No 25N inspirámonos na artista Yayoi Kusama e na súa arte baseada en puntos e realizamos unha instalación artística de puntos violetas cheos de mensaxes e poesía na entrada do IES As Barxas, coa colaboración dos CEIP da GUÍA, Domaio e Reibón, a participación do grupo Incomódxs e rebeldes e tamén do Concelleiro de Mocidade, Dani Costas. Na instalación que inauguramos hoxe pódese ver poesía ilustrada coa técnica do collage realizada polo alumnado de 3° da ESO de Educación Plástica, Visual e Audiovisual a cargo da profe Luz Beloso ao redor da obra de Toño Núñez, Yolanda Castaño e Lupe Gómez, ou mensaxes cheas de forza e esperanza dos distintos centros participantes, porque a educación é a única esperanza para derrotar ao machismo.

Estamos felices de anunciar que dous proxectos do noso IES veñen de ser galardoados con sendos Premios da Xuventuda da Deputación de Pontevedra. Trátase do proxecto de Igualdade Incómodxs e rebeldes, a cargo do profesor Denís Vicente, e do videoclip da alumna Ainhoa Mosquera, creado no Obradoiro de Música a cargo do profesor Seso Durán, a través da liña dos Contratos-programa para acadar a liña da excelencia. Non podemos sentir máis orgullo. Parabéns!

A nosa rapazada de 1° da ESO, preparándose nas clases de Historia para participar no Pleno Infantil do Concello de Moaña do vindeiro martes 23.

O pasado mércores aprendemos a debuxar manga nun obradoiro coa profe Luz Beloso, unha actividade organizada polo noso Club de Manga, capitaneado polo profe Yago Rodríguez . Nivelazo!