CPI Plurilingüe Cernadas de Castro

A semana pasada na clase de matemáticas estivemos traballando os ángulos. Sabemos que hai ángulos agudos, outros rectos e outros obtusos.

Nun dos cadros de Kandinsky buscamos todos os ángulos que había e rodeamos de azul os agudos e verde os rectos. Despois, chegamos á conclusión de que non había ningún ángulo obtuso porque non había ángulos máis grandes que o recto.

Estamos a estudar as horas e pensamos facer estes reloxos que nos permiten practicar sempre que teñamos un momentiño.

Este ano, como excursión de fin de curso, o alumnado de 1º e 2º de primaria fomos a Apípolis, un Centro para a Comprensión das relacións entre os seres humanos e as abellas. onde aprendemos moitas cousas interesantes das abellas, a importancia que teñen na conservación do medio... así como os diferentes estamentos nunha colmea (raíña, obreiras...), a facer galletas de mel, a facer candeas coa cera das abellas...

Para ver todas as fotos fai dobre clic na primeira.

Hoxe fixemos a nosa habitual camiñada de fin de curso, un total de 167 participantes, entre alumnos de 6º de primaria, da ESO e profesores saímos do Monte Culou para dirixirnos ata o noso colexio, foron 16 km de percorrido pasando por Toxosoutos, Cabanetán e as papeleiras existentes á beira do río Vilacova.

A xornada resultou moi amena e divertida, aínda que houbo algúns tramos pola beira do río que nos custou un pouco superar.

Se queredes ver algunhas fotos da xornada mirade na nosa galería. 

Xa temos uns novos gañadores! O grupo de 2º ESO C, de tan só 5 alumnos e alumnas, veñen  de ser os gañadores do pasado mes de abril. Nesta ocasión o xurado quixo premiar a estes rapaces e rapazas polo seu tesón e esforzo á hora de mellorar unha das aulas que partía ciunha maior desventaxa respecto ás demais. A súa implicación máis a da súa titora  tivo como resultado este ben merecido recoñecemento. Parabéns aos seis!

Os alumnos de 1ºA e 1ºB participamos no Plan de Convivencia do centro facendo tamén as nosas papeleiras, que nos quedaron moi chulas!!

En  1ºA sen pensar foi aparecendo Elmer. Comezamos pintando a caixa con cadriños de cores e pouco a pouco nos demos conta de que nos lembraba a alguén. Logo colocámoslle as patas con tubos de cartón, e fixémoslle a cara, a trompa e as orellas e... ahí o tedes!!!

Aquí temos os primeiros gañadores do concurso"A nosa aula si que mola", o grupo de 2ºESOA. O xurado considerou que foi o grupo que máis melloras fixo  en canto a limpeza, orde, decoración,...Parabéns e grazas aos alumnos e alumnas así como á súa titora pola labor ben feita.  Tamén as grazas aos demais grupos pola súa implicación e sorte para o seguinte mes.

Aí vai unha fotiño do grupo e a titora posando na súa aula da que se sinten orgullosos.