Xuntanza A 21 do alumnado de secundaria
O alumnado de 1º e 3º DC da ESO acudiu o xoves 26 de maio ao Pazo da Cultura de Pontevedra para facer a presentación dos traballos desenvolvidos para Axenda 21 durante o curso 2010/2011. Unha xuntanza na que participaron mais de 300 alumnos e alumnas dos disferentes centros de ensino galegos. Galería.
OLIMPÍADA TECNOLÓXICA
O día 6 de xuño celebrouse en Lugo a V Olimpíada Tecnolóxica. Participaron o IES Leiras Pulpeiro, que foi o organizador, e os centros de Castroverde, Castro Caldelas, Cervantes e o Caurel. Na zona vella instaláronse diversas probas tecnolóxicas. A ciencia, baixo o lema "Sapere Aude" (atrévete a saber), tomou a ciddade: uns na Praza Maior, outros no Museo, na Praza do Campo ou no fermoso claustro da Catedral... A mistura entre a técnoloxía e a antigüidade asolagou as rúas de cores diferentes, a cidade estaba enchida de mocidade. No medio das probas tomamos un aperitivo e continuamos coas probas. A relación entre todos foi moi positiva, coñecemos xente nova e aprendemos moitas cousas. Despois fomos comer ao Leiras Pulpeiro onde nos fixeron e serviron o xantar os alumnos do IES San Xillao, entre os que estaban algúns alumnos do Centro que recibiron o noso aplauso polo ben que o fixeron. Seguidamente viñeron os discursos das autoridades a a actuación do mago Rafa que, coma sempre, nos sorprendeu cos seus trucos e a súa simpatía. A tronada impediunos dar o paseo pero fómonos moi satisfeitos e cunha nova experiencia na mente. ¡O ano que vén máis!
LETRAS GALEGAS
O día 13 de maio celebramos o día das Letras Galegas. Houbo recitado de poemas, lendas, música e cancións de Lois Pereiro e outros autores traballados nas aulas durante o curso. Na foto os alumnos e alumnas de educación infantil están cantando "A Vaca Marela".
VISITA A AVIFAUNA E CINE EN LUGO
O día 3 de maio os nenos e nenas de 1º ciclo de Primaria visitamos Avifauna, onde poidemos observar aves de todos os continentes, entre elas o urogallo e o voitre que están en perigo de extinción. Despois fomos ao Auditorio Gustavo Freire de Lugo a ver a película animada “El lince perdido” que conta como un grupo de animais trata de liscar das redes dun cazador sen escrúpulos.
MIGUEL HERNÁNDEZ
Con motivo de celebrarse no 2010 o centenario do nacemento do poeta Miguel Hernández, desde o Club de Lectura do CPI de Castroverde organizáronse sesións de recitado e escenificación dos seus poemas na biblioteca do centro.
Estas son mostras do que compartimos:
EL NIÑO YUNTERO Y EL SOL, LA ROSA Y EL NIÑO
