Onte o I.E.S. Breamo participou nun encontro escolar de fútbol feminino. Nesta xornada os centros participantes foron os de Betanzos, Monfero, Miño, Mugardos e Pontedeume.

As nosas alumnas demostraron que dando o mellor de cada unha pódense alcanzar bos resultados; as cadetes gañaron todos os partidos disputados e as infantís quedaron terceiras.

Foi unha mañá moi entretida para todas afianzando relaciónelas intercentros.

A organización realizouna Deporte Escolar Galego e desenvolveuse nos polideportivos de Monfero e Irixoa.

O Punto Laranxa é unha medida impulsada desde a Xunta  co obxectivo de erradicar o acoso e o ciberacoso nos centros educativos, grazas á colaboración de alumnado, docentes, familiares e outras persoas próximas á comunidade educativa. O anonimato constitúe un refuxio seguro á hora de denunciar, facilitando así o logro dun cambio entre todos e todas.

Este Punto Laranxa funcionará como caixa de correo física (ao lado do departamento de orientación) e virtual (na web do centro) para trasladar situacións de acoso. 

Se estás a sufrir ou coñeces algún posible caso de acoso ou ciberacoso, axúdanos a paralo!

ACCESO AO PUNTO LARANXA

Compoñentes do equipo que xestiona o Punto Laranxa no IES Breamo: Lucía Fernández, Estíbaliz Markaida, María Segura e Lucinio Medel.

Resolución do 28 de febreiro

Estrutura do marco galego de competencias dixitais

CERTIFICACIÓN ComDix

.- Certificación do nivel que ten unha persoa para utilizar as tecnoloxías. O sistema de acreditación seguirá un patrón similar ao que se utiliza actualmente na certificación de idiomas. A acreditación está integrada por 21 competencias que se poderán certificar en catro niveis diferentes: iniciación, intermedio, avanzado e especializado.

.- Obtense a partir dos 16 anos por validación ou realización de probas.

.- Ten caducidade aos 5 anos. Novas probas de certificación.

Certificación ComDix iniciación (de maneira automática ao titular na ESO) 

Certificación ComDix intermedio (mediante probas específicas): 

.- O alumnado matriculado en 4º ESO fará unha proba específica se quere acreditar este nivel.

.- Con título de bacharelato acredítanse as áreas de dominio 1, 2, 3 e 5 do nivel intremedio. O alumnado matriculado en 2º de bacharelato fará a proba específica que acredita a area de dominio 4 para obter a certifiación do nivel intermedio.

DATA E LUGAR DE REALIZACIÓNDAS PROBAS

Proba específica que acredita competencias dixitais de nivel intermedio: 

.- No mes de maio en formato online.

.- Batería de 60 preguntas (12 por área de dominio).

.- 90´de duración.

.- Deberase responder correctamente ao 70% do total das preguntas cun minimo do 60% de respostas correctas en cada unha das 5 áreas.

Proba específica que acredita a área de dominio 4 do nivel intermedio: 

.- No mes de abril en formato online.

.- 20´de duración.

.- Batería de 12 preguntas

.- Deberase responder correctamente ao 60% das preguntas.

Demo da proba de  acreditación

SOLICITUDE DE INSCRICIÓN

.- Na secretaría do centro con data límite do 15 de marzo.

.- Modelo a entregar no centro (anexo IV).

No centro educativo IES Breamo tivemos a visita especial de usuarios de ASPACE Coruña, persoas con parálise cerebral, que nos axudaron a comprender as súas dificultades e o seu día a día. Tamén nos falaron de diferentes retos aos que se enfrontan alumnos de toda Galicia para tentar mellorar a súa calidade de vida: Talentos Inclusivos. Este proxecto, promovido polo CITIC da Universidade da Coruña e ASPACE, busca despertar vocacións STEM entre os mozos e concienciar sobre a discapacidade. 

Dende o noso centro tamén estamos a participa. O alumnado de 1º bacharelato, baixo a coordinación da profesora de tecnoloxia Julia Vázquez vila, está a traballar en equipo para atopar solucións tecnolóxicas e innovadoras aos retos propostos: un guiador adaptado para bicicletas e unha tarima para os usuarios da piscina cun sistema de suxeición para poder moverse.

O alumnado de 3º ESO participante no programa TitorAxudante tivo esta semana unha cita de cine co alumnado de 1º ESO ao que está a axudar este curso. Con flocos de millo incluídos e despois do intercambio de impresións sobre a visualización da curta, baixo a temática o trato con demais, deixaron por escrito a súa reflexión nun mural á vista de toda a comunidade educativa. 

Hoxe, 23 de febreiro, celebramos o día de ROSALÍA de Castro con asaltos poéticos, degustación do Caldo de Gloria e coa proxección desta produción audiovisual realizada por Quincas das Fervenzas (profesor de xeografía e historia no IES Breamo).

Conmemorando o día internacional contra a homofobia no deporte o alumnado de 4º de ESO e 1º de bacharelato do IES Breamo disputou un encontro de fútbol. Este ano elixiuse esta disciplina deportiva en honor a Justin Fashanua, primeiro xogador de fútbol profesional en declararse publicamente homosexual.

Do 19 de febreiro ao 1 de marzo, acollemos no centro a exposición “O amencer da humanidade". O poboamento paleolítico de Galicia” unha iniciativa promovida pola Secretaría Xeral de Política Lingüística co obxecto de dar a coñecer as últimas investigacións desenvolvidas no ámbito da prehistoria en Galicia.
Ademais de seis paneis informativos en formato rollup, a mostra inclúe varias réplicas de materiais arqueolóxicos, un audiovisual explicativo e dúas unidades didácticas, para educación primaria e secundaria respectivamente. VÍDEO

O alumnado de 1º BAC tivo hoxe una charla sobre Nanotecnoloxía impartida polo profesor da USC Francisco Fraga López, que forma parte do programa A Ponte de charlas temáticas da Universidade de Santiago de Compostela.