CPI Plurilingüe Cernadas de Castro

Na votación correspondente ao sector das nais, pais e titores legais do alumnado celebrada o venres 27 de maio acadáronse os seguintes resultados:

Censo de pais , nais ou titores legais:289

Votos emitidos:                                  204

Votos  a favor da xornada mixta:       139

Votos en contra da xornada mixta:      65

Abstencións:                                        85

Votos nulos:                                          0

Segundo   a Orde do 29 de maio de 2008 que reguila o cambio de xornada lectiva é  necesario o acordo favorable da maioria absoluta do total do censo das nais, pais ou titores legais dos alumnos/as. 

O censo de votantes deste curso  é de 289 , polo tanto, para  o cambio de xornada necesítase un mínimo de 146 votos a favor. Tendo en conta que se obtiveron 139 votos favorables NON HAI CAMBIO DE XORNADA LECTIVA PARA O VINDEIRO CURSO ESCOLAR 2016-2017.

O noso agradecemento a todas as familias pola súa participación.

Case 100 rapazas e rapaces de 6º e primaria e 1º e 2º de ESO participaron este ano na tradicional Camiñada das letras.

Ao longo de aproximadamente 18 kms, que transcorreron por parte do Camiño Real e do Camiño Sacramental, puidemos admirar a beleza da Ría de Noia desde a ponte atirantada, o hórreo de Balbargos, a igrexa de Argalo ou o dolmen da Cova da Moura.
 
Logo dun descanso para xantar no campo da festa de San Roquiño, emprendemos os últimos metros da andaina ata chegarmos  ao noso colexio.

Fai clic na imaxe para acceder á galería co resto das fotos.

Despois de catro sesións na aula de informática, os alumnos de 1º ESO remataron o seu primeiro proxecto Scratch.

Todos intentaron programar unha versión do xogo clásico Pong. O traballo foi moi guiado, pois era a súa primeira experiencia programando. Aínda así, moitos deles engadiron modificacións e melloras ao proposto inicialmente.

Como mostra do traballo feito polos alumnos, deixamos aquí (hai que premer na imaxe e despois en "entrar como convidado") o a versión feita por Marc Carnota, de 1º ESO A.

        Desta volta, tocounos aos de 2º da ESO visitar o Aquarium Finisterrae e o Domus na Coruña. Acompañados dos nosos profes, coñecemos de primeira man os peixes e falamos cunha bióloga que nos deu todo tipo de información sobre estes animais, así como incluso de posibles saídas á hora de estudar unha carreria universitaria. Xa no Domus, impactounos o vídeo onde observamos como se producía un parto e probamos todos o noso grao de relaxación. 

      Despois da adquisición destes e outros coñecementos, fixemos a comida de rigor nos arredores da Torre de Hércules, paraxe incomparable, e volvemos para Lousame cantando baixiño.

 A Consellería de Cultura, Educación e Ordenación Universitaria, mediante a Orde do 27 de abril de 2016 (DOG de 16/5/2016), convoca axudas para adquirir libros de texto e material escolar e regula a participación no fondo solidario de libros do alumnado de centros sostidos con fondos públicos, matriculado en EP, ESO e EE.

•  Tipos de axuda e destinatarios.

 ·         Fondo solidario de libros: alumnado matriculado en 3º, 4º, 5º e 6º de EP e 1º e 3º ESO.

 ·         Axudas para libros de texto: alumnado matriculado en 1º e 2º de EP, en 2º e 4º ESO e en Educación Especial.

 ·         Material escolar: alumnado matriculado en EP, ESO e E. Especial.

•  Requisitos.

 ·       Renda per cápita igual ou inferior a 9000 €, agás no caso de discapacidade superior ao 65% e alumnado en garda/tutela da Xunta de Galicia ou de Educación Especial, que poderá ter calquera tipo de renda.

 ·         Devolver, en bo estado, os libros de texto adquiridos coas axudas para libros  ou os recibidos do fondo solidario no curso anterior.

• Prazo presentación de solicitudes.

 Cada pai/nai/titor cubrirá unha única solicitude para todos os seus fillos, que poderá recoller no centro ou descargar da web da Consellería de Educación. A propia aplicación discernirá o tipo de axuda que debe pedir para cada un.

  As solicitudes presentaranse no centro en soporte papel ata o 23 de xuño de 2016 (este incluído), agás o alumnado procedente de centros privados ou os repetidores de 4º de ESO, que terán un mes de prazo desde o día seguinte ao da formalización da matrícula.

• Documentación que se debe achegar.

 ·         De autorizar a consulta telemática por parte da Consellería:

 - Copia do libro de familia ou documento que acredite número de membros computables a 31 de decembro de 2014 (sentenza de divorcio ou separación, certificado de convivencia, …)

 - Certificado acreditativo do grao de discapacidade e/ou acreditación de violencia de xénero, de ser caso…

 De non autorizar a consulta telemática,  á documentación anterior debe engadirse o DNI dos membros computables da unidade familiar e a declaración da renda do exercicio 2014.

Para máis información ou descargar a solicitude, poden ver os adxuntos.

O Servizo de Ordenación, Innovación e Orientación Educativa da Consellería de Educación, Cultura e Ordenación Universitaria vén de publicar as listaxes correspondentes ao disposto no artigo 14.1 da Orde do 14 de marzo de 2016 pola que se convocan axudas para a realización de actividades de formación en linguas estranxeiras no ano 2016, destinadas ao alumnado dos centros docentes sostidos con fondos públicos, en réxime de concorrencia competitiva (DOG do 28/03/2016).

Toda a información pode verse  na páxina web www.edu.xunta.es/axudasle

O período de reclamación é de 10 dias naturais e  abrangue dende o 17 de maio ata o 26 de maio, ambos inclusive.

Nos arquivos adxuntos podedes consultar as diferentes  listaxes.

Este  ano fomos de excursión a Casa das Ciencias e o Domus. Na casa das Ciencias visitamos o museo e o planetario.

Foi moi interesante descubrir a ciencia da man destes museos interactivos. Gustáronnos moito.