Encontro co IES Ribeira do Louro

O EDLG (Equipo de Dinamización da Lingua Galega) e o departamento de Plástica do CPI está a levar a cabo un proxecto de colaboración co Club de Lectura do IES Ribeira do Louro (O Porriño). O alumnado dos dous centros elaborará un cómic biográfico sobre Xela Arias.

No seguinte vídeo podedes ver o obradorio sobre banda deseñada impartido pola profesora deste centro, Elena G. Dahlgren, no IES Ribeira do Louro durante o mes de febreiro.

O xoves 25 de marzo tivo lugar a segunda sesión co alumnado do IES Ribeira do Louro. Esta vez foi por videoconferencia e nela coñecéronse o alumnado de 1º ESO do CPI e o do club de lectura do IES e tamén se explicou como será o proceso de preparación do guión da banda deseñada sobre Xela Arias.

O venres 26 de marzo tivo lugar a terceira sesión co alumnado do IES Ribeira do Louro e 1º A do CPI Manuel Suárez Marquier.

Álbum: 2020-2021 -> Encontro co IES Ribeira do Louro