Tedes aquí a ligazón dun programa da TVG no que un grupo canta a cantiga Sara morena, que estamos preparando. O texto non é exactamente igual que o que temos nós. Xa sabedes que isto é característico da música tradicional. Para que non haxa confusións, colócovos aquí a letra da nosa versión. Aclarede a gorxa e a practicar!

https://youtu.be/ikCLecBgkOA

Ai, Sara morena

Ía pra feira de Ourense e esquecéuseme a guillada
Ai Sararara morena, ai Sararara malvada.

Peguei unha revirivolta ie volvín pola guillada
Ai Sararara morena, ai Sararara malvada.

-Ábreme a porta Sariña, que veño pola guillada
Ai Sararara morena, ai Sararara malvada.

-A porta non cha podo abrir, que estou facendo a colada
Ai Sararara morena, ai Sararara malvada.

Peguei unha revirivolta ie sobín pola ventana
Ai Sararara morena, ai Sararara malvada.

-Quen é ese gato negro que tes debaixo da cama?
-É o gato da nosa comadre que vén onda a nosa gata.
-Se é o gato da nosa comadre, que vén onda a nosa gata,
o gato da túa comadre gasta sombreiro e sotana.

Déixovos aquí o vídeo da canción que estamos preparando para a semana das Letras Galegas. Non é o orixinal, pero ten a avantaxe de que podedes ver ben os pasos de baile. A practicar!

https://youtu.be/_a05kT1QNk0

O baile de Noro

Axudádeme a cantare (bis)
axúdeme quen quixere
axudádeme a cantare
se non vou enrouquecere (bis)
Ai a la la, ai la la la.

Esa bailadora que bonita é
debuxando voltas na punta do pé
Na punta do pé, na punta do pé
esa bailadora que bonita é.

Bailade nenas, bailade
que o voso bailar me alegra
se o voso bailar non fora
non estaba nesta terra.

Logo cantas, logo bailas (bis)
logo tes o pé lixeiro
logo me fas arrimare
as miñas mans ao pandeiro (bis)
Ai a la la, ai la la la.

Esa bailadora que bonita é
debuxando voltas na punta do pé
Na punta do pé, na punta do pé
esa bailadora que bonita é.

Bailade nenas, bailade
que o voso bailar me alegra
se o voso bailar non fora
non estaba nesta terra.

Cantares e máis cantares (bis)
cantares hei de cantare
teño a hucha nova chea
e un costal por desalare (bis)
Ai a la la, ai la la la.

Esa bailadora que bonita é
debuxando voltas na punta do pé
Na punta do pé, na punta do pé
esa bailadora que bonita é.

Bailade nenas, bailade
que o voso bailar me alegra
se o voso bailar non fora
non estaba nesta terra.

Esta vai por despedida (bis)
hoxe aquí non canto outra
as señoras que ma oian
de hoxe un ano me oian noutra (bis)
Ai a la la, ai la la la.

Esa bailadora que bonita é
debuxando voltas na punta do pé
Na punta do pé, na punta do pé
esa bailadora que bonita é.

Bailade nenas, bailade
que o voso bailar me alegra
se o voso bailar non fora
non estaba nesta terra.

No pdf axunto tedes un método de lectura musical, para que poidades practicar os exercicios de lectura rítmica

La Follia. A. Corelli:

https://www.youtube.com/watch?v=5BPhkY6xIP8

Invención nº 2. J. S. Bach

https://www.youtube.com/watch?v=eS5NJ_mhAI4

O 4 de marzo, a proposta do departamento de música, o alumnado de 2º da ESO, fomos o Auditorio de Galicia escoitar un concerto do grupo Na Virada.

Previamente traballamos nas aulas alguns asuntos vencellados a este tipo de actividades musicais: os locais para a música e os códigos de conduta –diferentes segundo os locais e a clase de concertos-; o tipo de grupo e as músicas que fai. Os ointes e o respecto polo traballo dos músicos.O folclore, o folk e outras músicas de autor.

Escoitamos músicas dos dous discos que até o momento puxeron no mercado. No segundo, SOLAINA, un lindo disco-libro fermosamente ilustrado no que musican a poetas galego-portugueses. A alma mater de Na Virada é Xico de Cariño e o grupo naceu dunha asociación cultural con pequenos no Morrazo.

O alumnado, organizado en grupos cunha persoa coordenadora, realizaria un traballo que submeteriamos a avaliación e votación na aula premiando o mellor.

En 2º B foinos máis fácil organizar e decidir porque os grupos eran da propia aula.

2ºA e C xuntamonos facendo os grupos mixtos, asi que todo se complica un pouco máis –de feito ainda está pendente a votación definitiva- pero a experiencia é tamén interesante.

Ademáis do concerto, visitamos o Museo do Pobo Galego, a igrexa de San Domingos de Bonaval –e a exposición “100 anos do himno galego”- e o Panteón de Galegos Ilustres onde lembramos a Castelao, a Rosalía Castro, a Domingo Fontán.

Outro grupo, mentres, acudiron ao Centro Galego de Arte contemporánea.

Aqui tedes o traballo que eliximos gañador en 2ºB. Nel participaron Adrián Amor, Irimia Muelas, Marta López, Javier Beade e Xacobe Freire. Todos contribuiron coa súas cámaras, plumas, grabadoras, ordenadores e traballo en equipo.