A Dirección Xeral de Xuventude de Galicia está a informar da apertura do prazo de solicitude das Bolsas para cursos en Irlanda organizada por a principal axencia de cursos de idiomas de Galicia.

Durante 2 semanas este verán cunha subvención do 100%, dirixida a estudantes con una idade mínima de 16 anos e una media do expediente académico por riba do 6.

O prazo de solicitude finaliza o 21 de abril

Convocatoria becas

www.becaseurolingua.com

Achegamos impresos descargables para a reserva de praza no IES de Fene para o vindeiro curso 2015-2016

- Impreso para solicitar praza no centro 

- Impreso para marcar as optativas en 1º de Bacharelato, 

Aquí vos deixamos a oferta que dende a ANPA presentamos para a realización dun curso sobre os perigos da rede dirixido a pais e nais, tanto de ESO e Bacharelato, e que tamén queremos facer extensivo a FP.

Podedes descargar o impreso de inscrición no mesmo premendo aquí. A data límite de prazo remata o vindeiro 12 de febreiro de 2014.

Animádevos, que resulta moi importante para a educación dos nosos fillos e fillas!!!

Do 1 ao 15 de febreiro:  Reserva de praza para o alumnado dos centros adscritos (CEIP “O Ramo” e CEIP “Os Casais”) e alumnado do centro que cambie de ensinanza.

Antes do 1 de marzo: Publicación de vacantes

 Ver o calendario completo.....

PARTICIPANTES

O concurso vai dirixido ao alumnado de Educación Secundaria, Bacherelato e Formación Profesional de Galicia, cun límite de idade para presentarse de 21 anos.

VER BASES

O dia 11 de decembro tiveron lugar no departamento de Automoción do IES as "II Xornadas de Mecánica de Competición", que contaron coa presenza do Porsche che que acadou o 1º Posto do Campionato de España de Rallys, así como co seu piloto e mecánico, Sergio Vallejo e Tinoco.

O pasado mércores 3 de decembro tivo lugar unha conferencia na Biblioteca  Municipal de Fene do Enxeñeiro Primitivo González, dentro do programa de actividades que se está desenvolvendo "Fene coa ciencia en Galego", programa no que tamén estivo incluida a charla de Jorge Mira impartida no IES de Fene o pasado 12 de novembro.

Primitivo González foi enxeñeiro de Astano dende 1968 e xunto co seu equipo técnico foi o responsable da construcción de grandes petroleiros e e construcción offshore. Ademais é doutor e catedrático e, na actualidade, profesor de honra da Universidade da Coruña, na que ensinou e foi director do Departamento de Construcións navais ate hai tres anos. 

  A conferencia leva por título "Cando fomos os mellores"en referencia á época na que Astano era un referente tecnolóxico mundial

Durante este curso está a poñerse en marcha o Viveiro de empresas do IES de Fene para o que contamos coa profesora María Iglesias que será a responsable de levar adiante o proxecto. Na seguinte presentación amósanse as características do mesmo

Con motivo da recente estadía en Rennes de dous alumnos, duas profesoras e un profesor do IES de Fene, Radio Fene entrevistou recentemente a algúns deles. Nesta vila da Bretaña francesa tivo lugar unha xuntanza de profesores e alumnos de Holanda, Noruega, Polonia, Francia e Fene  no marco do proxecto "skill4u"

Entrevista a Julián e David: 

 Entrevista a María Nogareda: 

·Relación de titores e titoras dos diferentes grupos de ESO, Bacharelato, Ciclos formativos, PCPI e ESA, e o seu horario semanal de atención a pais e nais

O mércores 12 de novembro tivo lugar no IES de Fene unha charla do televisivo físico Jorge Mira que se enmarca dentro das actividades que o concello de Fene está a organizar con motivo do V Día da ciencia en Galego que este ano se dedica a Isaac Newton e Xosé Rodríguez, e dentro do programa "Fene coa ciencia en galego" no que colaboran o concello, ao que lle queremos agradecer a súa disposición para levar a cabo estas actividades, e centros educativos. Contamos para isto coa colaboración do equipo de Normalización Lingüística do centro que organizou o evento no instituto e de Antonio Orozco, profesor de Física e Química do IES ata o curso pasado, que fixo unha magnífica presentación de Jorge Mira na que expuxo unha reseña das multiples e variadas actividades científicas e menos científicas deste mediático catedrático de electromagnetismo da USC.

A charla levaba o título "A Ciencia no punto de Mira", título tamén do seu libro, e ao longo dela fixo un percorrido por diferentes estudios científicos, dende a bioloxía e a evolución das especies, ata o seu cálculo teórico das temperaturas do ceo e do inferno baseadas na Biblia e que creou polémica en ámbitos científicos e xornalísticos, pasando por diversidade de descubimentos curiosos de premios nobeles e outros científicos que atraparon a atención do noso alumnado de 4º de ESO e 1º e 2º de bacharelato.

Dous estudantes e tres profesores do noso centro participaron nunha mobilidade a Rennes dende o 13 ao 17 de outubro. 

Esta mobilidade está enmarcada dentro do programa de Proxectos Europeos Leonardo "Skills4u" no que participamos con socios franceses, holandeses, noruegos e polacos. 

Durante estes encontros fíxose unha posta en común das actividades xa feitas e establecéronse os criterios para as que quedan por facer, pois unha vez rematado o proxecto, en 2015, este terá unha continuidade no tempo pois o alumnado de FP poderá realizar as prácticas de FCT nalgún dos países participantes.

A experiencia resultou moi positiva, tanto para o alumnado como para o profesorado, e no seguinte enlace podedes escoitar o que supuxo para eles a oportunidade de poder participar neste intercambio.

Video realizado por estudantes franceses do 20 ao 25 de abril durante a súa visita con motivo do proxecto Leonardo LDV Partnership que  tivo lugar o IES de Fene e no que participaron profesores e alumnos de Francia, Noruega, Holanda, Polonia e Fene.

No seo de este programa estase a crear unha páxina web www.skill4u.eu, que porá en comunicación a estudantes, profesores e empresas implicadas nas prácticas que os alumnos de FP de distintos países fan noutros países, sendo financiado todo isto con fondos europeos

O  9  de  outubro  de  2014  celebrouse  no  Centro  Cultural Carvalho  Calero  de  Ferrol  un  recitado  de  poesía  en homenaxe a Carmela Loureiro,  quen fora, durante moitos anos, a presidenta das Equipas de Normalización Lingüística de Ferrolterra.

Foi  un  acto  moi  emotivo  que  combinou  poesía,  música, danza e teatro. Participaron diversos centros de ensino da bisbarra  e,  entre  eles,  o  IES  de  Fene,  perfectamente representado  por  alumnado  de  2º  de  Bacharelato  e coordenado pola profesora Mª do Pilar Sanmartín (Lula).

Carmeliña, sempre nos nosos corazóns.