Resolución de 12 de abril de 2024, de la Secretaría de Estado de Educación, por la que se convocan ayudas para alumnos con necesidad específica de apoyo educativo para el curso académico 2024-25.

Extracto da resolución: https://www.boe.es/boe/dias/2024/04/19/pdfs/BOE-B-2024-14197.pdf

Texto íntegro da convocatoria: SNPSAP (infosubvenciones.es)

Información:https://www.becaseducacion.gob.es/becas-y-ayudas/ayudas-apoyo-educativo/como-solicitarla.html

O prazo para solicitar as axudas para alumnado con necesidade específica de apoio educativo é do 30 de abril ao 13 de setembro de 2024, ambos inclusive. 

As solicitudes cubriranse polos solicitantes exclusivamente a través da web da sede electrónica do Ministerio de Educación, FP e Deportes, https://sede.educacion.gob.es.

Unha vez cuberto o formulario da solicitude, imprimirán o ficheiro PDF coa solicitude e os certificados e presentarano no centro educativo no que vai estudar o curso 2024/2025, debidamente asinado entre o 30 de abril e o 13 de setembro de 2024.

No caso de escolarización combinada o centro tramitador será o centro de estudos ordinario. 

Novidade desta convocatoria: o grao de discapacidade para acreditar a NEAE reduciuse ao 25%. A convocatoria mantén o subsidio para as solicitudes propostas que acrediten NEAE.

Todas as familias, alumnado e profesorado do cole, ademáis do noso fantástico persoal de cociña están convidados a asistir á Festa de Inicio de curso do programa COME LOCAL:

O evento terá lugar o vindeiro sábado 21 de setembro en Ponteareas de 10 da mañá a 18 da tarde na área recreativa a Freixa.

O mércores 18 de setembro o noso centro escolar acollerá o I Encontro de centros participantes no programa Sementando coeducación dende o rural dentro dos Plans Proxecta. 

Neste programa de tres cursos escolares de duración participa dende o curso 2023-2024 o alumnado que cursa este ano 2º de ESO xunto co alumnado do mesmo nivel de outros dous centros de ensino rurais: O IES Laxeiro de Lalín e o CPI Viaño Pequeno de Trazo. 

No documento adxunto pódese coñecer o programa do encontro e as actividades que desenvolverán os rapaces e rapazas dende as 10:00 horas ata as 16:30 horas. 

Cando se produza algunha incidencia nas rutas de transporte, pregamos se nos comuniquen mediante o modelo descargable adxunto. 

Debe remitirse ao correo do centro cpi.san.vicente@edu.xunta.gal e, se a familia o considera, nas instancias responsables de transporte escolar: 

Servizo de Mobilidade A Coruña

 mobilidade.coruna@xunta.gal

Servizo de Xestión do Transporte Escolar, Santiago de Compostela

transporteescolar.santiago@edu.xunta.gal

De conformidade co establecido na Resolución do 10 de setembro de 2024, da Dirección Xeral de Ordenación e Innovación Educativa, pola que se establece o calendario para a realización de eleccións de membros dos consellos escolares de centros docentes sostidos con fondos públicos (DOG do 18 de setembro), realizarase proximamente neste centro a renovación do CONSELLO ESCOLAR, que é o instrumento de participación na vida escolar de todos os sectores educativos do Centro.

A organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá ao efecto, e integrada por:

• A directora do centro.
• Un profesor ou profesora.
• Un pai ou nai ou titor/a legal.
• Un representante do persoal de administración e servizos.
• Un alumno ou alumna da ESO.

Os catro últimos serán designados por sorteo segundo establece o artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG do 9 de agosto). O devanito sorteo, que será público e no que se preverá a designación de membros suplentes, celebrarase no salón de actos do centro o próximo día 18 de outubro, venres, ás 11:45 horas.

Aqueles membros da comunidade educativa que desexen presentar a súa candidatura para formar parte do novo Consello Escolar deberán seguir as instrucións que figurarán nas distintas convocatorias que proximamente se farán públicas pola Xunta Electoral do Centro.