1º ESO - 25 e 26 de xuño.

2º ESO - 3,4 e 5 de xullo.

3º ESO - 1 de xuño, 2 e 3 de xullo.

4º ESO - 27 e 28 de xuño. 

O alumnado do centro recibirá o sobre de matrícula coas notas o 26 de xuño. Para os alumnos/as de nova incorporación a secretaría do centro facilitaranlle os impresos necesarios para formalizar a matrícula. Tamén se pode descargar o formulario para a solicitude de matrícula dende esta páxina web, no menú de Secretaría, Impresos e formularios . Unha vez cumprimentado deberá ser entregado na secretaría do centro xunto co resto da documentación. Pódense descargar tamén outros formularios para solicitudes varias, transporte, taquillas...

INSTRUCCIÓNS DE MATRÍCULA 

A entrega de notas da avaliación final terá lugar o mércores 26 de de xuño nas respectivas aulas de cada grupo, no horario seguinte:

10.00 h – 1ºA, 2ºA, 3ºA, 4ºA

10.45 h – 1ºB, 2ºB, 3ºB, 4ºB

11.30 h – 1ºC, 2ºC, 3ºC, 4ºC

12.15 h – 2ºD, 2ºE, 3ºD, 3ºE e 4ºD 

Publicación de notas en abalar á 13:00h.

Farase entrega ademais dos consellos orientadores ao alumnado de 2º e 4º de ESO, así como a aqueles alumnos/as propostos para a Formación Profesional Básica e PDC (Programa de Diversificación Curricular). Entregarase igualmente certificación de estudos ao alumnado de 4º de ESO que titula. Ao resto do alumnado levará o sobre de matrícula cos impresos necesarios.

O prazo de reclamacións abranguerá os días 27 e 28 de xuño de 9:00 a 13:00h. O profesorado estará dispoñible para as posibles aclaracións sobre as cualificacións.

Devolución de libros do fondo solidario e de libros prestados polo centro, cadeados e chaves taquillas:

XOVES 20 de xuño: Alumnado de 3º e 4º de ESO 

VENRES 21 de xuño: Alumnado de 1º e 2º de ESO

Recollerase todos os libros do fondo solidario do curso actual nas datas indicadas. O alumnado irá grupo a grupo facendo a devolución completa do seu lote. É imprescindible para poder optar ao fondo solidario do vindeiro curso 2024/2025. No caso de libros en propiedade, se alguén quere donalos ao fondo, pode achegalos nas mesmas datas.

Ao mesmo tempo aqueles alumnos/as que fixeron uso das taquillas devolverán cadeado e chave da mesma, recibindo a devolución da fianza nos casos en que non haxa deterioros.

O VENRES 21 o alumnado de 1º de ESO que cause baixa no centro devolverá os equipos E-Dixgal (portátil, funda e cargador). Entrega en administración.

No IES Ramón Otero Pedrayo celebrouse o bicentenario da estrea da «Novena sinfonía» coa interpretación da peza a cargo de máis dun centenar de alumnos da ESO baixo a dirección do profesor de música Juan Pérez Berná.

Facendo clic na imaxe accederás a un vídeo da representación

CONVOCATORIA de FONDO LIBROS e AXUDAS para MATERIAL para o curso 2024-25: Orde do 7 de maio de 2024

Solicitude do procedemento ED330B, dispoñible no portal educativo, na sede electrónica da Xunta de Galicia e nas oficinas do centro.

Manual do cidadán - presentación telemática (enlace)

Fondo Solidario de libros de texto.
- Alumnado admitido/matriculado en 3º e 4º de  ESO durante o ano escolar 2024-25. O alumnado de 1º e 2º de ESO non o pode solicitar xa que participará no proxecto educación dixital (E-DIXGAL).
- Asignaranse por orde inversa á renda per cápita da unidade familiar. 
- Terá preferencia o alumnado que estea en garda/tutela da Xunta de Galicia e o que teña discapacidade igual ou superior ao 65%
- Garantirase o mínimo de 6 libros nos casos de renda per cápita menor ou igual a 6000 €, garda ou tutela da Xunta de Galicia ou cunha discapacidade maior ou igual ao 65%; e de 4 libros nos casos de renda per cápita menor ou igual a 10 000 €.

Axudas para adquisición de libros de texto.

- Alumnado de EE ou cunha discapacidade superior ou igua lao 65%. 300€.
- Alumnado de ESO con NEAE, 270€ nos casos de renda per cápita familiar igual ou inferior a 6000 € (ou en garda ou tutela Xunta);  e 180€ nos casos de renda per cápita menor ou igual a 10 000 €.

Axudas para adquisición de material.

- Alumnado matriculado durante o ano escolar 2024-25 e con renda per cápita familiar igual ou inferior a 6000 €.
- O importe da axuda será de 75 € os casos de renda per cápita familiar igual ou inferior a 6000 € (discapacidade maior a o 65% ou en garda ou tutela Xunta); e 60€ nos casos de renda per cápita menor ou igual a 10 000 €.

Prazos.
- Prazo único de solicitude do 21 de maio ao 21 de xuño de 2024, ambos inclusive. 

Co gallo do Día das Letras Galegas, neste ano adicado á poeta, violinista e profesora coruñesa Luísa Villalta, o noso alumnado explorou o seu lado máis creativo elaborando ducias de poemas visuais. Para a súa realización, escolleron versos, estrofas ou mesmo poemas enteiros de Luísa Villalta e combináronos coas artes plásticas máis variadas (colaxes, ilustracións, caligramas...)

Velaquí mostramos algunhas das obras resultantes, que se poderán ver durante estas próximas semanas nunha exposición no corredor do edificio principal.

Moitas grazas pola participación a todo o alumnado e por formar parte, un ano máis, deste día que serve para homenaxear as nosas autoras e reivindicar a nosa cultura e lingua propia!

Mais traballos (aínda non todos) no vídeo:

 https://youtu.be/_bBzVfY_2iE

Os exames de materias pendentes de cursos anteriores celebraranse entre os días 20 e 23 de maio, segundo o seguinte horario:

O 7 de maio de 1824 estreouse en Viena a Novena Sinfonía de Beethoven. Esta peza musical é para moitos a obra mestra do compositor alemán.

Douscentos anos despois celebramos a efeméride no IES Ramón Otero Pedrayo, cunha actuación de 140 alumnos e alumnas. Dirixidos polo profesor de Música, Juan Berná, o alumnado interpretou a parte final da peza, coñecida popularmente como a Oda á Alegría. A interpretación retransmitiuse en directo a través do programa Voces da Coruña, de Radiovoz.

Tal e como declaraba o profesor a La Opinión, "a pandemia privou a Beethoven dunha homenaxe á súa altura; no IES Ramón Otero Pedrayo quixemos compensar esta débeda ao noso nivel". Parabéns a todos e a todas pola vosa excelente actuación!!  A música é saúde!!! 

O mércores 17 de abril o alumnado de1º ESO visitou as instalacións de SOGAMA e o xardín botánico de Cerceda, donde fixeron unha andaina a carón do río Cabancos.

O 16 de abril de 2024, publicouse no Boletín Oficial da Provincia da Coruña, a convocatoria das bolsas municipais de comedor para o curso 2024-2025, para o alumnado empadroado no termo municipal de A Coruña, e que vaian cursar 2º ciclo de educación infantil, primaria, ensinanza secundaria obrigatoria, bacharelato ou formación profesional nun centro de ensino con comedor autorizado do mesmo termo municipal. A asistencia ao comedor será obrigatoria durante todo o período lectivo (de setembro a xuño).

Prazo de presentación: do 17 de abril ao 8 de maio, ambos incluídos. 

Toda a información da convocatoria pódese consultar:

-na web municipal de servizos sociais (enlace).  

-na sede electrónica municipal (enlace). 

-no teléfono 010 de información cidadán. 

NOTA: Entre outros requisitos para acceder á bolsa, a/o alumna/o solicitante deberá ter un DNI, NIE ou número de identificación fiscal válido. 

Atentamente,

Bolsa comedor