O venres 24 de novembro, ás 12:30, o alumnado de 2º e 2º ESO, acompañado polo profesorado que lle impartía clase a esa hora, asistiu a esta videoconferencia, organizada por Igaciencia en colaboración coa Secretaría Xeral de Política Lingüística, para conmemorar o Mes da Ciencia en Galego. A ponente da mesma foi a doutora Mónica Cartelle Gestal, científica coruñesa, que é profesora de Microbioloxía e Inmunoloxía na Universidade de Lousiana. Ademais de falar do seu campo de investigación, a resistencia a medicamentos antimicrobianos, tamén comentou o camiño que tivo que percorrer para alcanzar o soño de converterse nunha científica que loita fronte as enfermidades infecciosas. Os obxectivos desta charla foron visibilizar a contribución desta muller á ciencia, aportar referentes femininos ás mozas, así como espertar vocacións científicas.