881 86 70 01
NOVOS RECANTOS NAS AULAS DE EI, EP E PT ESO
Este curso escolar 2023-24 temos en funcionamento os novos recantos creados grazas aos Programas Educativos da Consellería de Educación. Coa participación nas modalidades CP Innova e CP Inclúe, o CPI San Vicente incrementou dentro das aulas a presenza de novos recursos que permiten realizar accións que promoven a igualdade de oportunidades, a inclusión, a competencia en educación emocional, a convivencia entre os membros da comunidade educativa, o desenvolvemento de competencias clave, o talento e o fomento de hábitos de vida saudables entre outras.
Tanto en EI coma en EP adquiríronse novos recursos para a creación de espazos de estimulación da lectoescritura e a lóxico-matemática así coma espazos de creación artístico-expresiva e de desenvolvemento do xogo simbólico.
O xogo é unha potente ferramenta educativa e un recurso metodolóxico que facilita o proceso de ensino-aprendizaxe do alumnado.
Presentamos unha escolma de imaxes dos espazos e das actividades realizadas por medio dos recursos adquiridos.
Ficheiros adxuntos:
- IMG-20240528-WA0010.jpg
- 14.89 KB
- IMG-20240523-WA0009.jpg
- 32.9 KB
- IMG-20240523-WA0019.jpg
- 43.04 KB
- IMG-20240530-WA0006.jpg
- 59.26 KB
- IMG-20240523-WA0020.jpg
- 49.89 KB
- IMG_20240522_113523.jpg
- 37.93 KB
- IMG_20240426_135153.jpg
- 36.3 KB
- IMG_20240423_135413.jpg
- 34.94 KB
Convocatoria do fondo solidario de libros de texto e axudas para adquirir libros de texto e material escolar 2024-25
Onte publicouse no DOG a ORDE do 7 de maio de 2024 pola que se regula a participación no fondo solidario de libros de texto e se convocan as axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25.
O prazo para presentar solicitudes comeza hoxe día 21 de maio e rematará o día 21 de xuño de 2024 (incluído).
As solicitudes presentaranse preferiblemente por vía electrónica a través do formulario normalizado (ED330B-anexos I e II) accesible desde a sede electrónica da Xunta de Galicia.
Opcionalmente, poderá presentar as solicitudes presencialmente nos centros docentes (recoméndase traer cubertos o anexo I e o anexo II da orde de convocatoria), ou en calquera dos lugares e rexistros establecidos para o procedemento administrativo común.
Os prazos establecidos polo centro para o procedemento (publicación de listaxes, reclamacións etc.) poden verse no arquivo anexo.
Dado que o centro participa no programa E-Dixgal en 5.º e 6.º de Primaria e todos os cursos de ESO, as modalidades de participación a que pode ter dereito o noso alumnado son as seguintes:
a) Fondo solidario de libros de texto do alumnado matriculado en 3.º e 4.º de Primaria.
b) Axudas para adquirir libros de texto destinadas ao alumnado matriculado en 1.º e 2.º de Primaria, ou ben alumnado doutros cursos cunha discapacidade igual ou superior ao 65 % (disposición adicional primeira) ou necesidades específicas de apoio educativo (disposición adicional segunda), a xuízo do centro docente.
c) Axudas para material escolar destinadas ao alumnado matriculado en Primaria e ESO.
Ficheiros adxuntos:
- calendario fondolibros.pdf
- 86.83 KB
PROXECTO PATIOS: CAFÉ CREATIVO PARA FAMILIAS
Estamos ilusionados con transformar os espazos exteriores do centro na procura de conseguir uns patios onde convivir, xogar, crear e aprender en comunidade.
Profesorado e alumnado estamos recollendo ideas, propostas, soños, pero precisamos tamén da colaboración e participación das familias, para que o resultado sexa o patio que queremos.
Presentación Proyecto Creativo Moderno Azul de Mar Sueiro
A Asocicación de Familias e a Comisión de Patios do cole quere convidar a todas as familias interesadas en colaborar e aportar ideas para a transofrmación dos nosos patios a un café-encontro cos responsables da Cooperativa Miudiño, que terá lugar o vindeiro MÉRCORES 22 DE MAIO, ás 16:00 horas na BIBLIOTECA DO COLE.
ESPERÁMOSVOS!!!
SEMANA DO LIBRO: RECIBIMOS A VISITA DE LAURA SUÁREZ E CHARO PITA
Nesta semana do libro o alumnado de Infantil e Primaria tivo a sorte de recibir a visita de dúas autoras cuxas obras desfrutaron os pequenos e pequenas de Infantil e Primaria. Laura Suárez desenvolveu un obradoiro de ilustración co alumnado de 2º, 3º, 4º e 6º de EP a partir do seu fermoso libro Monte Pindo.
Charo Pita fixo desfrutar ao alumnado de Infantil e 1º de EP cunha divertida sesión de contacontos.
E os nosos pequenos reporteiros e reporteiras aproveitaron a súa visita para facerlle unha entrevista a cada unha das nosas convidadas.
Aquí podedes escoitar a entrevista do alumnado de 2º de Primaria a Laura Suárez:
E aquí a entrevista do alumnado de 1º de EP a Charo Pita:
Plantando árbores con pinceis
O xoves, 4 de abril, o alumnado de 5º e 6º de primaria e da ESO estiveron "Plantando árbores con pinceis". Realizaron un obradoiro de bolsas de tea e pintaron un mural na aula de 4º ESO.
Ficheiros adxuntos:
- PXL_20240404_092920503.jpg
- 32.56 KB
- IMG-20240404-WA0015.jpg
- 56.6 KB
- IMG-20240404-WA0009.jpg
- 43.05 KB
Visita á exposición Fact & Fiction de Helmut Newton
O xoves, 22 de marzo, o alumnado de 1º, 3º e 4º da ESO visitaron, na Coruña, a exposición Fact & Fiction de Helmut Newton, onde ampliaron os coñecementos sobre fotografía en xeral e sobre o autor en particular e tiveron a oportunidade de experimentar na creación fotográfica.
Ficheiros adxuntos:
- _MG_1898.JPG
- 22.32 KB
- IMG-20240321-WA0064.jpg
- 50.87 KB
- IMG-20240321-WA0026.jpg
- 21.43 KB
Admisión 2024-25: Publicación de listaxes
Infórmase da publicación no taboleiro do centro das listaxes de admisión para o curso 2024-25, con data de hoxe. Pódense formular reclamacións no prazo de 5 días hábiles contados a partir do día seguinte ao da súa publicación.
TODAS AS SOLICITUDES PRESENTADAS FORON ADMITIDAS.
Lémbrase que o alumnado admitido deberá formalizar a matrícula no prazo que lle corresponda:
a) Para o alumnado de Infantil e Primaria: do 20 ao 30 de xuño.
b) Para o alumnado de ESO: do 23 de xuño ao 7 de xullo.
BOLSAS ESTUDOS MEC PARA BACHARELATO, FP, ESTUDOS ARTÍSTICOS, IDIOMAS...
Aberto o prazo para a solicitude de Bolsas do Ministerio de Educación para alumnado que, no curso 2024-2025, vaia cursar estudos de:
-
Bacharelato
-
Cursos de acceso e de preparación para probas de acceso á Formación Profesional e cursos de formación específicos para acceso a ciclos formativos de grao medio e superior, impartidos en centros públicos e privados concertados
-
Formación Profesional de grao medio e de grao superior
-
Ensinos artísticos: profesionais e superiores
-
Ensinos de idiomas en Escolas Oficiais, incluída a modalidade a distancia
-
Ensinos deportivos
-
Estudos relixiosos superiores
-
Formación Profesional de Grao Básico
-
Ensino universitario: Grados, Máster...
Toda a información para a solicitude no documento adxunto.
Ficheiros adxuntos:
- INFORMACION GENERAL GALEGO.pdf
- 103.63 KB