Club de lectura

MAIO DAS LETRAS

Xov, 23/05/2024 - 00:00 — Anónimo

Un mes de maio repleto de actividade no noso Club. Desde o Obradoiro de Dores Tembrás para preparar o Concurso de Poesía Xuvenil do IES de Carral; o teatro e as exposicións do Festipán, en que interviña boa parte do alumnado do Club; a Semana das Letras dedicada a Luísa Villalta, o roteiro pondaliano con lecturas de poemas do autor... E poñendo punto e final a tanta actividade, o Quiosco literario creado polo alumnado de 2º da ESO na materia de Lingua, que serviu de ligazón a todas as actividades.

blogue de

Roteiro conmemorando os Mártires de Carral

Lun, 29/04/2024 - 00:00 — Anónimo

Un ano máis o alumnado do Club de Lingua e Lectura de 3º da ESO deu lectura en diferentes partes do percorrido aos poemas que conmemoran o 26 de abril de 1846. Finalmente, interpretaron o himno galego no monumento.

blogue de

Día da Muller tamén en Carral

Lun, 11/03/2024 - 19:45 — Anónimo

O venres 8 de marzo parte do noso alumnado do Club de Lingua e Lectura de 3º da ESO, tomou a voz no pleno do Concello de Carral para dar voz á reivindicación das mulleres. Decidímonos por traballar o humor gráfico e os dereitos das mulleres.

blogue de

Rosalía sempre viva

Dom, 25/02/2024 - 01:00 — Anónimo

Este ano o alumnado de 4º da ESO conmemorou coa profesora Belén Mourelle, o Día de Rosalía, creando un xardín rosaliano. Os poemas e as flores que aparecen na súa obra foron os protagonistas. No recreo, alumnado do Club de Lectura, realizou un recital na biblioteca do centro.

blogue de

Lecturas contra a Violencia de Xénero

Sáb, 25/11/2023 - 13:10 — Anónimo

O venres 24 de novembro, as alumnas do Club de Lingua e Lectura de 2º da ESO, foron ao Concello ler textos contra a violencia de xénero. Despois, podémolas ver diante do banco que o Concello instalou diante do noso centro en contra deste tipo de violencia.

blogue de

OBRADOIRO DE SILVIA PENIDE + CONCERTO DE LETICIA REY DÚO

Mér, 22/11/2023 - 17:20 — Anónimo

Achegándose o 25 N, o alumnado do Club Carralingua, realizou un obradoiro de creación de letras de cancións coa cantante Silvia Penide os luns 6 e 13 de novembro. Algunhas desas cancións estráronse no concerto que deu Silvia previo ao que Leticia Rey Dúo interpretou no noso pavillón. Todo grazas á colaboración do Concello de Carral.

blogue de

Un Escape no Samaín para pasalo de Medo

Mér, 01/11/2023 - 01:00 — Anónimo

SAMAÍN 2023 - ESCAPE ROOM

O alumnado de 2º da ESO do Club de Lingua participou na organización do Escape Room, preparado pola profesora de Lingua, Belén Mourelle, de 2º da ESO. No Escape partiuse dunha lenda da Santa Compaña na parroquia de Tabeaio. E a partir de aí, prepararon as probas para poderen escapar da biblioteca.