KA102 ADEUIS 2020 Atención a las personas en situación de dependencia en EUropa. Trabajando para la Inclusión Social y la Sostenibilidad
Este proxecto, pretende continuar coa firme aposta pola internacionalización da nosa organización, o Instituto de Educación Secundaria Félix Muriel de Rianxo (A Coruña), seguindo a liña do Plan de Desenvolvemento Europeo que comezamos en 2018.
As áreas principais que pretendemos seguir mellorando coa aprobación deste proxecto son:
O desenvolvemento da calidade, a internacionalización e a igualdade de oportunidades.
O proxecto actual, chamado "Atención ás persoas en situación de dependencia en Europa. Traballando para a Inclusión e a Sustentabilidade", ADEUIS, beneficiará sobre todo ao alumnado do Ciclo Medio en Atención a persoas en situación de dependencia que se imparte na nosa organización; un alumnado maioritariamente feminino e que na súa maioría non tivo a oportunidade de saír da súa contorna por atoparse en situación de desvantaxe social con respecto aos seus iguais de núcleos urbanos con acceso a máis recursos.
As actividades que realizarán nas organizacións de acollida serán principalmente as relacionadas coa organización da atención aos usuarios, coas estratexias, técnicas e habilidades para favorecer a comunicación e a relación social coa súa contorna. A prestación, en definitiva, de servizos de atención e apoio psicosocial e comunicativo a persoas en situación de dependencia en distintos países europeos, facendo fincapé na promoción da autonomía, o apoio domiciliario e a atención hixiénico-sanitaria para favorecer a súa inclusión.
É un proxecto o cal permite por unha banda, poñer en práctica as capacidades profesionais adquiridas, comparar a situación da atención e a inclusión das persoas en situación de dependencia en distintos países europeos, e pos outro mellorar as competencias curriculares, lingüísticas e de empregabilidade e por tanto de inclusión social, do alumnado da nosa organización participante nas distintas mobilidades.
Ademais do alumnado participante, o profesorado, realizará mobilidades de aprendizaxe para mellorar nas súas capacidades docentes e organizativas e poder formar mellor ás futuras xeracións de profesionais de atención a colectivos en situación de dependencia e conseguir un centro educativo innovador e referente neste campo no panorama europeo.
