881 86 70 01
Eventos
Sábado Marzo 07, 2020
Start: 07/03/2020 13:13
Nestes días o alumnado do centro está a adornar os corredores do noso centro con mensaxes pola igualdade para conmemorar o 8 de marzo.
Así mesmo, o alumnado de 5º de EP ven de realizar un fermoso video titulado "Cando sexa maior" no cal nos falan da igualdade de oportunidades e da liberdade de todas e todos para traballar, vivir, ler e amar libremente.
E finalmente, en colaboración co SNL do noso Concello e dentro do proxecto Comparte en Galego, tamén vos presentamos o noso Comparte pola igualdade:
Traballando xuntos por un mundo máis xusto e igualitario.
Luns Marzo 16, 2020
Start: 16/03/2020 12:24
Nos ficheiros adxuntos tedes o Plan de Traballo para os vindeiros 14 días e a actividades para desenvolver na casa.
Start: 16/03/2020 12:29
Queridas familias:
Debido ao Estado de Alarma que nos toca vivir e despois de ser coñecedoras de tódalas medidas adoptadas...o Equipo de Infantil informa:
- A etapa de Educación Infantil é unha etapa complexa, onde o currículo é flexible e polo tanto non ten tanto contido académico que se poda seguir nos fogares xa que prima o desenvolvemento persoal, social e emocional das nosas pequenas e pequenos, polo que as rutinas, o xogo simbólico e a socialización son case ou máis importantes, que as fichas e o traballo individual.
Por este motivo, ningunha das dúas mestras pensamos que poñer "deberes" aos nosos castores para que fagan obrigatoriamente día tras día é necesario, nin para eles, nin para as familias que xa ven demasiado alterada a súa rutina.
Debido a iso, a nosa proposta é ofrecervos material para que o xestionedes como vos veña mellor, adaptandoo así os vosos tempos e, sobre todo, ós intereses das nenas e nenos.
A canle de comunicación e onde colgaremos todo, será esta páxina web e tamén as nosas Redes Sociais.
Atoparedes material de lectoescritura, matemáticas, proxectos... pero tamén ideas para facer cos máis pequenos da casa e xogos cos que levar mellor este retiro.
Sabemos o dífícil que é esta situación para todos, solo desexamos que pase pronto e moito ánimo!
Estamos en contacto!
Martes Marzo 17, 2020
Start: 17/03/2020 10:12
Boas familias!
Como dixemos imos a colgar xa as primeiras actividades para que podades comezar a facer cas nenas e nenos de infantil.
A continuación, poñemosvos tres enlaces con fichas de grafomotricidade e lóxico-matemática pensadas para os tres niveis educativos.
Nos vindeiros días, teredes a vosa disposición tamén uns pequenos proxectos sobre os centros de interese que vimos na aula.
OS ENLACES AS CARPETAS SON:
MATERIAL 3 ANOS:
MATERIAL 4 ANOS:
MATERIAL 5 ANOS:
Querémosvos recordar, por outra banda, que tan importante coma o traballo, é seguir unhas rutinas, xa que os máis pequenos son o que botarán en falta e polo que máis se verán alterados, por eso propoñemos tamén:
- Respetar os horarios de sono, deitarse e erguerse as mesmas horas que cando hai cole, polo menos, de Luns a Venres.
- Seguir mantendo o horario habitual de comidas e merendas, e a ser posible o CALENDARIO DE MERENDA SAUDABLE que seguiamos nas aulas.
- Aínda que pode resultar duro por gañar rápidez...é mellor deixar que as nenas e nenos vaian ó baño sós, laven as mans ou coman sen axuda, poñan e quiten eles a roupa...esto permitirálles seguir aprendendo a ser independentes e mellorará a súa confianza e sentido de sentirse "maiores".
- Facer asambleas: falar con elas e eles, saber o que lles preocupa, escoitalos!
- Leer un pouquiño cada día, coa súa axuda ou sin ela pero deixando voar a súa imaxinación!
- Darlles tempo e material co que fagan as súas propias creacións, que sigan sendo artistas e así practiquen coas tesoiras, punzos, plasti...para seguir exercitando a súa psicomotricidade fina.
- Se tedes a oportunidade, e contades con campo na vosa casa, que saían a correr ou xogar fóra, que se movan e se sintan libres aínda que sexa un anaquiño...
Será moi duro, para nós pero sobre todo para eles aínda que non o pareza, todos estamos a vivir algo histórico e temos que apoiarnos. Calquera cousiña que necesitedes, estamos dispoñibles polas nosas redes!
Unha aperta! Silvia e Henar.
Start: 17/03/2020 10:19
No arquivo adxunto tedes as actividades para desenvolver na casa durante esta primeira semana na casa. Moito ánimo e escribide, se tedes calquera dúbida.
mirto@edu.xunta.gal
Start: 17/03/2020 10:54
MOITO TE QUERO PAPÁ!
Aínda que ante a situación que se está a vivir tódolos días son iguais, as nosas pequenas e pequenos esperaban con ansia o vindeiro Xoves 19 de Marzo. Primeiro, e para ser sinceros, porque non habería cole J e despois porque celebrarían o Día do Pai e estaban a preparar unha sorpresiña.
Deixándovos expectantes por saber cal será (chegará, con retraso pero chegará), e ofrecémosvos aquí algúns enlaces para que poidades facer manualidades na casa para agasallar os papis e pasar un bo rato fomentando a creatividade e manipulación.
ANIVADEVOS!
Mensaxes de amor con pinzas
https://www.manualidadesinfantiles.org/mensaje-de-amor-pinzas
Lapiceiro de goma eva para papá
https://www.manualidadesinfantiles.org/lapicero-goma-eva-dia-del-padre
Material para imprimir
https://blogdecoraciones.com/tarjetas-para-el-dia-del-padre/
Start: 17/03/2020 12:06
Boas de novo!
Como o contido dixital do noso método Castoria é rexistrado, pensamos que unha boa idea é completar o aprendido cos nosos castores con outros proxectos relacionados cos centros de interés que imos vendo.
Aquí vos deixamos o enlace para que podades acceder o material que preparamos sobre o corpo e os alimentos, dúas temáticas que estivemos tratando durante estes meses.
Saúdos!
https://drive.google.com/open?id=1fzeLoRxio--nN7C5m0PoQB715h7JJ8Zl
Start: 17/03/2020 13:57
Todos los cursos de ESO tenían exámenes previstos, que se realizarán al reanudarse la actividad lectiva. Por tanto, el alumnado debe estudiar la materia vista hasta este momento y preparar las pruebas.
Lo mismo ocurre con el alumnado que tiene la materia pendiente de cursos anteriores: todos tienen trabajo de repaso y recuperación.
Mércores Marzo 18, 2020
Start: 18/03/2020 12:27
Ola a todos/as. Ante a nova situación excepcional que estamos a pasar , dende o Departamento de Orientación queremos darvos unha serie de consellos diarios que vos poidan axudar. Moito ánimo e COMEZAMOS:
- Non estamos en período de vacacións así que, é conveniente seguir cos estudos a diario. Consultade todos os días a páxina web do noso centro, onde atoparedes as distintas tarefas que se propoñen nas materias.
- Elaborade un horario real que vos permita adaptarvos ao traballo na casa. Hai tempo de sobra para traballar pola mañá e pola tarde. Non esquezades ningunha materia xa que, ides ter traballo en todas.
- Aparte das tarefas, non descoidedes o estudo dos temas que se foron dando nas clases. Recordade que, o que fagades na casa é obrigatorio e que, do temario dado no que vai de trimestre, si se farán exames.
RECORDADE: SEMPRE HAI QUE SER FELIZ
E se o precisades, escribídeme: denis@edu.xunta.gal
Venres Marzo 20, 2020
Start: 20/03/2020 09:25
Hoxe comeza a Primavera, nun día atípico pero que xa é un día menos deste encerro ó que estamos sometidos. Polas redes sociais vemos que as nosas pequenas e pequenos estano levando moi ben, alegrámonos moito!
Dámoslles a NORABOA POLO ESFORZO QUE ESTÁN A FACER! E FELICITAMOS ÓS PAPIS POLO MESMO...XUNTOS VENCEREMOS!
Gracias por adicar tanto tempo "ó cole" para que non rexeiten á volta o hábito, e unha gran axuda dende a distancia!
E como se achega o fin de semana.... aquí van dous contiños para que lles expliquedes en qué consiste "o bicho" :) Un para colorear e outro que ten como protagonista a nosa amiga Rosa!
Esperamos que vos gusten!
https://drive.google.com/open?id=16b99WMqhKsIm7yaY_738D_VcBtL39eo7
Start: 20/03/2020 16:10
Dende o departamento de Orientación do CPI San Vicente da Baña, propoñemos as seguintes recomendacións xerais dirixidas ás familias de todo o alumnado para pasar estes días non lectivos na casa:
O CORONAVIRUS
Seguramente vos preguntaredes se tedes ou non que falar do coronavirus coas nenas e nenos. Dende o centro educativo recomendamos que o fagades, adaptando o discurso a idade e capacidade de comprensión do alumnado. Os nenos e nenas, independentemente da súa idade, xa escoitaron falar do que é, polo que o noso papel pasa por informalos na medida do posible co fin de axudalos a comprender mellor a situación que estamos a vivir e, sobre todo, tratar de tranquilizalos. O máis importante é que esteamos abertos a escoitar e responder as preguntas que os pequenos poidan ter sobre a situación actual. A nosa misión consiste en axudarlles a controlar a situación e calmar a súa ansiedade.
Existen numerosos recursos dispoñibles para falar ou explicar o tema aos máis pequenos:
A RUTINA DIARIA
Establecede unha nova rutina. Está claro que este cambio de situación pode xerar malestar entre todos os membros da familia. Para tratar de controlar a situación o máis axeitado é establecer unha rutina diaria, que se adapte á realidade e situación particular que está a pasar cada familia. Para as nenas e nenos, será máis sinxelo se empregamos soportes visuais como horarios escritos ou con imaxes sobre como se vai a organizar a xornada. Este aspecto é moi importante, principalmente porque ademais de axudar ao alumnado a estruturar o tempo, favorece o sentimento de orde e seguridade para afrontar estes días na casa.
Desta forma, suxerimos que establezades un horario combinando tanto de tarefas propias do fogar (facer a cama, algunha receita, varrer, fregar, recoller…) como as que se propoñen desde os centros educativos e tempo de lecer. Para que isto sexa posible, podedes dedicar un tempo da mañá a decidir como transcorrerá a xornada e escribilo nun calendario/horario. Ao final da xornada, podedes falar sobre o grao de consecución de cada unha das tarefas previamente establecidas.
O EXERCICIO FÍSICO
Non esquezas o exercicio físico. Ademais de darlle prioridade máis que nunca aos hábitos de hixiene (lavade moito as mans), non podemos esquecer a idea de facer exercicio e descargar enerxía, pero: como facemos isto dende a casa? Podemos establecer, dentro das nosas rutinas, unha que teña que ver coa relaxación-estiramento como o ioga para nenos; e ademais crear pequenos espazos de “exercicio” na casa:
A LECTURA
É unha grande oportunidade para dedicarlle tempo á lectura. Aproveitade para fomentar a lectura entre os nenos e nenas ou dedicade un tempo diario a contarlles contos no caso de que non saiban ler. Para favorecer a linguaxe, podedes facelo tratando de seguir as seguintes estratexias:
Reparamos na portada, título, debuxo… tratando de anticipar o seu contido… de que tratará? Por que se titulará así?
Comezamos a ler, deténdonos cando non entendemos algo. Se non entendemos unha palabra, intentamos adiviñar o seu significado pola frase na que se atopa e senón buscámola no dicionario.
Ímonos facendo preguntas do que imos lendo. Onde ocorre?, A quen? Que personaxes apareceron ata agora?, Que ocorre?, Que penso que vai ocorrer ó final?
Cando rematemos de ler podemos facer un pequeno resumo oral, tamén inventar outro final ou incluso realizar un debuxo.
A LINGUAXE
Para traballar a linguaxe. Podedes votar man de xogos clásicos como o vexo-vexo, palabras encadeadas, sopas de letras…Tratar de escribir notas, mensaxes de whatsapp aos nosos familiares, cartas, a lista da compra… Propoñer e traballar “a palabra do día”: escribir unha palabra e pensar: Por que letra empeza? Por que letra remata? Cantas letras ten? Cantas vogais? Cantas consoantes? Cantas sílabas ten? Cal é a sílaba forte? Debúxaa. Escribe/di unha frase con ela.
AS MATEMÁTICAS
Para traballar conceptos matemáticos. Podedes analizar os recibos da compra, facer compras imaxinarias con elementos recortados dos folletos de supermercados… (facer a suma de todos os produtos, canto nos falta? Canto nos devolven?...).
OUTRAS ACTIVIDADES
Actividades sinxelas de facer, con elementos que seguramente teñamos na casa como cartóns ou pinzas. Plantexaranse como un xogo.
Manualidades, crebacabezas, obras de teatro, teatro de sombras…e tamén tempo libre para que o dediquemos ao que máis nos apeteza no momento.
Un saúdo e moito ánimo para estes días de corentena.
A mestra de Pedagoxía Terapéutica, Amalia Núñez Vallo
A mestra de Audición e Linguaxe, Miriam Sánchez Fornos
O orientador, Joaquín Suárez Denis
Martes Marzo 24, 2020
Start: 24/03/2020 10:47
Bos días!
Aquí vos deixamos uns documentos e enlaces para que poidades ter recursos para xogar e entreter as nenas e nenos, non só ós de infatil, senón a tódolos da casa, apostemos pola diversión en familia!
Saúdos
https://drive.google.com/open?id=16fsM9tNILlZmKZC6iaz_j1zkXzJLJTMq
Start: 24/03/2020 22:39
Queridas familias:
Esperamos que estedes levando o confinamento da mellor maneira posible e queremos transmitirvos que dende o afastamento estamos con vós.
Estes días a nosa función é acompañarvos neste proceso e facilitar un pouco o día a día. As tarefas que propoñemos non deben xerar en ningún momento estrés nin situación de conflito nas vosas familias, senón que deben servir para manter hábitos de traballo e facer o día mais ameno.
A situación que estamos á vivir é moi difícil polo que é prioritario o benestar mental e emocional dos vosos fillos e fillas.
Resultanos moi difícil calcular o tempo de que dispoñedes para que os vosos fillos/as lles dediquen ao traballo e tamén é difícil calcular o tempo que lles levará facelos. Dentro da clase hai distintos ritmos de aprendizaxe e seguro que haberá nenos/as que demandarán mais tarefas das que subimos diariamente e tamén haberá outro alumnado ao que se lle estea a facer un mundo levar as tarefas ao día.
Así pois aínda que nós sigamos subindo tarefas día a día debedes ser vós os que decidades a cantidade de traballo que necesitan os vosos fillos e fillas.
Vou seguir poñendo traballo día a día como viña facento ata agora nos mesmos medios: correo electrónico e whatsapp pero si queredes que ao mesmo tempo suba aquí as fichas que se empregarán ao longo de toda a semana non tedes mais que decirmo.
ANIMO!!
Xoves Marzo 26, 2020
Start: 26/03/2020 08:51
Ola a todos/as. Que tal o levades?. Ante as circunstancias tan especiais que estamos a pasar, aí van 3 novos consellos:
1) Xa estades a cumprir coas vosas rutinas diarias e a seguir un horario. Pois ben, nos esquezades o exercicio físico. Si estamos sen saír da casa é imprescindible movernos canto menos 1 hora diaria. Os que dispoñedes de bici estática, cinta de correr, ou espazo na casa, xa que dispoñedes de xardín ou horta, téndelo fácil. Os que non e vivides en pisos, debedes de seguir táboas de exercicios (hai moitas en internet) ou axudar coas tarefas da casa aos maiores (fregar, barrer, limpar, facer camas...). Veredes como estas tarefas exercitan de verdade.
2) Vixiade a vosa alimentación. O confinamento pode facer que tendamos a comer máis. Tratade de potenciar as froitas e verduras, eliminado as graxas na medida do posible. E recordade: SE NON TENDES FAME PARA COMER UNHA MAZÁN E QUE NON TENDES FAME.
3) Pensade en positivo. Non vos centredes naquelo que non podedes facer nesta situación, intentade pensar en todo o que podedes facer: descansar, estudiar, xogar, ler, oír música, ver series... tratade de desenvolver a vosa creatividade ante o aburrimento e non abusedes do móvil. Buscade un tempo para vos, uns 30 minutos ao día para organizarse e relaxarse. Comunicádevos coa vosa familia e non esquezades aos amigo/as. O humor é un excelente xeito de levar todo isto.
E RECORDADE: SEMPRE HAI QUE SER FELIZ
Start: 26/03/2020 12:52
Neste apartado de Sección Bilingüe mostraremos os diferentes traballos realizados polos nenos e nenas de 5º EP e 6º EP coordinando dúas áreas, Plástica e Inglés.
O primeiro traballo do curso consistiu en debuxarse a un mesmo.
Así, mentres repasamos distinto vocabulario do corpo humano en Inglés, en Plástica inauguramos o caderno de debuxo facendo os nosos autorretratos (self-portrait).
E ben chulos que nos quedaron!
Venres Marzo 27, 2020
Start: 27/03/2020 09:17
Mostramos un traballo artístico que fixo o alumnado de 5º e 6º de EP no primeiro trimestre e relacionado coa materia de Inglés.
Representamos unha festividade inglesa que se celebra o día 5 de novembro, denominada Guy Fawkes Night (A noite de Guy Fawkes) ou Bonfire Night (A noite das fogueiras).
É unha celebración que se leva a cabo no Reino Unido o 5 de novembro, para conmemorar o fracaso do atentado ocorrido nesa mesma data en 1605, coñecido como a conspiración da pólvora, no que un grupo de católicos, sendo Guy Fawkes un dos seus líderes, tentaron destruír o palacio de Westminster, a sede do parlamento de Londres.
Hoxe en día celébrase con fogueiras e fogos artificiais tras o parlamento de Londres.
Nós ilustramos esta celebración por medio de recorte e pegado, ceras manley e raiado.
Finalmente, elaboramos un gran mural no corredoiro cerquiña da aula de Inglés.
Start: 27/03/2020 20:12
AVISO IMPORTANTE
Estimadas familias,
As direccións dos centros educativos de Galicia vimos d recibir unhas INSTRUCIÓNS SOBRE A CONCRECIÓN DE MEDIDAS A ADOPTAR EN RELACIÓN COA AVALIACIÓN DO SEGUNDO TRIMESTRE.
Nestas instrucións se nos indica que procedamos a formalizar o peche da avaliación do segundo trimestre antes do venres 3 de abril.
Tamén se nos informa de que "non serán avaliables as actividades relacionadas cos contidos curriculares realizadas polo alumnado con posterioridade á data de declaración do estado de alarma", é dicir, que as cualificacións dos vosos fillos e fillas obteranse a partir das tarefas, acitividades e probas realizadas con anterioridade ao venres 13 de marzo.
Debido ás medidas de confinamento establecidas polo Goberno de España, non se poderán recoller no centro os boletíns de notas. Isto significa que só poderedes coñecer as cualificacións dos vosos fillos e fillas a traves do Espazo Abalar.
A descarga da aplicación Abalar Móbil faise de xeito sinxelo desde Apple store (se o sistema operativo é IOS) ou desde Play Store (se o sistema operativo é Android). A instalación é moi sinxela dado que só vos pedirá o voso DNI e logo vos proporcionará un contrasinal que vos permitirá acceder sen dificultade a toda a información académica dos vosos fillos e fillas.
Se non queredes instalar a aplicación, tamén podedes acceder á información académica dos voso fillos na páxina de Espazo Abalar. Neste caso, teredes que identificarvos con DNI electrónico ou Certificado da CNMT.
Grazas pola vosa comprensión e, ante calquera dúbida:
- escribide á nosa dirección de correo-e: cpi.san.vicente@edu.xunta.gal
- chamade ao 881867001/881867004 de luns a venres de 10:00 a 13:00.
Domingo Marzo 29, 2020
Luns Marzo 30, 2020
Start: 30/03/2020 15:38
CONVOCADAS AXUDAS A USUARIOS DE COMEDOR ESCOLAR
A Consellaría de Educación convoca axudas para as familias dos usuarios do comedor escolar beneficiarios da bolsa de comedor (gratuidade total ou cota dun euro/día), con motivo da suspensión da actividade polo coronavirus COVID-19.
A quen vai dirixida a axuda?
As familias con un ou máis fillas/os escolarizados no centro que teñan a condición de comensais gratuítos ou pagadores de 1 euro.
En que consiste a axuda?
Nunha compensación por alimentos do custo diario do menú por comensal por cada día lectivo de suspensión da prestación do servizo como consecuencia das medidas adoptadas pola pandemia COVID-19.
Cal é o importe das axudas?
- 2,50 € por día no caso de alumnado de gratuidade total.
- 1,50 € por día no caso de alumnado que paga 1 €.
Cantos días cubre esta axuda?
- Marzo: dende o día 16 ata o 31 de marzo: 11 días lectivos de comedor de Infantil e Primaria, 2 días de comedor de ESO.
- Abril: dende o 1 ao 3 de abril: 3 días de comedor de Infantil e Primaria, 1 día de comedor de ESO.
Como se vai pagar a axuda?
En dous pagamentos:
1º: polo período comprendido entre o 16 de marzo e o 3 de abril
2º: se se prorrogase a situación de alarma ata o 1 de maio.
Solicitudes. Lugar e prazo
Prazo: do 31 de marzo ao 6 de abril, ambos inclusive.
Presentarase obrigatoriamente por medios electrónicos do seguinte xeito:
1. Se contas cun CERTIFICADO DIXITAL ou CHAVE 365
- Cubre o FORMULARIO NORMALIZADO na sede electrónica da Xunta de Galicia, https://ede.xunta.gal.
2. Se non contas con CERTIFICADO DIXITAL ou CLAVE 365
- Envía un correo electrónico a cpi.san.vicente@edu.xunta.gal cos seguintes datos:
-Nome do alumno/a
-Nome do pai/nai que solicita
-DNI do pai/nai que solicita
-Número de conta bancaria (IBAN)
Se che é máis doado, podes apuntar eses datos nun papel con letra clara, facer unha foto e enviárnola por correo electrónico dende o teu teléfono móbil.
3. Se tes dificultades para o envío do correo electrónico
Chama ao teléfono 881867004, en horario de 10:00 a 13:00 e tomaremos nota dos datos por teléfono. (Pregamos paciencia, se a liña está ocupada, e que acodades a esta opción como última solución.)
Resolución:
O prazo máximo de resolución será de 10 días desde que finalice o prazo de presentación de solicitudes. En canto saia publicada será anuncianda nesta páxina web.
Entenderase como medio de notificación da concesión o aboamento da axuda na conta bancaria do beneficiario.
Pagamento:
Nun prazo máximo de 5 días despois da resolución.
(No documento adxunto tedes o texto da convocatoria: Orde do 27 de marzo de 2020).
Start: 30/03/2020 19:28
Achégate a "O RECUNCHO DE VALENTINA" unha humilde proposta de suxestións cas que entreter, divertir, descubrir, coñecer,reflexionar...
"NON SE TRATA DE TER DEREITO A SER IGUAIS,
SENÓN DE TER DEREITO A SER DIFERENTES"
XERMINAMOS UNHA PLANTA?
1. Envolve unha faba ou lentella nun algodón e méteo nun vaso ou bote transparente.Personaliza unha etiqueta co teu nome.
2.Observa como vai medrando a raíz, saíndo o talo... Non esquezas ter o algodón húmido.
3.Se che apetece saca fotos nangún momento do proceso. podes mandalas a:
- amalianunez@edu.xunta.gal
- miriamsanchez@edu.xunta.gal
4. Coas fotos que nos acheguedes faremos un collage que colgaremos na páxina do Centro co hashtag #EUQUEDONACASA .
Ver os nosos nomes xuntos será emotivo, axúdanos a lembrar que, a pesar de estar separados, formamos parte dun "gran" grupo O NOSO COLE.
PARA REMATAR VALENTINA INVÍTANOS A ESCOITAR UNHA SESIÓN DE RELAXACIÓN
Martes Marzo 31, 2020
Start: 31/03/2020 09:50
Ao igual que fixemos cos traballos de 6º, aquí mostramos algúns exemplos das obras artísticas que creou o alumnado de 5º na materia de Plástica en coordinación coa de Inglés.
Traballamos Banksy e os seus graffittis máis famosos, como representante artístico inglés; e Graham Gercken e a súa visión do outono, en representación da arte australiana.
Tamén houbo outros traballos como autorretratos (self-portraits), Samaín/Halloween, Christmas...
Nos diferentes traballos utilizamos ceras, cores de madeira, rotuladores, pintura...
Botádelle un ollo a ver que vos parece!
Mércores Abril 01, 2020
Start: 01/04/2020 09:53
Mostramos como traballamos a pintura inspirándonos en obras do artista australiano Gercken, na que destaca a paisaxe outonal.