CURSO 2023/2024

Dúas alumnas e un alumno de 4º da ESO representaron ao noso Instituto no programa concurso Saber y Ganar da 2 de RTVE.

Carmela Taboada, Renata Pía Rial e Adrián López Bocija acudiron ao programa acompañados do profesor do Departamento de Xeografía e Historia, Juan Antonio Colao Barbas e acadaron unhas puntuacións moi meritorias, tal e como podedes ver nos dous programas nos que participaron emitidos durante as vacacións do Nadal.

O alumnado de 4º ESO que representou ao noso centro no programa de RTVE Saber y Ganar, Carmela, Renata e Adrián completaron a proba do Dobre Gran Minuto en tempo e acadaron a máxima puntuación de todos os centros escolares participantes a nivel nacional: 4620 puntos.

 Aquí tedes os enlaces aos dous programas protagonizados por este excelente alumnado:

Programa do 29/12/2023

Programa do 03/01/2024

O alumnado, despois da súa brillante participación no concurso, recibiu uns agasallos por parte do noso centro educativo.

A prensa local recolle novas sobre este asunto e podedes lelas nestas ligazóns: no xornal La Opinión  despois do primeiro programa e nestoutra nova do 5 de xaneiro logo de rematar a súa participación coa maior puntuación de todos os institutos, o que os levou a acadar a cifra de 4620 euros. Tedes tamén as novas recollidas no xornal   La Voz de Galicia.

Tamén o xornal El Español recolle a crónica da súa participación nesta  noticia , onde dan conta da súa fazaña ao completar a proba do Dobre Gran Minuto en tempo cun pleno de 15 respostas correctas ás 15 preguntas formuladas.

Ademais acudiron á Cadea Ser foron entrevistados xunto co seu profesor e non descartan continuar a súa participación en máis concursos televisivos como Reacción en Cadena. Podedes escoitar a entrevista neste enlace .

No mes de decembro de 2023 celebrouse un concurso de postais de Nadal organizado por Bibliomoas e o EDLG.

Os gañadores e as gañadoras do concurso foron os seguintes alumnos e alumnas:

Claudia Castanedo García 3º ESO A

 David López Sánchez 3º ESO C

Celia Rey Mirás 3º ESO A

Dimas Cardóniga Cachadiña 3º ESO B

Sabela Ares Dopico 3º ESO A

Cloe Ramos Incio 3º ESO A

Iago López García 3º ESO B

Aquí tedes os fermosos deseños das  postais gañadoras no certame de postais de Nadal.

O día 20 de decembro tivo lugar ao longo da mañá a actuación do grupo de música do noso centro "Dijo 4", reforzado por algún alumnado de Música do centro, coordinado e dirixido polo profesor do Departamento de Música, Juan José Dios Cañada, interpretando clásicos temas musicais e panxoliñas propias do tempo de Nadal como antesala das vacacións. Os diferentes grupos do alumnado do Instituto foron asistindo, e participando, en distintas quendas, no Hall do noso cento a dita actuación. Nos interludios desenvolveuse a actuación dun grupo coral composto por alumnado do centro e dirixido pola profesora do Departamento de Lingua Galega e Literatura, Mar Hermida Pico, que interpretaron cantos de Reis e Nadal, típicos da tradición galega. As actuacións estiveron precedidas da presentación realizada polo alumno de 4º ESO B, Daniel Collazo Barcia.

O martes 19 de decembro de 2023 o alumnado de Relixión Católica de 1º de ESO realizou unha visita ao Belén/Nacemento do Concello da Coruña no Pazo Municipal de María Pita, nunha actividade organizada polo Departamento de Relixión Católica.

O xoves 14 de decembro de 2023 "Dijo 4" realizou unha  saída á Escola Infantil dos Rosales da Coruña para participar,  nunha actividade musical do PROXECTO AFACO, como  continuidade do extraordinario e altruísta proxecto iniciado o curso pasado polo grupo instrumental  do noso Instituto, en colaboración coa propia AFACO, coa Escola de Danza Druida e coa Escola Infantil dos Rosales, en relación co Contrato-Programa de EduExcelencia. 

Dirixido na súa formidable excelencia polo noso compañeiro Juan José Dios Cañada, o alumnado compoñente do noso grupo instrumental, que estivo reforzado por algún ilustre exalumnado do noso centro, é o seguinte:

Tomás Fernández Antezana 3º ESO B

Amanda López Puñal 2º ESO C

Alberte Díaz Kirk 2º BACH A

Carmen López Bocija 2º ESO C

Manuel Maceiras Ferreira 4º ESO B

Icía Agrafojo Azpilicueta 3º ESO B

Candela López Puñal 4º ESO C

Izan Iglesias Callón 2º ESO C

Alejandro Rodeiro Iglesias 3º ESO B

Paula Rodeiro Iglesias 1º BACH C

Renata Pía Rial 4º ESO D

Adrián López Bocija 4º ESO A

Todos eles e todas elas teñen a nosa admiración e recoñecemento polo seu magnífico labor como embaixadores da execelencia do noso centro.