Skip to Content

Educación física

Surf en Bastiagueiro con 2º da ESO

Mar, 28/05/2024 - 00:00 — Anónimo

O día 27 de maio o alumnado de 2º ESO realizou unha saída á praia de Bastiagueiro. Esta actividade, realizada polo Departamento de EF, está integrada dentro das propostas do Plan Proxecta + e ten como obxectivo dar ao alumnado a oportunidade de practicar novos deportes como o "Surf".

 

Surf en Bastiagueiro con 1º da ESO

Xov, 23/05/2024 - 00:00 — Anónimo

O alumnado de 1º da ESO dentro das actividades do Plan Proxecta + no programa de PVAD realizou unha saída á praia de Bastiagueiro o mércores 22 de maio. A actividade principal foi a iniciación ao surf, unha experiencia única para todo o alumnado participante, que puido gozar dun día solleiro cunhas ondas ideais para comezar a mergullarse neste deporte tan de moda. Para o alumnado que desexe ver algunha imaxe máis da saída, pode contemplalas no curso da Aula Virtual "Actividades curso 2023 2o24".

 

 

 

Vídeo sobre primeiros auxilios

Sáb, 02/12/2023 - 20:50 — Anónimo

Vídeo sobre primeiros auxilios feito polo alumnado de 4º da ESO, dentro das actividades do Plan Proxecta +.

Cambios na carreira contra a leucemia infantil

Xov, 19/10/2023 - 11:40 — Anónimo

Debido ás previsións meteorolóxicas, a carreira contra a leucemia infantil transcorrerá no propio recinto educativo a última sesión do venres 20. Se as condicións fosen moi adversas, adiaríase a outra data.

O IES de Carral súmase á loita contra a leucemia infantil

Lun, 16/10/2023 - 21:05 — Anónimo

Dentro do Proxecto de Vida Activa e Deportiva, coordinado polo Departamento de E. Física, o IES de Carral participa este venres (se a climatoloxía o permite) na carreira contra a leucemia infantil organizada pola Fundación Unoentrecienmil. A marcha rodeará o Campo da Feira o venres 20 arredor das 13:00 horas. Contamos para a organización coa axuda do Concello de Carral. Animámosvos a sumarvos a esta solidaria e necesaria iniciativa. 

 

 

Se queres ver o tráiler ao completo preme na seguinte ligazón: "Punto y final"

No IES de Carral facemos surf

Dom, 25/06/2023 - 00:00 — Anónimo

Parabéns ao equipo infantil masculino de Campo a través do IES de Carral

Xov, 26/01/2023 - 12:31 — Anónimo

 

O 14 de xaneiro de 2023 o alumnado clasificado na primeira fase de Campo a través acudiu de novo ao parque deportivo de Acea de Ama (Culleredo) para participar na fase intercomarcal. O equipo infantil masculino clasificouse para o campionato provincial que terá lugar o 17 de marzo na zona de Ferrol. Mirade a ilusión que mostran xunto ás copas que trouxeron ao centro.

 

CARREIRA DE CAMPO A TRAVÉS (Culleredo 16/12/2022)

Mér, 21/12/2022 - 23:25 — Anónimo

O venres 16 de decembro o alumnado de 1º, 2º e 3º participou na carreira de campo a través que tivo lugar no parque deportivo de Acea da Má organizada pola Secretaría Xeral para o Deporte (deporte escolar galego).

Ao bo tempo e ao exquisito comportamento da rapazada temos que engadir dúas medallas e un trofeo (primeiro equipo infantil) que nos permite avanzar cara á seguinte fase.

Lembrade o lema do proxecto: “O último en chegar é simplemente o gañador/a máis lento/a”.

Distribuir contido


by Dr. Radut