Inicio

IES Fernando Blanco

Tecnoloxía

LIBRO DE CONTOS METÁLICOS DO ALUMNADO DE 2º DA ESO

O alumnado de 2º da ESO do Fernando Blanco coa acolaboración das súas profesoras de Tecnoloxía Verónica de Ana e de Lingua galega Belén Puñal, fixeron un libro con contos que tratan sobre un metal diferente. Este proxecto chamado Tecnolingua permitiu ao alumnado integrar e aplicar os coñecementos de dúas áreas que, en principio, parecen moi diferentes.

Velaquí tedes o resultado final, por certo, as infografías do libro tamén foron feitas polo alumnado.

Xa tedes lectura para o verán, esperamos que vos guste!!

LIBRO DE CONTOS METÁLICOS

¡Salvemos al huevo!

Este luns 30 de xaneiro, o alumnado de 1º de ESO puxo a proba o seu prototipo do proxecto de Tecnoloxía Dixital denominado “Salvemos al huevo”

¡Salvemos al huevo!

Este proxecto consistía en salvar un ovo fresco se o deixásemos caer dunha altura libre de 8 metros. Para isto tiñan que deseñar e construír un dispositivo que albergase o ovo e permitise amortecer o impacto contra o chan.

Aquí podemos ver os ovos antes da proba, os pobres estaban mortos de medo.

Pobres! Saben o que lles espera

Finalmente, de seis dispositivos probados só dous acabaron co ovo roto.

Aínda que antes de saír a probar o dispositivo, os ovos sufriron outras dúas baixas, con razón tiñan medo de poñerse nas mans dos de 1º

Agora toca reflexionar sobre o deseño do prototipo e facer as melloras oportunas para a proba do dispositivo final que será, se todo vai ben, a semana que vén.

Confiemos en que non haxa máis ovos rotos!

Visita ao MUNCYT, Casa das ciencias e Encontro acampa pola paz

O 9 de xuño o alumnado de 2º e 3º da ESO acompañado por Cristina Ledo e Juan Mayo fixeron unha excursión á Coruña organizada polo departamento de tecnoloxía e tiveron ocasión de visitar o MUNCYT, a Casa das Ciencias e o Encontro acampa pola paz e o dereito ao refuxio nos xardíns de Méndez Núñez.

Velaí algunhas fotos da visita:

Visita ao CIS de Ferrol

CIS de Ferrol 1

42 alumnos e alumnas de 3º e 4º da ESO e de 1º Bacharelato do Fernando Blanco, acompañados de Cristina Ledo, Sofía Cendán e Sergio Carballo visitaron o CIS Tecnoloxía e Deseño en Ferrol o pasado 25 de maio para participar nos talleres D’TEC “Mundos Virtuais e “Descubrindo Materiais”. O alumnado, divididos en dous grupos participaron alternativamente nos dous talleres.

O obradoiro de Mundos Virtuais ten a finalidade de achegar á mocidade tanto a actividade que desenvolve o CIS Tecnoloxía e Deseño como aproximalos á creación de contidos en realidade aumentada e realidade virtual. Durante o taller o alumnado experiementou de primeira man con Dispositivos de VR como o Google cardboard o OculusRift. Ademáis, o alumnado participou na creación dun exemplo de mundo VR ou Iniciación a Cospaces así como na creación dunha contorna navegable.

CIS de Ferrol 2

No taller “Descubrindo os novos materiais”, a través dun conxunto de actividades, entre as que destacamos a elaboración manual dunha pelota saltarina usando un polisilicato de sodio, os rapaces mergulláronse no mundo dos novos materiais, descubrindo un campo de coñecemento de investigación que ten unha grande importancia pero é un descoñecido para gran parte da poboación.

Unha vez rematada a visita e antes de regresar a Cee, o alumnado visitou a praia de Cabanas onde puideron comer os bocatas que trouxeron da casa.