Non ten que presentar solicitude: O alumnado beneficiario da axuda de material escolar no curso 2020-2021. Pódese consultar aquí a listaxe de alumnado admitido actualmente.

Prazo de presentación da solicitude: Do 16 ao 27 de novembro de 2020.

Deberán presentar solicitude os pais, nais, titores ou representantes legais do alumnado que non presentou solicitude de material escolar en tempo e forma ou resoltou excluído. 

Ten que presentar solicitude o alumnado que non foi beneficiario da axuda de material escolar no curso 2020-2021 que cumpra algunha das seguintes condicións:

• Que pertenza a unha familia cunha renda per cápita igual ou inferior a 6 000 € (para calcular a renda per cápita: Sumas as casillas 432 e 460 da declaración da renda e o total dividilo entre o número de membros da unidade familiar).
• Alumnado suxeito a tutela ou garda da Xunta de Galicia.
• Alumnado cun grao de discapacidade igual ou superior ao 65%.

Documentación a entregar:

• Anexo I e Anexo II. Tamén dispoñibles na sede electrónica da Xunta de Galicia.
• Copia do lbro de familia ou documento equivalente, onde figuren o alumno e os demais membros computables da unidade familiar. En caso de separación ou divorcio, ademais deberán achegar a sentenza xudicial e/ou convenio regulador onde conste a atribución da custodia do/a menor. Excepcionalmente, poderase acreditar o número de membros computables utilizando algúns dos seguintes medios: 1.º Certificado ou volante de convivencia; 2.º Informe dos servizos sociais ou do órgano equivalente do concello onde resida a familia.
• Certificado do grao de discapacidade do/a alumno/a ou calquera membro da familia recoñecido por un órgano que non pertenza á Xunta de Galicia.
• No caso de situación de violencia de xénero no ámbito familiar documentación xustificativa.
• No caso de que os proxenitores carezan de DNI ou NIF: Certificado de convivencia, volante de convicencia ou informe de Servizos Sociais ou equivalente.

Consulta de información no DOG Núm. 230 do 13 de novembro de 2020.