O vindeiro mércores 22 de xuño será o último día de clase .

Entrega de boletín de notas

Neste curso haberá distintas datas para a 3ª e a avaliación final, polo que os boletíns de notas entregaranse:

Datas para reclamacións: 28, 29 e 30 de xuño.

Matrícula para o curso 2022/23 

Debido a que neste curso non haberá avaliación extraordinaria de setembro, todo o alumnado terá que matricularse nas seguintes datas de xuño:

Recollida de libros

 A data límite para a entrega dos libros do fondo será o 27 de xuño.  Recordamos que deben vir borrados de lapis e sen estar en mal estado. 

O horario de atención ao público durante o verán (a partir do 23 de xuño), irá dende as 10.00 ata as 14.00 h

O 18 de maio publicouse no DOG a orde  pola que se regula a participación no fondo solidario de libros de texto e se convocan axudas para adquirir libros de texto e material escolar para o curso 2022-23.

A solicitude poderá facerse telematicamente a través da aplicación Fondo de Libros da páxina de Educación ou, presencialmente, entregando no noso centro os Anexos I e II que xa teñen todos/as os alumnos/as de 1º, 2º e 3º de ESO ou que poden descargar dende a aplicación.

A data límite de entrega é o 22 de xuño de 2022.

Deixámosvos algunhas indicacións para cumprimentar os Anexos I e II de xeito correcto.

O vindeiro luns 16 de maio, coincidindo coas Letras Galegas, será día non lectivo, polo que, dende este venres, non volveremos ás clases ata o próximo mércores 18 de maio. Esperamos que disfrutedes moito da ponte!

Podedes consultar todas as adaptacións das programacións didácticas dos departamentos para a terceira avaliación e a final accedendo aos adxuntos da marxe.

O pasado 5 de abril aprobouse en Claustro a concreción curricular para este curso 2021/22 que inclúe os criterios de promoción, titulación e matrícula de honra.

Concreción curricular

Dende o pasado mércores 20 de abril non é obrigatoria a máscara en espazos interiores, anque a recomendación, dende a Consellería de Cultura, Educación e Universidade, é que siga usándose en espazos pechados.  Hai que subliñar que si é obrigatoria a máscara no transporte escolar.

En canto á asistencia ao centro no caso de que un alumno/a sexa positivo en COVID, a recomendación xeral é non asistir se a sintomatoloxía inclúe cadros febrís. Se presenta outras síntomas tamén é recomendable non acudir ata que remitan. Se un alumno/a ten a enfermidade pero sen síntomas, recoméndase que durante 10 días veña con máscara e reduza todo o posible a interacción con outras persoas.

En caso de que algún alumno/a non puidese acudir a clase por estes motivos, rogámoslles que informen ao centro ou ao titor/a.

Poden acceder ás directrices do uso da máscara dende aquí.

O pasado 8 de marzo no noso centro celebramos o día internacional da muller traballadora con distintas actividades onde participou todo o alumnado.

En educación física realizáronse dúas actividades, 1º de ESO elaborou un cartaz onde os nenos e nenas fixeron flores con distintas mandalas humanas co título “Non esperes que ninguén che traia flores, planta o teu propio xardín”. O alumnado de 3º e 4º de ESO realizou un mural co nome “Moito por facer” onde os rapaces e rapazas buscaron distintas noticias relacionadas co deporte onde se lle da á muller un trato machista. Este mural foi exposto no patio do instituto. Tamén o alumnado de 2º de ESO fixo, mediante posturas co corpo, frases e palabras 8M como por exemplo “Moito por facer”.

O alumnado de 1º de Eso tamén creou en Valores Éticos un mural dunha muller que pintaron conxuntamente, logo disto crearon un vídeo onde se lles pode ver pintando esta muller por riba de imaxes onde podemos ver actitudes machistas e patriarcais. Pódese dicir que o alumnado pintou por riba do machismo.

 Ver o blogue de valores éticos

Na biblioteca fíxose outra exposición co mural realizado en Valores Éticos, adornouse con lazos morados (símbolo do feminismo) e creuse con cartolina morada un 8M que estaba xusto riba do mural e rodeado polos lazos. Tamén se preparou unha mesa con lecturas feministas.

                                                                                                                                                  Lidia Expósito Goás e Tania Verdes Chao, 3º ESO

O pasado sábado cinco de marzo na casa da Cultura de Ferreira do Valadouro tivo lugar a presentación do documental "Referentes femininas na comarca da Mariña". Ademais entregáronse os premios aos gañadores do calendario "Nada é cuestión de xénero" a cargo da Secretaria Xeral de Igualdade Susana López Abella. Os premiados son: 1º, Inés Martínez García,2º, María Lozano Paz, 3º, Daniela Valea Barreira. Todos os alumnos de 1º de ESO recibiron un detalle por ser a clase gañadora.

                                                                                                                                                                               Inés Martínez García, 1º ESO

Podedes ver o documental "Referentes femininas na comarca da Mariña"

O venres 25 de febreiro celebramos o Entroido. Dende o tempo de lecer puidemos disfrutar da actuación do grupo Chévere sobre o cambio climático e nós disfrazámonos con ese motivo. Para finalizar entregáronse os premios aos disfraces individual, parella e grupo.

Máis fotos

O prazo para a solicitude dunha praza nun centro adscrito para o curso 2022/23 é do

 11 de xaneiro ao 8 de febreiro.

O prazo para a solicitude dunha praza nun centro non adscrito para o curso 2022/23 é do 

1 ao 20 de marzo. 

No seguinte enlace podedes facer a inscripción de forma telemática ou cubrir os anexos I e I bis para presentalos no centro de destino.

Os grupos de 1º, 2º e 3º de ESO do noso centro teñen reservada praza para o curso que vén, se algún deles/as quixera cambiar de instituto, debería comunicalo á dirección e inscribirse no novo centro no segundo prazo indicado arriba.