A Consellería de Cultura, Educación, Formación Profesional e Universidades pon en marcha este curso académico a IV macroenquisa de diagnose da convivencia escolar, dirixida ao conxunto da comunidade educativa galega (alumnado a partir de 5º de educación primaria, profesorado, persoal non docente e familias).

Esta iniciativa enmárcase dentro da actual Estratexia Galega de Convivencia Escolar 2025 e o prazo de participación estará aberto desde o 2 ata o 22 de maio, ambos os dous incluídos.

Os centros educativos establecerán as medidas necesarias para o acceso do alumnado ás aulas de informática para cubrir os cuestionarios. Do mesmo xeito, facilitarán a participación do profesorado e do persoal de administración e servizos.

En canto ás familias, a dirección do centro facilitaralles as claves de acceso coas indicacións precisas sobre como actuar.

Esta recollida de datos faise mediante unha ferramenta informática en liña, de xeito automatizado e totalmente anónimo, a través da aplicación convivenciaxestion (https://www.edu.xunta.gal/convivenciaxestion/).

Para  máis información prema aquí.

Publicadas as vacantes dispoñibles para o curso 2023-24

O luns 17 de abril, o alumnado de 3º e 4º ESO viaxaron a Coruña para visitar a exposición fotográfica do fotógrafo Steven Meisel 1993, A Year in Photographs

Alí levaron a cabo un obradoiro dirixido polo artista David Catá e organizado por ARTE - FACTO, un Grupo de Investigación da UDC en procesos artísticos contemporáneos, patrimoniais e de mediación cultural en contextos educativos.

O pasado 20 de abril, o alumnado de 1º e 2º ESO viaxaron a Ferrol para realizar unha visita guiada ás Meninas de Canido. Tamén practicaron parkour nun centro deportivo de Narón. 

O pasado 18 de abril o alumnado de 1º ESO fixo unha Eco-auditoría da auga na casa e no centro, reflexionando sobre o consumo de auga e o seu derrame, concretamente viron o caudal das billas do centro e as posibles medidas de aforro de auga.

Despois diso, realizaron unha limpeza de residuos nun espazo natural, concretamente na praia de Arealonga en Nois.

Todas estas actividades emmárcanse dentro do Programa A Mariña Ambiental UDC - Fundación Alcoa do que o centro é participante.

Xa están dispoñibles os títulos de graduado en ESO correspondentes á promoción 2018-2021. A súa recollida poderase facer en Secretaría en horario de 09:00h a 14:00h.

Se o alumnado é menor de idade será o pai/nai/titores-as legais os encargados da recollida do título.

En caso de ser alumnado maior de idade, os títulos poden ser recollidos por unha persoa suficientemente autorizada para tal fin. Para iso precísase da seguinte documentación: 

• DNI do alumno/a
• Impreso de autorización debidamente cuberto. (Adxunto nesta entrada)

Francisco Javier López González, profesor da USC no Campus de Lugo,  impartiu unha charla ao alumnado de 4º de ESO sobre os estudos postobrigatorios facendo fincapé nos estudos universitarios (ABAU, ramas de coñecemento, créditos ECTS, programas de intercambio...)

Tamén participou na charla unha exalumna do IES Alfoz-Valadouro, Sonia Expósito Goás, que fixo unha interesantísima exposición sobre o seu itinerario académico e profesional dende que rematou a ESO. Explicou detalladamente e de xeito moi ameno o seu percorrido polo sistema educativo: modalidade e materias do bacharelato, probas de acceso á Universidade e os seus estudos de Grao en Enxeñaría Agrícola e Agroalimentaria que culminaron cun interesante Traballo de Fin de Grao sobre un virus que ataca á Faba de Lourenzá.

Presentámosvos as actividades para esta semana na que se desenvolverán diferentes actos para celebrar o Día Internacional da Muller.

O alumnado de Educación en Valores fixo unha exposición na biblioteca que podedes ver premendo aquí

O alumnado de Educación Física preparou unha exposición para visibilizar a figura da muller no deporte. 

O pasado xoves, o artista David Catá visitou novamente o IES Alfoz - Valadouro. Impartiu un obradoiro de teatro para o alumnado de 3º e 4º ESO como paso previo á visita da Exposición MEISEL en A Coruña. 

Esta actividade desenvólvese dentro dun proxecto entre a Universidade de A Coruña e o grupo de investigación Arte-facto. 

O próximo 17 de abril, o alumnado visitará a exposición e irán acompañados por David Catá

O prazo de presentación de solicitude de admisión comprende entre o día 1 e o 20 de marzo (ambos incluídos).

A solicitude (ED550B galego - ED550B castelán) presentarase preferiblemente por vía electrónica, a través da sede electrónica da Xunta de Galicia (https://sede.xunta.gal).

Opcionalmente, poderanse presentar as solicitudes presencialmente no centro docente indicado en primeiro lugar ou en calquera dos lugares e rexistros establecidos na normativa reguladora do procedemento administrativo común.

Para a presentación electrónica das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e clave Chave 365. Manual para as familias

O 25 de abril publicarase a través da aplicación informática (admisiónalumnado), a listaxe provisional de alumnado admitido e non admitido por curso, abrindo un prazo de 5 días hábiles para formular reclamacións.

A publicación das listaxes definitivas será o 15 de maio.

O prazo para formalizar a matrícula será do 20 ao 30 de xuño.