Skip to Content

Inicio das actividades extraescolares

Lun, 12/09/2022 - 10:05 — admin

Informámosvos que as actividades extraescolares empezan hoxe, día 12 de setembro ás 16:00. Saúdos cordiais

Período de Adaptación 2022-23

Lun, 05/09/2022 - 15:26 — admin

CONSIDERACIÓNS PARA O VINDEIRO CURSO 2022-23

Ven, 01/07/2022 - 12:20 — admin

 

Compartimos coas familias algunhas consideracións cara o vindeiro curso

 

Calendario

O vindeiro curso iniciarase para o alumnado o día 8 de setembro de 2022.

O calendario escolar ven marcado pola Consellería de Educación nunha orde de obrigado cumprimento para todos os centros docentes dependentes da mesma. Podedes consultalo no seguinte enlace:

https://www.xunta.gal/dog/Publicados/2022/20220602/AnuncioG0655-240522-0001_gl.pdf

 

Período de adaptación para o alumnado de 4º de EI

No capítulo II, artigo 4 punto 4 da orde de calendario anterior explica como realizar este período. Animamos ás familias á que colaboren co novo equipo docente neste punto, especialmente a aqueles nenos e nenas que non estiveron escolarizados con anterioridade.

 

Materiais escolares

Non se prescriben libros de texto para o vindeiro curso. O vindeiro equipo docente poderá solicitar outros materiais en setembro.

 

Normas de Organización e Funcionamento da Escola (NOFs)

Neste documento están recollidos aspectos como organización de entradas e saídas, vestimenta para o alumnado, como se resolven situacións de enfermidade do alumnado, etc.

Este documento pode ser revisado e modificado coa aprobación do Consello Escolar. Podedes consultalo aquí:

http://www.edu.xunta.gal/centros/eeivilarrodis/system/files/NOFS%202022_0.pdf

 

Comedor

Estanse a realizar os pasos para a implantación do servizo de comedor nesta escola, colaborando o centro, o concello e a ANPA. O comedor estará organizado e será responsabilidade da ANPA da escola. Pregamos que toda a comunidade colabore coa ANPA para ter un servizo satisfactorio. Calquera pregunta contactade co seu correo electrónico. Hai teléfono de contacto na carteleira exterior da escola.

apa.oloureiro@hotmail.com

 

Madrugadores e Actividades Extraescolares

Organízaas ó Concello de Arteixo. Está aberto o prazo para solicitudes. O correo electrónico de contacto é: educacion@arteixo.org

 

O equipo docente saínte agradece o apoio prestado polas familias durante este curso e desexa o mellor para toda a comunidade escolar de Vilarrodís no futuro.

 

Bo verán a todas e todos!!!

 

PRAZO DE MATRÍCULA

Mar, 14/06/2022 - 00:37 — admin

ww.freepik.es/fotos/pizarron-escuela creado por shangarey  

 

O prazo de formalización de matrícula abrangue dende o día 20 ata o 30 de xuño.

O horario de atención será de 11:30 a 13:00 previa cita. 

 

Documentación precisa

  • Impreso de formalización. Pódese descargar aquí
  • Fotocopia da tarxeta sanitaria
  • Fotocopia do libro de vacinas
  • 2 fotos tamaño carnet recentes
  • Enquisa de recollida inicial de datos. Pódese descargar aquí
  • Documento sobre lingua materna. Pódese descargar aquí
  • Autorización de imaxe. Pódese descargar aquí

 

Ante calquera dúbida consultar na escola vía telefónica ou email (datos na columna esquerda da web no bloque O CENTRO pestana de Localización )  

 

AXUDAS PARA ALUMNADO CON NECESIDADES ESPECÍFICAS E AXUDAS PARA ALUMNOS QUE CURSARÁN EDUCACIÓN PRIMARIA

Lun, 30/05/2022 - 09:23 — admin

AXUDAS PARA ALUMNADO CON NECESIDADES ESPECÍFICAS DE APOIO EDUCATIVO

 

O Ministerio de Educación e Formación Profesional publica unha oferta de axudas para alumnado con Necesidades Específicas de Apoio Educativo para o vindeiro curso 2022-2023.

O prazo para solicitar as axudas está aberto ata o 30 de setembro de 2022  

Anuncio no BOE:

https://www.boe.es/boe/dias/2022/05/18/pdfs/BOE-B-2022-15578.pdf

Resolución de convocatoria:

https://www.edu.xunta.gal/centros/ceipgalan/system/files/u2/Convocatoria%20NEAE%20curso%202022-2023.pdf

Información:

https://www.becaseducacion.gob.es/becas-y-ayudas.html

https://www.becaseducacion.gob.es/becas-y-ayudas/ayudas-apoyo-educativo/tipos-de-becas.html

 

 

BECAS PARA PRIMARIA

Está aberto o prazo para solicitar axudas para libros e materiais para PRIMARIA para o vindeiro curso 2022-2023.

Enlazamos á páxina web do CEIP de Galán onde vos explican os requisitos e vía de solicitude

https://www.edu.xunta.gal/centros/ceipgalan/node/1808

 

 

NOVA VERSIÓN DO PROTOCOLO COVID-19

Lun, 23/05/2022 - 08:54 — admin

Ven de publicarse a última versión do Protocolo de Adaptación á situación Covid-19 no contexto dos centros de ensino non universitario de Galicia.

Vos informamos que nesta versión, no seu punto 4.1. dí que [...]Na situación actual os grupos de convivencia estable (GCE) poden interactuar entre si tanto en exteriores como en interiores coa única excepción do comedor escolar e espazos alternativos habilitados para as comidas, nos que se manterá o GCE"

Polo tanto modifícase o Plan de Adaptación á Situación Covid-19 da escola nos puntos que contemplaban a separación dos dous grupos-aula, que a partires de agora poderán mesturarse fóra e dentro do edificio escolar.

Lembramos que o uso da mascarilla NON é obrigatorio.

O texto completo do novo Protocolo o podedes consultar neste enlace

http://www.edu.xunta.gal/portal/sites/web/files/2022_05_20_protocolo_covid.pdf

 

 

ESCOLA DE FAMILIAS

Sáb, 21/05/2022 - 10:34 — admin

O vindeiro xoves 26 terá lugar a derradeira sesión da escola de familias que se está a desenvolver en colaboración dos centros escolares co Centro de formación de profesorado e o Concello de Arteixo.  Vos animamos a asistir a unha interesante charla coloquio sobre alimentación no Centro Tecnolóxico. Haberá un servizo de ludoteca para que poidades deixar aos vosos fillos e fillas. A sesión e o servizo son de balde. Podedes inscribiros enviando un correo a educacion@arteixo.org

LISTAXE PROVISIONAL DE ALUMNADO ADMITIDO PARA O CURSO 2022-2023

Ven, 22/04/2022 - 13:03 — admin

Publícase na app admisionalumnado da Consellería de Educación o listado provisional de admitidos nesta escola para o vindeiro curso 2022-2023.

Comunicamos que todas as solicitudes presentadas en prazo están admitidas.

As solicitudes realizadas fóra de prazo teñen que esperar ao ditame da comisión de escolarización e as listas definitivas.

Segundo a normativa vixente non se publicarán listados no exterior do centro.

Os proxenitores solicitantes poderán, se o desexan, ver o estado da súa solicitude na citada app co código facilitado previamente e a Chave365 ou Certificado Dixital.

 

NORMAS DE ORGANIZACIÓN E FUNCIONAMENTO

Mar, 19/04/2022 - 17:53 — admin

 

No Consello Escolar do pasado 1 de Abril, entre outros asuntos, aprobouse a solicitude de comedor para esta escola e aprobáronse as modificacións as Normas de Organización e Funcionamento (NOFs).

Estas normas son similares ás anteriores. De cara ás familias e a efectos prácticos volvemos a pechar á porta da escola as 9:25. Isto modifica o punto 2.1 do Plan de Adaptación á Situación Covid. Dada a situación actual e o número de nenos e nenas non é preciso alongar mais do necesario o tempo de entrada.

É moi importante á puntualidade na entrada para unha correcta integración do alumnado no grupo e nas rutinas de inicio de actividade.

A partires de agora recuperamos o documento de Xustificación de Impuntualidade polo que cando haxa un retraso na entrada por calquera motivo, o adulto acompañante deberá rexistrar por escrito o motivo dese retraso.

Tamén recuperaremos o documento de Xustificación de Saída adiantada empregando o mesmo procedemento do anterior para todo o alumnado que deba deixar a escola antes da saída.

O documento actualizado das NOFs o tedes na lapela Documentos 2021-22 que está na columna á esquerda

Distribuir contido


by Dr. Radut