Educación física

O alumnado de 1º da ESO dentro das actividades do Plan Proxecta + no programa de PVAD realizou unha saída á praia de Bastiagueiro o mércores 22 de maio. A actividade principal foi a iniciación ao surf, unha experiencia única para todo o alumnado participante, que puido gozar dun día solleiro cunhas ondas ideais para comezar a mergullarse neste deporte tan de moda. Para o alumnado que desexe ver algunha imaxe máis da saída, pode contemplalas no curso da Aula Virtual "Actividades curso 2023 2o24".

Finalmente, o 31 de outubro celebramos a nosa carreira "Unoentrecienmil" para traballarmos a concienciación do alumnado e a solidariedade cos que padecen enfermidades tan graves como a leucemia infantil. Todo o alumnado participou con interese e motivación.

Dentro do Proxecto de Vida Activa e Deportiva, coordinado polo Departamento de E. Física, o IES de Carral participa este venres (se a climatoloxía o permite) na carreira contra a leucemia infantil organizada pola Fundación Unoentrecienmil. A marcha rodeará o Campo da Feira o venres 20 arredor das 13:00 horas. Contamos para a organización coa axuda do Concello de Carral. Animámosvos a sumarvos a esta solidaria e necesaria iniciativa. 

Se queres ver o tráiler ao completo preme na seguinte ligazón: "Punto y final"

O 14 de xaneiro de 2023 o alumnado clasificado na primeira fase de Campo a través acudiu de novo ao parque deportivo de Acea de Ama (Culleredo) para participar na fase intercomarcal. O equipo infantil masculino clasificouse para o campionato provincial que terá lugar o 17 de marzo na zona de Ferrol. Mirade a ilusión que mostran xunto ás copas que trouxeron ao centro.