O día 15 de xaneiro de 2024 inícianse os trámites do procedemento de admisión de alumnado en centros docentes sostidos con fondos públicos (código ED550A), coa fase de reserva de praza nun centro de adscrición para alumnado que cambia de etapa.

Deberán formalizar a reserva de praza:

• O alumnado do CRA de Coristanco-Santa Comba (no que se integra a Escola de Lañas) que desexe cursar 1.º de Primaria ou 3.º de Primaria no CPI de San Vicente.

• O alumnado de 4.º ESO do CPI de San Vicente que desexe cursar 1.º BAC no IES Xulián Magariños (Negreira).

O resto do alumnado de momento non ten que realizar ningún trámite.

O prazo de solicitudes é do 15 de xaneiro ao 5 de febreiro de 2024, ambos incluídos.

O formulario normalizado será facilitado na administración do centro e tamén estará dispoñible na sede electrónica da Xunta de Galicia, na aplicación Admisionalumnado (Solicitudes>Reserva>Crear), e na páxina web da Consellaría de Educación. Deberá ser presentado ou ben electronicamente, ou ben de forma presencial no centro de orixe.

As listaxes de alumnado admitido publicaranse antes do día 22 de febreiro e estarán dispoñibles no taboleiro do centro e na aplicación Admisionalumnado.

O noso comedor escolar participa na IV edición da campaña Come Local impulsada pola Xunta de Galicia.

Esta campaña proporciona ás persoas responsables de cociña e comedor escolar recibir formación en nutrición e en produtos de proximidade, 5 dos cales os nosos comensais terán o pracer de degustar.  

O pasado mércores 10 de xaneiro, tivo lugar a primeira degustación no noso comedor: unha deliciosa tarta de Santiago, cuxa información nutricional podedes coñecer a través da ficha adxunta.