IES Coruxo |

Entrega de notas da 2ª avaliación

Dom, 29/03/2020 - 12:53

O día 3 de abril farase a entrega de notas da 2ª avaliación. Esta entrega farase a través de abalar móbil ao longo da tarde do devandito día. Para aquelas familias que non teñan instalada a aplicación e queiran instalala teñen a información necesaria en https://www.edu.xunta.gal/centros/iescoruxo/node/448

As familias que non dispoñan de abalar móbil pero das que nos consten enderezos de correo electrónico recibiran as notas a través do correo electrónico.

Aquelas familias que non teñan a aplicación abalar móbil e non notificaran enderezo de correo electrónico deben poñerse en contacto co centro a través do enderezo de correo ies.coruxo@edu.xunta.es ou ben a través do teléfono do centro 886111016 a fin de concretar o medio máis axeitado para recibir a información da avaliación. Este teléfono estará operativo ata o día 8 de abril en horario de 10:00 a 13:00. Entre os días 9-13 de abril o teléfono non estará operativo, volverá estar operativo o día 14 de abril nese mesmo horario.

Notas 2ª avaliación

Xov, 26/03/2020 - 12:01

Tras reunión mantida pola conselleira cos demais conselleiros e ministerio de educación acordouse facer a 2ª avaliación. O período a avaliar é entre 8 de xaneiro e 12 de marzo. As notas recibiranse a través de Abalar móbil ou correo electrónico a partir do 3 de abril. Máis información en

http://www.edu.xunta.gal/portal/node/30634

Actividade física para estes días

Ven, 20/03/2020 - 13:30

Na aula virtual do instituto, no enderezo https://www.edu.xunta.gal/centros/iescoruxo/aulavirtual/course/view.php?id=232 tedes un curso ao que se accede como convidado e nel atoparedes actividades para toda a familia, desde

os máis cativos aos máis maiores. Animádevos. Xuntos venceremos

Recomendacións Desde o Colexio Oficial de Psicoloxía de Galicia

Mér, 18/03/2020 - 18:06

Instrucións para entrar no curso de cada un na aula virtual con motivo da suspensión temporal das clases

Dom, 15/03/2020 - 21:57

Imos explicar como podedes entrar nos vosos grupos para ter acceso aos traballos que o profesorado propón para estes días de suspensión de actividade lectiva.

1-Deberedes teclear o enderezo da aula virtual: http://www.edu.xunta.gal/centros/iescoruxo/aulavirtual/

2-Entra na aula virtual

3-Unha vez na aula virtual deberás facer clic en información para o alumnado período coronavirus e entrarás na seguinte pantalla

4-Cando fagas clic no teu curso aparecerá a pantalla na que debes identificarte. Aí farás clic en entrar como invitado

5-Unha vez dentro do teu curso xa atoparás as instrucións de cada unha das materias

6-Aí xa poderás traballar e facer as tarefas que o profesorado propón.

7-O alumnado EDIXGAL pode ser que recibades instrucións a través da mensaxeria interna da plataforma. Estade tamén atentos.

8-Esperamos vervos pronto e que isto dure pouco tempo. Ánimo

Medidas a adoptar en todos os centros de ensino en relación coa pandemia covid- 19 para os vindeiros 14 días naturais contados dende o día 16 de marzo de 2020

Xov, 12/03/2020 - 20:24

Máis informaión en http://www.edu.xunta.gal/portal/medidas-coronavirus

Suspensión das clases por coronavirus

Xov, 12/03/2020 - 14:29

Mañá venres 13 de marzo a asistencia ás clases será voluntaria. A partir do luns 16 o centro permanecerá pechado. Iremos informando a través deste medio de todas as novidades que se vaian producindo. Así mesmo utilizaremos abalar móbil para ir informando de como se irán organizando as tarefas destes días. O alumnado de 1º e 2º ESO segirá utilizando a plataforma EDIXGAL.

Axudas para a realización de actividades de formación en linguas estranxeiras no ano 2020

Xov, 27/02/2020 - 12:07

Ante a publicación no DOG do día de hoxe, 26 de febreiro, da Orde do 10 de febreiro de 2020, pola que se convocan axudas para a realización de actividades de formación en linguas estranxeiras no ano 2020, destinadas ao alumnado dos centros docentes sostidos con fondos públicos, en réxime de concorrencia competitiva, xúntase cartel informativo desta convocatoria, coa petición da súa difusión entre o posible alumnado beneficiario destas axudas.

O prazo de presentación de solicitudes comeza o día 27 de febreiro e remata o día 26 de marzo.

A información sobre este programa, así como a aplicación "en liña" que se menciona na convocatoria, atoparase na páxina web http://www.edu.xunta.es/axudasle

A información no PDF adxunto

1 adxunto

Viaxe a Astún 2020

Ven, 14/02/2020 - 08:59

Imaxes da viaxe que o noso alumnado realizou a Astún

Álbum: Curso 2019-2020 -> Astún 2020

O alumnado de 4º ESO recibiu unha charla sobre a FP DUAL

Mér, 12/02/2020 - 12:04

Profesorado dinamizador de FP Dual estivo hoxe no centro informando ao alumnado de 4º ESO desta iniciativa que resulta de gran interese para o alumnado que quere acceder a FP ciclos medios.

Charla a Física Re-Creativa: luz e color

Mér, 12/02/2020 - 11:59

No día de onte profesorado da facultade de Minas impartiu unha charla ao alumnado de bacharelato co título Física Re-Creativa: luz e color. Aquí tedes algunhas imaxes da mesma

Convocatoria ás familias de 6º primaria de centros adscritos

Ven, 31/01/2020 - 12:09

O luns 10 de febreiro queremos ter unha reunión coas familias que teñen fillos/as en 6º de primaria nos centros adscritos, así como coas familias que estean interesadas en solicitar praza no noso centro para o vindeiro curso.

Nesta reunión explicaremos o funcionamento do centro, materias, organización de agrupamentos, reforzos, actividades.. e todas aquelas dúbidas que poidan xurdir. Enviaremos a convocatoria aos centros adscritos.

Proceso de solicitude de admisión en centros públicos

Ven, 31/01/2020 - 12:06

INFORMACIÓN SOBRE O PROCESO DE ADMISIÓN DE ALUMNADO EN CENTROS SUSTENTADOS CON FONDOS PÚBLICOS

RESERVA DE PRAZA NO CENTRO ADSCRITO DE ORIXE: DO 1 AO 17 DE FEBREIRO

CENTROS ADSCRITOS: CARRASQUEIRA, A PAZ, RÍA DE VIGO, PÁRROCO DON CAMILO

RENUNCIA Á RESERVA DE PRAZA: 15-25 DE FEBREIRO

PUBLICACIÓN DOS POSTOS ESCOLARES VACANTES: ANTES DO 1 DE MARZO

PRESENTACIÓN SOLICITUDES DE ADMISIÓN: 1-20 MARZO

PRESENTACIÓN DE DOCUMENTOS ACREDITATIVOS DOS MÉRITOS PARA AO BAREMO (SE FOR NECESARIO):25 DE MARZO A 5 DE ABRIL

PUBLICACIÓN DAS LISTAS PROVISIONAIS DE ADMITIDOS E NON ADMITIDOS: 25 DE ABRIL

PRAZO DE RECLAMACIÓN ÁS LISTAS PROVISIONAIS: 26 DE ABRIL A 3 DE MAIO

PUBLICACIÓN LISTAS DEFINITIVAS DE ADMITIDOS: 15 DE MAIO

FORMALIZACIÓN DE MATRÍCULA 1º DE ESO: 26, 27 E 28 DE XUÑO

FORMALIZACIÓN DE MATRÍCULA RESTOS DOS CURSOS: DO 1 AO 4 DE XULLO

LEXISLACIÓN APLICABLE:

DECRETO 254/2012, do 13 de decembro, polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

ORDE do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Criterios que se poden alegar no baremo

Irmáns/irmás do solicitante matriculados durante o curso escolar para o que se solicita a admisión

Nai, pai, ou titores legais traballadores no propio centro

Domicilio familiar ou Domicilio da empresa dos proxenitores

Familia numerosa, Familia monoparental

Renda anual per cápita

Discapacidade igual ou superior ao 33% da alumna/o, nai/pai, titores ou irmáns

Para bacharelato, nota media 3º ESO ou na titulación alegada

Presentación do Grao de Ade ao alumnado de 1º Bacharelato

Mér, 22/01/2020 - 13:16

Hoxe tivo lugar no centro unha charla de IESIDE co alumnado de 1º BAC presentándolle o Grao de ADE. Continuamos coas charlas de orientación ao noso alumnado.

Semanas da froita

Mér, 22/01/2020 - 13:03

Estamos celebrando estes días as semanas da froita. Tentamos que o alumnado cambie os seus hábitos alimenticios cambiando comida lixo por froita saudable.

IES Coruxo