Estimadas familias:
Como sabedes os días 2 e 3 de setembro terán lugar as probas extraordinarias. Para o correcto desenvolvemento das mesmas achegamos a seguinte información, a cal será de obrigado cumprimento:
- As probas realizaranse nas aulas 003, 004 e 005. O profesorado encargarase de distribuir ao alumnado na aula correspondente.
- O alumnado non poderá acceder ao andar superior e só poderá ir aos aseos situados o máis preto das aulas ao remate da proba.
- O acceso ao centro eses días será exclusivamente pola entrada de Rúa do Souto (lembren que non haberá servizo de transporte escolar).
- Unha vez rematada a proba o alumnado deberá abandonar o centro pola mesma porta, salvo aqueles que teñan outra proba a continuación. Estes poderán permanecer no patio exterior ata o comezo da dita proba.
- Queda absolutamente prohibido acceder ao recinto escolar co teléfono móbil aceso.
- O alumnado que non cumpra estas instrucións non poderá permanecer no recinto escolar.