En cumprimento do Plan de adaptación ao contexto COVID-19 para o curso 2020-2021 e mentres non se produzan cambios na situación sociosanitaria, pola saúde e coidado de todos, pregamos que as nais e pais que acudan ás reunións de inicio de curso respecten as seguintes normas:

• Traede posta a vosa máscara.
• Accedede ao salón de actos, no edificio de Infantil, polo portalón de Infantil ou a través do patio exterior de ESO. Sen acceder ao interior do edificio principal salvo que sexa necesario para outras xestións administrativas.
• Vide un único adulto por familia.
• Ocupade os asentos libres (deixando sen ocupar os que están sinalados cun X vermello).
• Respectade a distancia interpersoal de 1,5 m.
• Dado que o aforo do salón é limitado, se pode ser, deixade as crianzas na casa.

Moitísimas grazas pola vosa comprensión e colaboración.

Se te coidas ti, coidámonos todos!

Para o correcto desenvolvemento do servizo de comedor escolar recisamos con urxencia:

• dúas nais/pais colaboradores para o comedor escolar de Infantil e Primaria
• Dúas nais/pais colaboradoras para o comedor de ESO (só mércores).

As persoas interesadas, cubride o documento anexo e entregádeo no colexio ou enviádeo por correo electrónico (cpi.san.vicente@edu.xunta.gal) antes do 9 de setembro. 

Moitas grazas!

Segundo a Resolución do 1 de setembro de 2020 da Dirección Xeral de Educación, Formación Profesional e Innovación Educatva pola que se establece a incorporación gradual do alumnado para o curso 2020/21 nos centros docentes sostdos con fondos públicos na Comunidade Autónoma de Galicia, a incorporación do alumnado ás aulas para o inicio de curso 2020-2021 será gradual e nas seguintes datas: 

• O día 10 de setembro incorporarase o alumnado de 4º e 5º de educación infantil, 1º, 2º e 3º de primaria.
• O día 11 de setembro incorporarase o alumnado de 6º de educación infantil, e 4º, 5º e 6º de educación primaria.
• O día 16 de setembro incorporarase o alumnado de 1º e 2º de ESO.
• O día 17 de setembro incorporarase o alumnado de 3º de ESO.
• O día 18 de setembro incorporarase o alumnado de 4º de ESO.

No arquivo adxunto podedes consultar e/ou descargar a presentación para o alumnado de 4º de Educación infantil.

No documento adxunto podedes consultar e/ou descargar a presentación do curso 2020-2021 para 5º e 6º de Educación infantil.

No arquivo adxunto podedes consultar e/ou descargar a presentación do curso 2020-2021 para o alumnado e familias de 1º e 2º de Primaria.

A Consellería de Educación ven de publicar na súa web a decisión de adiar a incorporación ás aulas do alumnado de ESO para os días 23, 24 e 25 de setembro.

Neste enlace tedes a información ao respecto.

As reunións de presentación de curso mantéñense de todolos xeitos para o día 14 de setembro, tal e como estába previsto.

No arquivo adxunto podedes consultar a presentación do plan de adaptación ao contexto COVID-19 par o curso 2020-2021 presentada hoxe ás familias de Educación Secundaria Obrigatoria. 

Se queredes recibir notificacións no voso teléfono das últimas publicacións da nosa web, podedes sobscribirvos á nosa canle informativa de Telegram clicando neste enlace: 

https://t.me/joinchat/AAAAAFIctGrhJQGSz0pkqg

Nos arquivos adxuntos podedes consultar e/ou descargar as normas básicas de funcionamento do centro do Plan de adaptación ao contexto COVID-19 para o curso 2020-2021 que presentamos ás familias de 3º e 4º e 5º e 6º de Primaria.

Na web do Ministerio de Educación podedes acceder á información e solicitude das Becas de ayuda a alumnado con necesidades específicas de apoyo educativo.

Se precisades información ou asesoramento para a súa solicitude, concertade unha cita co orientador do centro chamando ao 881867001, 881867004 ou por correo electrónico a denis@edu.xunta.gal

Neste tríptico tedes toda a información sobre como facerse socias e colaborar coa ANPA Vieiro do Ensino. 

Recordade que se vos facedes socios/as, so hai que pagar unha cota por familia, non por alumno/a. 

A próxima semana comezan a desenvolverse as actividades extraescolares de inglés organizadas pola ANPA Vieiro do Ensino no centro escolar.

A continuación tedes os horarios e datas establecidos. As persoas interesadas en inscribir aos seus fillos /as poden dirixirse á ANPA Vieiro do Ensino por correo electrónico: ampavieirodoensino@gmail.com