CPI Plurilingüe Cernadas de Castro

Hoxe, parte do alumnado do noso centro acudiu a Fruíme onde, da man do Concello, fíxoselle unha homenaxe ao noso galego máis ilustre: O cura de Fruíme, Diego Antonio Zernadas de Castro ou, como ben dixo Rivas Troitiño no seu fermoso discurso, Diego Antonio Zernadas y Castro, como orixinariamente era coñecido. Os nosos rapaces e rapazas leron unha pequena escolma dos seus poemas en galego e, unha vez rematado o acto, ofreceron unha ofrenda floral diante do busto do homenaxeado. Malia o orgullo da xente de Lousame e o desexo de que algún día sexa el o persoeiro ao que se lle dedique o día das nosas letras, non nos esquecemos de Carlos Casares e tamén para el houbo unhas verbas de agradecemento e de recoñecemento por parte da nosa rexedora. Tamén queremos mencionar a actuación da Banda de Lousame que interpretou unha melodía composta por Prudencio Romo, así como o Himno Galego. Todos e todas sabemos que boa parte dos integrantes desta banda son alumn@s ou exalumn@s do centro. Para eles, os nosos parabéns.

E como non, a festa continuou no novo restaurante das minas de San Finx onde os rapaces e rapazas bailaron unha muiñeira ao son das gaitas d'O son do pote, aos que esperamos ver de novo no II mercado tradicional do vindeiro 9 de xuño, de feito xa quedamos citados

Para verdes todas as fotos clicade AQUÍ e iredes directamente á galería.

O alumnado do centro traballou arreo ao redor da figura homenaxeada este ano para celebrar a festa da nosa lingua e da nosa cultura. Se queredes ver todo o traballo realizado ou acceder a algún tipo de información sobre Carlos Casares, clicade nos enlaces e o Blog da Silva poñeravos ao día.

   CARLOS CASARES           INFANTIL, PRIMARIA E SECUNDARIA XUNTOS

O alumnado de 2ºESO participou nunha saída educativa á cidade de Santiago de Compostela. Pola mañá coñecimos a Cidade da Cultura do arquitecto Peter Einsenman e visitamos a interesantísima exposición temporal "Da árbore á cadeira". 

Posteriormente visitamos os tellados da Catedral dende onde puidemos desfrutar dunhas vistas fermosísimas de Compostela. Tivemos tamén o privilexio de pasear polos patios do Hostal dos Reis Católicos e, acompañados pola chuvia, percorrimos o casco vello da cidade.

Para pechar o día, visitamos a exposición "Arte e xeometría en papel" instalada no Pazo de Fonseca ata finais de maio. Non vola perdades!

(Para ver máis fotografías da saída premer en "ler máis").

No arquivo adxunto está a relación de alumnos e alumnas admitidos para o vindeiro curso escolar 2017/18. Lembrámoslles que o prazo para formalizar a matrícula é do 20 ao 30 de xuño para Ed. Infantil e Ed. Primaria e do 25 de xuño ao 10 de xullo para ESO.

Moitas grazas polos vosos poemas. Seleccionamos estes que podedes ler-ver aquí:

O alumnado de 2ºESO impartiu unhas sesións sobre a Idade Media nos dous grupos de 5º de Primaria.

Os expertos, organizados por grupos, explicaron as distintas etapas medievais dende o punto de vista histórico e artístico. O alumnado de 5ºA e 5ºB de primaria acolleu estas sesións con moito entusiasmo, amosando gran curiosidade pola Idade Media, facendo numerosas preguntas aos relatores.

O pasado día 21 de abril Samuel Mountoumnjou, profesor camerunés e mediador intercultural, fixo de contacontos para todo o alumnado do centro. Podedes ver as fotos que tomamos para mostrar o ben que o pasaron cunha participación moi entusiasta e activa.

Co gallo da celebración do "día do libro" o alumnado de Infantil e Primaria adicaron o seu tempo de lecer a revisar os libros que están na Biblioteca nun sitio diferente: no exterior da Biblioteca e no patio cuberto.  

Preme en "ler máis" para ver todas as fotografías da actividade.