Blogues

Do 1 ó 30 de xuño do 2023 (incluídos) estará aberto o prazo para solicitar praza no comedor escolar no curso 2023-2024, para todo o alumnado do centro (xa matriculado e de nova incorporación). Número máximo de prazas 30.

Os impresos da solicitude de comedor (documentos adxuntos) tamén estarán dispoñibles no centro. As solicitudes se entregarán no e-mail da ANPA ( apa.oloureiro@hotmail.com ) ou presencialmente á directora do centro.

Do 15 ó 31 de Agosto (incluídos) estará aberto o prazo para inscribirse no comedor escolar. A ANPA enviará por e-mail os documentos necesarios para formalizar a inscripción. 

Lembramos que o venres 28 de abril será NON lectivo, sendo un dos días seleccionados polo centro e aprobado en Consello Escolar. 

Información importante para as familias que solicitaron praza na nosa escola para o curso 23/24:

Estando á espera de nova información procedente da Administración, debemos continuar co proceso ordinario de admisión, entrando a continuación na fase de baremo, ante a gran cantidade de solicitudes de admisión que recibimos durante este mes na nosa escola.

Para iso, ábrese o prazo para a presentación de documentación que acredite os criterios de baremo que cada unha de vós marcou na súa solicitude.

O prazo abranguerá dende o LUNS día 27 de marzo ata o MARTES 11 de abril. Tende en conta, por favor, a chegada das vacacións de Semana Santa do 3 ao 10 de abril, ambos incluídos.

Así mesmo, gustaríanos recordarvos o HORARIO para proceder á entrega da devandita documentación, o cal rogamos se respecte ao máximo debido as condicións de persoal da escola.

Luns: De 11:15 a 12:30

Martes: De 13:00 a 14:30  

Mércores: De 11:15 a 12:30

Xoves: De 9:30 a 10:00, de 11:15 a 12:00 e de 15:30 a 18:00*

Venres: De 10:15 a 12:15

*Aproveitamos  para informar que esta semana, debido á celebración da festa de Pascua da ANPA, o horario de tarde de permanencia na escola do profesorado cámbiase do martes ao xoves.

Grazas pola vosa colaboración!

VACANTES PARA O CURSO 2023-24:

- 4º, 5º e 6º de Educación Infantil: 17 prazas

- PRAZO DE PRESENTACIÓN DAS SOLICITUDES DE ADMISIÓN:Do 1 ao 20 de marzo de 2023

 - PUBLICACIÓN DA LISTAXE PROVISIONAL DE ADMITIDOS: Antes do 25 de abril de 2023

 - PUBLICACIÓN DA LISTAXE DEFINITIVA DE ADMITIDOS: Antes do 15 de maio de 2023

 - PRAZO DE FORMALIZACIÓN DA MATRÍCULA: Do 20 ao 30 de xuño de 2023

COMO PRESENTAR UNHA SOLICITUDE:

 Recoméndase a presentación das solicitudes de admisión de xeito electrónico a través da APP AdmisionAlumnado.

 Cada alumno poderá presentar UNHA ÚNICA SOLICITUDE cun máximo de 6 centros.

1º Presentación electrónica de solicitudes (necesario certificado de autenticidade como Chave365)

a) Acceder a APP AdmisionAlumnado e cubrir o Modelo ED550B: Solicitude – Admisión – Crear

b) Cubrir tamén o modelo Anexo II-bis (comprobación de datos e consentimento), imprimilo, asinalo de forma manual e escanealo.

c) Dende a APP AdmisionAlumnado conéctase coa sede electrónica da Xunta de Galicia para presentar e asinar a solicitude, xunto co Anexo II-bis e a documentación (Fotocopia do DNI do alumno/a, fotocopia do libro de familia e fotocopia da sentencia xudicial de separación ou divorcio e/ou convenio regulador onde conste a custodia do/a menor, de darse o caso).

2º Presentación presencial de solicitudes

a) Imprimir e cubrir o Modelo ED550B de Solicitude de Admisión (en galego ou castelán) ou a través da APP AdmisionAlumnado (Solicitude – Admisión – Crear)

b) Imprimir e cubrir tamén o modelo Anexo II-bis (comprobación de datos e consentimiento).

c) Entregar no centro indicado en primeiro lugar a Solicitude de Admisión xunto co Anexo II-bis e a documentación (Fotocopia do DNI do alumno/a, fotocopia do libro de familia e fotocopia da sentencia xudicial de separación ou divorcio e/ou convenio regulador onde conste a custodia do/a menor, de darse o caso).

Para podervos ofrecer unha mellor atención, o HORARIO preferente de entrega das solicitudes será de

Luns: De 11:15 a 12:30

Martes: De 11:15 a 12:30 e de 15:30 a 18:00

Mércores: De 11:15 a 12:30

Xoves: De 9:30 a 10:00 e de 11:15 a 12:00

Venres: De 10:15 a 12:15

*Para optar por unha praza de NEAE achegarase documentación que acredite as circunstancias alegadas.