Skip to Content

No centro

Club de lectura

Un ano máis votamos a andar o club de lectura.

Neno lendo

Xa estamos metidos de cheo nunha nova lectura.

Reunímonos máis ou menos cada quince días, aos martes ao mediodía, despois de comer. Porque unha actividade tan divertida non se pode encarar co estómago vacío.

A primeira lectura deste ano é "El asesinato del profesor de matemáticas" (e non queremos dar ideas Risa) e o club formámolo alumnos e alumnas de 1ºESO e de 2ºESO.

 

Recreos arrepiantes 2019

A semana do 11 ao 15 de novembro celebráronse no noso centro os recreos arrepiantes, que, como xa sabedes, consisten en lecturas ou visionado de curtas de terror na biblioteca do centro, durante os recreos. O martes, abriron a actividade os realizados en galego, o xoves en inglés e o venres pecharon esta experiencia os de lingua castelá. Realmente algúns dos contos creados por compañeiros e compañeiras nosos daban moito medo e algunha curta tamén; aínda que outras provocaban máis risa ca terror. De todos xeitos, cremos que a experiencia pagou a pena e desde o EDL do noso centro animávosvos a participar en actividades coma esta. 

Aquí vos deixamos o enlace a ver se algún de vós se atopa por aquí.

Obradoiro de videopoesía 2019

Hoxe estivo connosco a poeta Antía Otero impartindo un obradoiro de videopoesía. Como cada ano contamos coa súa presenza para achegarnos aos poemas dun xeito máis lúdico, artístico e sobre todo máis humano. E dicimos isto último porque a temática escollida desta volta é o respecto polos diversos tipos de amor; porque, tal e como manifestamos na entrada principal do noso centro, aquí "Todos os amores son benvidos". Este respecto polas diversas formas de amar foi o que nos levou a centrarnos no colectivo LGTBIQ.

Dende o departameto de Lingua Galega esperamos que deste obradoiro saian do armario moitos videopoemas que esperten conciencias; pero para isto teredes que esperar ata o Stargal, que como ben sabedes forma parte da celebración das nosas Letras Galegas. Así que ás/aos que paricipastes...ánimo e a crear!!

 

Nós construímos, malia os vándalos

O equipo do Club de Ciencia está levantando a Casiña dos Maios, baixo a comanda de Guido Tomasini, o noso experto bioconstrutor. Esta fin de semana uns vándalos (si, en xénero masculino) destragaron a estrutura: hai xente que non respecta nada, nin a si mesma.

Pero a moral non decaeu: imos levantar a obra porque o noso valor é crear, construír, traer futuro, mal que lle pese ós necios e escuros. No flickr tedes todas as imaxes do proceso construtivo.

 

Magosto 2017

Dentro dos actos do Samaín, o 31 de outubro celebramos o Magosto. Para isto, contamos con Quico Cadaval e Marga Alborés, quen nos falaron da Roda Celta do ano e contaron historias de difuntos.

Pola tarde celebramos unha competición de bolos celtas, tiro de corda, zancos, billarda, chave…

Houbo un obradoiro de maquillaxe terrorífica e, como non, castañas asadas que fixeron Eduardo e Richard.

 

A roda do ano 2017/18

 

 

No centro desenvólvense diferentes programas, cada un deles pensado para dar resposta a determinadas necesidades educativas entre as que está a difusión da lingua galega:

Distribuir contido


by Dr. Radut