Actividades

Hoxe, o alumnado de 4º ESO do Concello de Redondela estivo invitado a participar nunha xuntanza organizada polo Concello, concretamente polo Servizo de Igualdade e o CIM (Centro de Información á Muller). Tivemos a oportunidade de compartir unhas palabras con Digna Rivas, a alcaldesa de Redondela, e a pesares dos problemiñas técnicos, puidemos falar e comentar dúas curtas, nas que a dirección é exercida por mulleres e que representaban dúas experiencias de violencia de xénero. Foi un encontro que abriu un espazo na que dúas alumnas e un alumno compartiron experiencias propias. Moitas grazas pola iniciativa!

Co pulo da xente nova, o Equipo de Igualdade do IES de Chapela iniciou a súa andaina este luns 16 de novembro de 2020 nun encontro virtual que creou un espazo de liberdade e progreso onde escoitar, aprender e compartir. Comezamos coa vista próxima no 20-N, Día Internacional da Memoria Trans, e o 25-N, Día Internacional Contra a Violencia de Xénero, mais sen esquecer o obxectivo deste grupo: a loita pola igualdade e o respecto á diversidade no noso centro e na sociedade. Moitos parabéns a todas e a todos.

Chega o outono, tempo de Samaín, de MAGOSTO, de rituais.

Tempos de honrar aos que non están e de xuntarse ao carón do lume a contar historias cos que están. Tempos de agradecer as colleitas sementadas...

No IES de Chapela tempo de buscar a unión e a convivencia, e de poñer algo de ilusión nestes tempos.

Atréveste? ACTIVIDADES