Actividades curso 2022-2023

O pasado xoves o alumnado de 1ºESO realizou unha saída escolar ao Museo de Pontevedra e ao Parque Arqueolóxico de Arte Rupestre de Campo Lameiro. 

A xornada comezou no museo de Pontevedra onde realizaron un percorrido polas salas de arqueoloxía desde o Paleolítico ata a romanización, no que descubriron, a partir dos restos arqueolóxicos expostos, algúns dos aspectos máis relevantes da vida dos nosos antepasados. Ademais, aproveitaron para realizar un paseo por Pontevedra e visitar os seus monumentos, o casco vello e as súas prazas.

Organizado polo departamento de música, o alumnado de 3º da ESO do noso instituto tivo o privilexio de asistir ao concerto “MIGRASONS” de música folk a cargo de seis profesores e dúas profesoras da E TRAD de Vigo, institución na que de xeito gratuíto os vigueses podemos recibir formación de diversos instrumentos galegos. O Concello dispuxo dous autobuses nos que un cento de alumnos e cinco profesores achegámonos ao auditorio para desfrutar do concerto didáctico dunha hora de duración que comezaba ás doce da mañá. Xunto con outros alumnos doutros centros da nosa cidade enchemos o auditorio.

Para conmemorar o día da Muller, o alumnado do Equipo Morgana visitou os centros adscritos para explicar por que se celebra o 8 de marzo e contar como traballa o Equipo no centro. Despois achegáronse ao parque da Bouza para xuntarse co Comando Igualdade e levar a cabo unha homenaxe á asociación de mulleres Dorna no Cristo da Victoria. Despois dunha batucada e da lectura do manifesto conxunto, houbo micro aberto, onde se compartiron moitas experiencias e textos emocionantes.

Aquí tendes as fotos desta intensa xornada!

No noso centro celebramos o Día de Rosalía co xa tradicional troco de libros onde o alumnado puido intercambiar lecturas en galego e ademais recibir unha flor. Dentro da celebración o alumnado de 1° de bacharelato puido asistir a un pequeno concerto da artista Su Garrido que fixo seimus varios poemas da nosa lírica.

Botádelle un ollo ás fotos da galería!

Hoxe é o Día Internacional da Muller na Ciencia e para que non se nos esqueza a importancia de fomentar as vocacións científicas entre o alumnado durante esta semana tivemos dúas fantásticas charlas dadas por dúas profesoras da @universidadedevigo Gloria Pena Uris, profesora de Enxeñería Industrial e Natalia Torres Cadavid de Dereito. O noso bacharelato de 1° de Bach desfrutou da súa solvencia e puideron resolver moitas dúbidas no coloquio posterior.