CRA de Oroso

Clica na imaxe

Pola maña teremos unha saída escolar na que imos visitar dous lugares fantásticos:

- Un obradoiro de “Consumo responsable no Supermercado" na Escola Galega do Consumo. Van a ensinarnos como debemos mercar e como colaborar coas nosas familias de maneira aceitada.

- Visita ao Gaiás (Cidade da cultura) para ver a exposición “Unha vida vikinga”. 

Estamos desexando conhecer novos horizontes e formas de vivir a vida.

Clica na imaxe para acceder a autorización

O vindeiro 18 de outubro faremos a nosa primeira saída escolar. Gozaremos do XXIX Festival Internacional Galicreques 2024. 

Veremos a obra: El Gran Traje; feito por teatro La Sal. "Un traxe case tan ancho como unha casa e con petos case tan grandes como habitacions". Un espectaculo galardonado e que nos chega dende Andalucia. 

e

Para acceder ao permiso clica: Saída "El Gran Traje"

Clica na imaxe para ir ao enlace. Grazas.

Gran Inauguración da Pingüibiblio no CRA de Oroso!

Atención familias, nenas e nenos!  O próximo 1 de outubro será un día moi especial que marcará un antes e un despois no noso colexio... Porque inauguramos a nosa renovada biblioteca!  

Que hai de novo? Demos un xiro completo, con novo mobiliario, espazos acolledores e moitísimos libros novos que están a esperar a ser descubertos por mentes curiosas como as vosas. Non se trata só de ler, senón de vivir mil aventuras!  

Ademais, queremos que TODAS as familias e estudantes sexan parte deste emocionante proxecto. Vide descubrir os recunchos máxicos que creamos pensando en vós.  Temos actividades súper divertidas, sorpresas, e unha chea de diversión asegurada para que esta inauguración e para o longo do ano e así sexa unha experiencia inesquecible!

A biblioteca non é só para ler, senón un lugar para soñar, para crear, para compartir, para innovar. Pingüi quere ser o espazo onde xurdan novas ideas e onde todos e todas sentan benvidos e envidas!

1 de outubro

Hora: 16:30 - 17:30 

Lugar: Pingüibiblio en Vilarromarís na SEDE do CRA de Oroso

Non podedes faltar a este día único, cheo de emoción e de novas aventuras literarias que comezan... Vémonos na Pingüibiblioteca!

Compartídeo con todo o mundo e fagamos deste evento algo inesquecible! 

O momento chegou! Mañá 11 de setembro, damos a benvida a un novo curso escolar no Colexio Rural Agrupado de Oroso.  Estamos cheas de entusiasmo por ver aos nosos nenos e nenas regresar cun sorriso radiante, listos para aprender e medrar xuntas e xuntos. Queremos darlle a benvida a todo o alumnado novo que se incorpora as nosas escolar. O equipo docente está preparado e emocionado para comezar este curso traballando en equipo, con moitas ganas de compartir coñecementos e experiencias inesquecibles.  Agradecemos de corazón a todas as familias por confiar en nós unha vez máis. Imos a por un ano escolar cheo de aventuras e logros!

Benvidas e benvidos ao curso escolar 2024-2025 no Colexio Rural Agrupado de Oroso!

Queridas familias, profesorado, alumnado e toda a comunidade educativa: énchenos de alegría darvos a benvida a un novo ano cheo de aprendizaxes, experiencias e momentos inesquecibles. Este curso bríndanos a oportunidade de retomar con forza o camiño do coñecemento, de descubrir novas paixóns e de medrar, nunha contorna no que cada día é unha aventura.

O colexio prepárase con entusiasmo para recibir aos cativos e cativas, sabendo que cada un de vós é unha peza crave nesta comunidade. Ás familias, agradecémosvos o voso apoio e colaboración, fundamentais para construír o futuro das nosas crianzas. Ao noso equipo docente, grazas pola vosa dedicación, por acender a faísca do saber e acompañar a cada neno e nena no seu desenvolvemento integral. E como non a toda a comunidade educativa que nos apoia e axuda a medrar.

Este curso, queremos seguir apostando pola creatividade, a curiosidade e o espírito de colaboración que nos caracteriza. Queremos que cada escola sexa un espazo onde se cultiven non só os coñecementos académicos, senón tamén os valores que nos unen como comunidade. Queremos que cada recuncho do CRA sexa un lugar onde reine a amizade, o respecto e o esforzo compartido.

O Colexio Rural Agrupado de Oroso está preparado para enfrontar con ilusión e compromiso os retos que este novo curso preséntanos. Sabemos que colaborando, podemos facer que este ano sexa verdadeiramente especial.

Que comece a aventura do curso 2024-2025! Estamos seguras de que será un ano cheo de éxitos, aprendizaxes e, sobre todo, de moitos momentos felices.

Ánimo e forza todos e todas!