IES Espiñeira

Infórmase ás familias que presentaron solicitude de admisión entre o 1 e 20 de marzo para que os seus/súas fillos/as poidan cursar estudos de ESO e/ou bacharelato no ano académico 2019-20 no IES Espiñeira, de que todos/as os/as alumnos/as están provisionalmente admitidos/as (as listaxes provisionais pódense consultar no taboleiro de anuncios do centro). Na vindeira semana, como estaba previsto, hase proceder á publicación destas listaxes xa con carácter definitivo.

As probas libres teñen por finalidade permitir ás persoas participantes obteren directamente algún dos títulos de técnico ou de técnico superior de formación profesional, sempre que demostren ter alcanzados os obxectivos establecidos na Lei orgánica 2/2006, do 3 de maio, para a formación profesional, así como os fixados no currículo respectivo.

Conscientes da importancia que a protección dos animais e a defensa do medio ambiente teñen na procura dun desenvolvemento sostible e na loita contra o quecemento global do planeta, dende o IES Espiñeira animámosvos a que participedes no concurso para REALIZACIÓN DUN MICROVÍDEO SOBRE PROTECCIÓN ANIMAL OU MEDIO AMBIENTE que convocamos por primeira vez este ano.

Todo o alumnado que presentou solicitude de admisión entre o 1 e o 20 de marzo de 2019 para cursar 1º de bacharelato no IES Espiñeira será admitido sen ter que proceder a baremación. Para máis información remítese á nota informativa emitida polo centro.

Nota informativa para a entrega de documentación para beremar (só para alumnado que presentase solicitude de admisión para cursar 1º de bacharelato no IES Espiñeira no curso 2019-20).