Resumo das instrucións emitidas no día de hoxe pola Consellería de Educación, Universidade e Formación Profesional:
-
A efectos de dar continuidade no calendario escolar, os centros educativos procederán a formalizar o peche da avaliación do segundo trimestre. Cada centro, dentro da súa autonomía pedagóxica e de xestión, disporá as medidas precisas para a súa formalización, na medida do posible, antes do 3 de abril.
-
Non serán avaliables as actividades relacionadas cos contidos curriculares realizadas polo alumnado con posterioridade á data de declaración do estado de alarma. En consecuencia, aqueles centros que non teñan formalizado o peche da avaliación do segundo trimestre procederán a formalizalo co traballo desenvolvido ata dita data.
-
No caso das ensinanzas de formación profesional de grao medio e grao superior na avaliación parcial de módulos do segundo curso no réxime ordinario, o equipo docente tomará as decisións de acceso do alumnado á FCT e, nos ciclos de grao superior, o módulo de proxecto.
En virtude do exposto máis arriba, informo á comunidade educativa do seguinte:
1. Os boletíns de notas correspondentes á segunda avaliación serán enviados por Abalar o día 3 de abril, ás 14:00 horas.
2. Dadas as circunstancias derivadas do estado de alarma polo COVID-19, non se emitirán boletíns de cualificacións en soporte papel, polo que se recomenda vivamente ás familias dos menores, e ao alumnado maior de idade, a descarga da aplicación abalarMóbil. Máis información no seguinte enlace.
Daniel Ángel Mulet Pérez
Director do IES Escolas Proval