O mes das Letras, o mes da Lingua.
O MES DAS LETRAS, O MES DA LINGUA
Xa estamos en maio, o mes no que homenaxeamos á nosa lingua da man das Letras Galegas, dedicadas este ano á figura de Filqueira Valverde e mais á idea proposta por CTNL de Que se vexa o galego!. Dende o Equipo de Normalización e Dinamización Lingüística do CPI (ENDL) de Touro, temos unha chea de actividades para realizar durante todo este mes.
Actuación de contacontos o mércores 13 de maio. Haberá varias sesións para as distintas etapas educativas: Infantil e 1º, 2º, 3º Primaria Primaria ás 9,45. Ás 10,35, 4º, 5º , 6º de Primaria e 1º de ESO. De 12,35 a 13,25 2º,3º, 4º ESO.
Actuación da aula de teatro do CPI Fonte Díaz , o xoves 14 de maio. A sesión será para as nenas e nenos de 5 anos, 1º, 2º, 3º de Primaria.
Actuación da aula de teatro do CPI Fonte Díaz, o xoves 21 de maio . Haberá varias sesións: Infantil, 1º, 2º ,3º Primaria de 12,35 a 13,25; 4º, 5º, 6º de Primaria e 1º da ESO de 14,25 a 15,15; 2º, 3º, 4º ESO de 16-16,45.
Música nas letras. Durante a semana do 12 ao 16 colocaremos música galega nos corredores, para que todas e todos poidamos gozar coas nosas cancións.
Concurso de marcapáxinas con lemas normalizadores para Educación Infantil, Primaria e Secundaria. O marcapáxinas gañador será impreso e haberá un premiado por cada ciclo ou etapa. Data de entrega ata o 29 de maio.
Concurso de carteis de Educación Primaria. Os carteis estarán dedicados á idea Que se vexa o galego! e poden realizarse con diferentes técnicas, incluídas as informáticas, dende facer un libro que se pegue nas portas das aulas ata un mural con globos e as fotos das nenas e nenos que expresen as razóns para que se vexa o galego. Seguro que nos habedes sorprender! A data límite para a entrega será o 29 de maio. Premiaranse os traballos máis destacados.
Concurso de carteis de Educación Secundaria sobre Filgueira Valverde. Os carteis serán colocados polos corredores e votados en urna ata o día 29 de maio.
Concurso de vídeo para a ESO co lema “Que se vexa o galego!”. As mozas e mozos gravarán vídeos que fagan referencia a este lema. Os vídeos serán colocados en www.facebook.com/movealingua ata o día 29 de maio. Será declarado gañador o vídeo que teña máis “gústames”.
Asistencia co titor ou co profesor de galego á exposición sobre a “Obra e vida da figura de Filgueira Valverde”, situada xa no corredor.
Agradecemos de novo a colaboración de todas e todos para poder levar a cabo as actividades e propostas que temos para estas datas. A páxina Movealingua irá compartindo con toda a comunidade educativa boa parte delas.
ENDL do CPI de TOURO
