Nesta fermosa mañá de sábado, un grupiño de rapaces e rapazas, profes, familias, amigos e veciñanza do cole da Baña percorreu a Ruta do Patrimonio de Lañas, deseñada polo alumnado de 2º de ESO no seu proxecto Facendo Escola, para coñecer o patrimonio cultural desta parroquia. Entre charlas e fotografías, camiñamos os 9 km da ruta e descubrimos fermosos tesouros de arquitectura popular e tamén do patrimonio arqueolóxico do noso concello.

As fotos que os nosos amigos e amigas camiñantes realizaron nesta andaina serán expostas nos panéis dos corredores do noso cole, dentro do concurso de fotografía Memoria en Construción.

Tedes ata o 22 de febreiro para enviarnos as vosas fotos, bulide!!!

Aquí tedes a foto final do grupo, despois do percorrido.

Grazas a todos por participar nesta iniciativa e esperámosvos no curso que ven.

PREME NA IMAXE PARA VER A GALERÍA DE FOTOS...

Hoxe comezamos a andaina dos nosos Xoves Expertos na Biblioteca Escolar.

Nesta ocasión Pablo Blanco, alumno de 5º de EP, falou ante un público atento, do seu instrumento, o saxofón, e tamén nos deleitou coa interpretación dun par de pezas co seu instrumento.

Clicando na foto terás a ligazón á galería de fotos.

O pasado venres, os alumnos de 4º, 5º e 6º de Primaria tiveron un encontro virtual coa escritora galega Ledicia Costas, clicando na imaxe podedes acceder á crónica e ás fotos do encontro publicadas no Blog da Biblioteca Escolar.

A Consellería de Educación ven de publicar a listaxe de centro admitidos nas actividades de Voluntariado de Biblioteca e o noso centro participa por primeira vez nesta fermosa actividade con 12 alumnos de 6º de EP e 7 de ESO. 

Este alumnado colaborador e voluntario, desenvolverá distintas actividades durante os recreos:

• axudar ás profesoras responsables co servizo de préstamo e devolución así como a organización dos fondos
• asesorar aos máis pequenos na procura e selección de lecturas
• ensinar aos seus compañeiros a utilizar os ordenadores de consulta
• e explicar as instruccións e a dinámica dos Xogos Educativos da biblioteca, para todos os pequenos que queiran aprender a xogar con eles

E, por outra banda, o alumnado de 6º de EP exercerán de PADRIÑOS de lectura dos pequenos de Educación Infantil, cos que compartirán a lectura de contos durante a Hora de Ler dúas veces ao mes.

Preme na imaxe e poderás ver aos orgullosos padriños cos seus pequenos afillados que, o vindeiro luns 5 de febreiro, desfrutarán da súa compañía lendo xuntos.

A biblioteca Escolar quere animar aos rapaces e rapazas así como ás súas familias a incluír libros entre os seus desexos e agasallos de Nadal.

E por se pode servir de axuda ou orientación, publica para todos eles estas guías de lecturas recomendadas para o Nadal que todos levarán nas súas mochilas, xunto cos seus boletíns de notas e unha chea de ganas de disfrutar do descanso, a familia e o fogar.

Para os alumnos de Infantil e Primaria recomendamos:

E para os mozos e mozas de ESO: