Despois de ser debatida nos distintos órganos de goberno no centro, o claustro de profesorado aprobou o 25 de abril a versión definitiva da Concreción Curricular. Este documento, emanado do Decreto 156/2022, trata distintos aspectos do funcionamento do centro, como acordos de carácter xeral sobre a metodoloxía didáctica ou o deseño de actividades complementarias.

Polo seu interese para os responsables do alumnado, destacamos os puntos f), g) e k) da Concreción Curricular:

f) Os criterios de oferta educativa, itinerarios e optatividade. Neste punto detállanse as materias ás que se asignan as dúas horas de libre configuración en 1º e 2º ESO ou os itinerarios que agrupan as materias de 4º ESO.

g) Os criterios xerais para a avaliación, a promoción e a titulación. Neste punto detállanse os criterios xerais para a avaliación das distintas materias, os criterios para pasar de curso e lograr o título da ESO.

k) Os criterios xerais de outorgamento de matrículas de honra. Neste punto estabelécense os criterios para conceder matrículas de honra ao finalizar 4º ESO.

Pódese acceder ao documento completo picando no apartado "Documentos de centro". Tamén pode descargarse o documento completo no adxunto que acompaña a esta entrada.

Nas últimas semanas celebráronse no noso centro numerosas saídas de estudos. A máis relevante de todas foi a viaxe de estudos do alumnado de 4º ESO a Cataluña.

Entre os días 17 e 22 de abril o alumnado de 4º ESO desprazouse a Cunit (Tarragona). Desde alí realizaron unha visita guiada á cidade de Barcelona, acudiron a museos como CosmoCaixa ou visitaron a Sagrada Familia ou o Camp Nou. Realizaron tamén un percorrido pola cidade de Tarragona e disfrutaron de actividades náuticas en Salou. Até mesmo tiveron tempo de pasear pola praia! A viaxe foi unha experiencia inolvidable para o alumnado que marcha do noso centro ao final do presente curso.  

A listaxe provisional de admitidos, tras o proceso ordinario de admisión, encóntrase exposta no taboleiro de anuncios situado no interior do edificio principal.

Así mesmo, poden realizar a consulta a través da aplicación admisionalumnado, empregando a Chave365 ou certificado dixital.

O prazo de solicitude das bolsas de comedor para o Concello da Coruña abrirase o luns 13 de marzo. O prazo de solicitude estará aberto ata o 12 de abril, día incluído.

Toda a información da convocatoria pódese consultar na web municipal de servizos sociais ou na sede electrónica municipal. Así mesmo, tamén se pode consultar a información no teléfono 010 de información á cidadanía.

Entre outros requisitos para acceder á bolsa, a/o alumna/o solicitante deberá ter un DNI, NIE ou número de identificación fiscal válido. Non é necesario presentar un certificado de matrícula, posto que a comprobación de que a/o alumna/o se encontra matriculada/o nun centro educativo do Concello da Coruña, posto que a comprobación dese requisito será feita polo persoal do concello. 

Lembrámoslles, a norma relativa ao evitar o uso dos MÓBILES no centro educativo: Art.127 NOF. Non se van a utilizar polo alumnado para ningunha tarefa educativa segundo aprobou Claustro e Consello Escolar nas reunións respectivas do 24 e 30 de xaneiro polo que é totalmente INNECESARIO VIR CON ELES.

(Enlace ao artigo 127 NOF)

Así mesmo, actualizamos o calendario de avaliacións do terceiro trimestre modificando as datas dos exames de pendentes de maio, que se atrasan á semana do 22 ao 26. 

Ademais fixemos coincidir as sesións da terceira avaliación parcial coas da avaliación ordinaria, segundo o establecido na Orde do 27 de decembro de 2022.

Por tanto, entregaranse as notas de ambas avaliacións o LUNS 26 DE XUÑO. Ese mesmo día tamén se publicarán en Abalar. Non se entregarán as notas da 3ª Avaliación a principios do mes, como sucedeu o curso 2021/22.

(Enlace ao calendario escolar)

Entre o 30 de xaneiro e o 6 de febreiro o alumnado do centro asistirá, en horario de titoría, a unhas charlas impartidas pola Policía Nacional sobre ciberseguridade e uso adecuado de móbiles (1º ESO), acoso escolar (2º ESO), prevención do consumo de drogas e alcol (3º ESO) e prevención da violencia de xénero (4º ESO). Realizarase unha charla dunha sesión en cada un dos grupos.

Así mesmo, impartiranse dúas charlas para as persoas responsables do alumnado sobre ciberseguridade e uso adecuado de móbiles e prevención do consumo de drogas e alcol. A primeira será o mércores 1 de febreiro, sobre ciberseguridade e acoso escolar. A segunda será o mércores 8 de febreiro sobre prevención do consumo de drogas e alcol. Ambas charlas comezarán a partir das 18 horas no Salón de Actos do centro. As charlas son de entrada libre, aínda que, por cuestións de aforo, será necesario anotarse no formulario que figura embaixo.

Animámoslles a participaren. Poden anotarse en ambas actividades ou nunha soa delas. Para facelo, deben cubrir o formulario que se abre premendo neste na ligazón.

Na última semana do primeiro trimestre fixemos a entrega de premios do concurso de Postais de Nadal, en que participaron rapaces e rapazas de 1º e 3º da ESO. Moitos parabéns ás gañadoras: Antonietta (3ºD) e Iria (1ºD). Foi difícil escollermos gañadoras xa que había moitas ben bonitas, parabéns a todas!

Desde o EDLG desexámosvos a todos e todas moi Bo Nadal e próspero Aninovo! Gozade das vacacións.

Programa no que se lle ofrece a oportunidade ao alumnado de 4º da ESO, residente na cidade da Coruña, de cursar o Grao 11 en Canadá (equivalente a 1º de Bacharelato). Ten como obxectivo que as persoas participantes adquiran un dominio avanzado da lingua inglesa e un coñecemento real doutra cultura.

Os requisitos que teñen que cumplir as persoas interesadas son os seguintes:

 - Residir e estar empadroado co seu pai, nai ou representante legal, no seu caso, no momento da solicitude.

 - Estar matriculado e cursando 4º de ESO no curso escolar 2022-23 nun centro da cidade da Coruña.

 - Contar no curso de 3º da ESO cunha cualificación media de 6,5 puntos ou máis e non ter ningunha materia suspensa no curso 2021-22.

 - Contar no curso de 3º da ESO cunha cualificación de 7 puntos ou máis na materia de lingua estranxeira (inglés) no curso 2021-22.

O prazo de inscrición vai do 9 ao 20 de xaneiro de 2023. O programa oferta 35 prazas.

Máis información (enlace)

Os centros cívicos do municipio da Coruña realizan campamentos urbanos durante as vacacións escolares de Nadal. Están dirixidos a nenas e nenos que naceron entre o 1/1/2010 al 31/12/2018. Para participar, deberá facerse a preinscrición entre o 1 e o 3 de decembro, ambos incluídos. A inscrición farase na web www.coruna.gal/serviciossociais ou no teléfono 613 37 19 73 (de 9.00 a 20.00 h).